Connect with us

Lajme

Arbër Ademi profesor kundër Arbër Ademit deputet

Published

on

Shefi i deputetëve të BDI-së, Arbër Ademi, njëherit edhe profesor i Universitetit të Tetovës sot ka marr pjesë në protestën e organizuar nga sindikata e profesorëve të UT-së ku kërkojnë trajtim të barabartë si profesorët e Universitetit Kirili dhe Metodi në Shkup.

Kërkesa e sindikatës së UT-së ishte që ato dhe universitetet tjera publike në vend të jenë barabartë me profesorët e UKIM dhe të mos diskrimonohen. Pak minuta para se të fillojë protesta, profesorëve protestues u bashkangjit deputeti i BDI-së Arbër Ademi së bashku me deputetet Arta Bilalli dhe Fisnike Bekteshi, të tre këto të punësuar si profesor në UT. Arbër Ademi i dha një letër kryetarit të sindikatës të punësuarëve të UT-së ku ishte propozim ligji nga deputetët e BDI-së për trajtim të barabartë.

Ndonëse duhej që profesorët tjerë të jenë më të zëshëm, hapsirën mediale e “gllabëroi” profesori Arbër Ademi, dhe kur u pyet nëse ndjehet i diskriminuar nga vendimet e deritanishme ku dallojnë rrogat e profesorëve të UKIM nga univerzitetet tjera në vend. “Sigurisht se po, me vet faktin që jam sot në protestë këtu unë vij ti siguroj të gjithë se nuk do të lejojmë diskriminim. A kanë të drejtë të gjithë profesorët në të gjitha universitetet tjera, qofshin te Universiteti Nënë Tereza, Goce Dellçev, Universiteti i Manastrit dhe Ohrit që të ndjehen të diskriminuar. Sigurisht se po” u përgjigj Ademi.

Profesori i cili është edhe deputet, Arbër Ademi më pas u pyet se si shef i grupit parlamentar të BDI-së a vlerëson se ka bërë të duhurën deri më tani sa i përketë pagave të profesorëve ai foli për godina duke ju referuar projekteve që ka bërë partia e tij gjatë qeverisjes. “Duke e patur parasyshë se në çfarë godine jemi këtu të cilën BDI e ka bërë, konviktin studentor pas kësaj godine dhe që kanë kushte evropiane. Vula e të arriturave në këtë universitet dhe universitetet tjera është e BDI-së. Mendoj se edhe me këtë ligj e bëjmë të duhurën. Partner kryesor e të parë na kanë ne, prandaj jemi këtu si në shtëpinë tonë, si në familjen tonë” tha Ademi
Megjithatë, prezenca e Ademit nuk i gëzojë të gjithë profesorët. Disa prej tyre shprehën revoltën duke u larguar nga turma, por pati edhe prej tyre që reaguan. “Arbër Ademi nuk ka pse ta gllabëron këtë protest sot. Kjo protestë nuk ishte për Arbër Ademin, as për deputeten tjetrën dhe atë tjetrën. Kjo protestë ishte për profesoratin, jo për Arbër Ademin që është, çka pret Arbër Ademi, ka qenë ministër i arsimit, është deputet. Ka prit sot në protestë të mer fjalën, fjalë duheshte profesorati të merr” u shpreh profesori Arianit Reka.

VIDEO: https://fb.watch/qBA3lDN3tn/

Continue Reading

Lajme

Votimi i të burgosurve dhe të sëmurëve po zhvillohet pa probleme, bëjnë të ditur KSHZ

Published

on

By

Të drejtën e votës sot do të mund ta ushtrojnë 2569 votues në 31 vendvotime në PKV, ku janë regjistruar për të votuar dhe aplikimet e të cilëve janë pranuar nga Komisioni Shtetëror i Zgjedhjeve.

Sot në qendrat e votimit në 14 IEVP do të mund të ushtrojnë të drejtën e votës 2147 zgjedhës. Të gjitha qendrat e votimit në IEVP janë hapur në orën 7:00 të mëngjesit të sotëm dhe votimi atje do të vazhdojë deri në orën 19:00.

Deri në këtë moment votimi po vijon pa problem. Gjatë ditës së sotme dy votues, të cilët identifikohen si të zhvendosur brenda vendit, do të mund të ushtrojnë të drejtën e votës në të vetmen qendër për personat e zhvendosur brenda vendit.

