Connect with us

Lajme

Arben Taravari për Top-News: Gjuha shqipe me emrin e saj në Kushtetutë, kauzë e ASH-së dhe e çdo shqiptari

Published

on

Për sa i përket çështjes së 20%, besoj se është një çorbë që nuk i ka hije asnjë partie e jo më Kushtetutës që duhet të jetë dokumenti më krenar i një shteti. Si LSDM-ja e pak më shumë BDI-ja, nuk duan që një gjuhë jashtëzakonisht historike dhe e pasur, si gjuha shqipe, të fshihet nën terma ofendues si 29.36 apo 48%. Kauza e njohjes së gjuhës shqipe me emrin e saj në Kushtetutë, është një kauzë jo vetëm e ASH-së, është një kauzë që e ka çdo shqiptar dhe çdo qytetar tjetër i këtij vendi. Republika e Maqedonisë së Veriut është një shtet i qartë përcaktuar në Evropë dhe është absurde që ndonjë parti të shfaqë kundërshti me emërimin e gjuhës të një prej dy etnive më të mëdha në vend.

Intervistoi: Afrim Tanallri Intervista e plotëhttp://top-news.mk/archives/78057

TOP-NEWS: Aleanca për Shqiptarët është  partneri më I ri  I koalicionit qeveritar. Pse në këtë kohë dhe këtë moment ky koalicion I ASH-së me LSDM-BDI?

Arben Taravari: Koha është ajo e duhura duke marrë parasysh rrethanat dhe imperativin e tyre. Duhet theksuar se qeveria nuk është pronë e asnjë partie. Dua të them se kur hyn në qeveri kjo nuk domethënë se aderon në ndonjë parti. Është krejtësisht ndryshe. Ne kemi pranuar të bëhemi pjesë e menaxhimit të shtetit duke besuar në vizionin dhe ndershmërinë tonë. Nga ana tjetër të gjithë e dimë se kushtet ndërkombëtare janë të veçanta, delikate dhe duhet kujdes sidomos në Ballkan. Lufta në Ukrainë ka hapur sfida të mëdha, sfida të cilat janë më të rëndësishme se sa egot partiake apo qoftë edhe ambiciet elektorale. Disa parti kur hyjnë në qeveri, ato thjesht marrin pushtetin, disa parti të tjera kur hyjnë në qeveri fillojnë punën. Partia jonë ka filluar punën.

TOP-NEWS: Në fillimet e para, keni kundërshtime sa I përket ndryshimeve Kushtetuese. LSDM dhe BDI sikur kanë një qëndrim se tani të bëhen ndryshimet Kushtetuese vetëm për pjesën e përfshirjes së komunitet bullgar, jo edhe definimin e gjuhës shqipe, nga 20 për qind në gjuhë shqipe?

Arben Taravari: Objeksione ka pasur dhe do të ketë pa asnjë dyshim derisa të vendoset ajo që ne me profesionistët tanë, të të gjitha fushave, kemi menduar.

Për sa i përket çështjes së 20%, besoj se është një çorbë që nuk i ka hije asnjë partie e jo më Kushtetutës që duhet të jetë dokumenti më krenar i një shteti. Si LSDM-ja e pak më shumë BDI-ja, nuk duan që një gjuhë jashtëzakonisht historike dhe e pasur, si gjuha shqipe, të fshihet nën terma ofendues si 29.36 apo 48%. Kauza e njohjes së gjuhës shqipe me emrin e saj në Kushtetutë, është një kauzë jo vetëm e ASH-së, është një kauzë që e ka çdo shqiptar dhe çdo qytetar tjetër i këtij vendi. Republika e Maqedonisë së Veriut është një shtet i qartë përcaktuar në Evropë dhe është absurde që ndonjë parti të shfaqë kundërshti me emërimin e gjuhës të një prej dy etnive më të mëdha në vend.

TOP-NEWS: VMRO-DPMNE-ja tani kërkon zgjedhje të parakohshme, ndërsa sa I përket ndryshimeve Kushtetuese e ofron modelin kroat, sa kjo është e pranueshme për shqiptarët e Maqedonisë?

Arben Taravari: E kam shprehur simpatinë time për ndjeshmërinë e VMRO-DPMNE-së ndaj kauzës tonë që duhet të jetë edhe kauza e tyre sepse Kushtetuta e këtij vendi duhet të jetë sa më e drejtë, dhe VMRO-ja mendoj se ja do të mirën Maqedonisë. Për sa i përket modelit që ofrojnë, si është ai kroat, mendoj se padyshim është nga ndonjë shpejtim sepse nuk dua të mendoj se një parti serioze si VMRO DMPNE-ja mund të bëj gafa të tilla. Në Kroaci rrethanat etnike janë shumë të ndryshme nga ato këtu. Kroatët janë mbi 90% e popullsisë dhe ajo që mbetet janë pakicat etnike. Kurse në Maqedoni ka dy etni dominante si është ajo sllavo-maqedonase dhe shqiptare. Sipas statistikës zyrtare, është konstatuar se ka 54% sllavo-maqedonas dhe 30% shqiptar. Edhe nëse i mbledhim këto përqindje nuk e arrijnë dot përqindjen e kroatëve në Kroaci. Ndaj duhet kuptuar që Maqedonia ka një strukturë etnike tjetër dhe duhet zgjidhje korrekte sipas natyrës që ka. VMRO-ja duhet ta dijë sigurisht që Kroacia ka një marinë të shkëlqyer por ne nuk mund ta marrim shembull sepse nuk kemi det…

Ndaj dëshira e saj për të përdorur shembullin kroat e bën të duket si një Don Kishot që lufton me mullinjtë e erës. E thjeshtë, jemi në Maqedoni, jo Kroaci.

TOP-NEWS: A jeni të sigurt se koalicioni qeverisë do të sigurojë votat e deputetëve në Kuvend për miratimin e ndryshimeve Kushtetuese dhe të filloj negociata me KE-në?

Arben Taravari: Po. Jam konfident dhe optimist. Nuk ka opsione të tjera.

TOP-NEWS: Cili është qëndrimi I ASH-së, për ‘Aleancën Evropiane’, që po paralajmërohet nga BDI dhe Ali Ahmeti?

Arben Taravari: Është një iniciativë e cila si fillim më pëlqen sepse ka emrin e partisë tonë në thelb, dhe unë në ideologjinë time jam një aleat. Besoj se punët bëhen më mirë kur bëhen në grup. Këtë iniciativë nuk e kemi analizuar dhe shqyrtuar brenda anëtarësisë dhe organeve