Këshillat zgjedhorë në Republikën e Maqedonisë së Veriut gjatë ditës së sotme do të bëjnë votimin e personave të sëmurë ose të paaftë, të cilët kanë dorëzuar njoftime me dokumentacion përkatës deri te komisionet komunale zgjedhore. Të drejtën e votës në banesat e tyre do ta ushtrojnë 6935 qytetarë të regjistruar si të sëmurë apo të pafuqishëm.

Sot, 534 zgjedhës, të vendosur në 20 qendra të kujdesit jashtëfamiljar, do të kenë mundësinë të ushtrojnë të drejtën e votës në qendrën ku ndodhen. Ekziston një interes i theksuar për vëzhgimin e këtyre zgjedhjeve nga organizata dhe media vendase, të huaja dhe ndërkombëtare. Komisioni Shtetëror i Zgjedhjeve deri më tani ka akredituar për vëzhgim 342 vëzhgues vendas, 517 vëzhgues të huaj dhe ndërkombëtarë, 51 përkthyes dhe 32 gazetarë të huaj. Faqja e KSHZ-së, www.sec.mk, si dhe faqet e rrjeteve sociale “Facebook”, X, “Instagram”, si dhe kanali YouTube janë në dispozicion të të gjithë qytetarëve, ku do të mund të gjeni informacion në kohë dhe të saktë në lidhje me zgjedhjet.

Në listën zgjedhore me të drejtë vote në këto zgjedhje janë regjistruar gjithsej 1.814.317 zgjedhës.

Continue Reading

Lajme

Demolohet shtabi i VLEN në Lagjen e Trimave në Kumanovë

Published

on

By

Gjatë mbrëmjes së kaluar nga persona të panjohur është demoluar shtabi i VLEN në Lagjen e Trimave në Kumanovë.

Rasti i demolimit të shtabit është lajmëruar në SPB Kumanovë. Përndryshe nuk është hera e parë që demolohen shtabet partiake në lagjet shqiptare në Maqedoninë e Veriut.

Continue Reading

Lajme

Veteranët e UÇK-së porosi Artan Grubit: Nuk lejojmë shkeljen e flamurit kombëtar!

Published

on

By

Veteranët e UÇK-së kanë reaguar ndaj Artan Grubit i cili nga sheshi i Shkupit këtkoi që të ulet flamuri kombëtar.

Ata e shohin këtë veprim si një shkelje të gjakut të dëshmorëve dhe sakrificave të tyre për liri.

Në reagimin e tyre, ata theksojnë se flamuri kombëtar është mbrojtur me gjakun e dëshmorëve dhe se nuk mund të lejohet që të kalojë pa reagim një gjest i tillë.

Në këtë reagim, ata shprehin zemërimin dhe turpin e tyre ndaj këtij veprimi, duke theksuar rëndësinë dhe nderin që duhet t’i kushtohet flamurit kombëtar dhe emblemës së UÇK-së.

“TË NDERUAR VETERANË INVALID DHE FAMILJE TË DËSHMORËVE KY FLAMUR ËSHTË LARË ME GJAKË DHE ËSHTË MBROJTUR ME GJAKUN E DËSHMORËVE. NUK TOLEROJMË QË NJË RRUGAÇ TË JAPE URDHËRA PËR TË ULUR FLAMURIN KOMBËTAR NË LIRI, AI FLAMUR ËSHTË MBROJTUR ME JETËN E SHUM DËSHMORËVE NGA VITI 1998 DERI NË 2001. Nuk mundemi të qëndrojm indiferentë ndaj këti rrugaçi se ai rrugaçi që në vitin 2001 ishte me palën Maqedone dhe ishte i mbuluar me flamurin e ty që ka në zemër. TURP TURP TURP TË KENI. NJËHER BROHORET UÇK UÇK DHE PAS NJË ORE URDHËRON ULNI FLAMURAT ULNI FLAMURAT………TURP TURP TURP!!!???? RROFT FLAMURI KOMBËTAR RROFT EMBLEMA U.Ç.K së”, thuhet në reagimin e ish ushtarëve të UÇK-së, theksojn Veteranët e UÇK-së.

Continue Reading

TOP Lajme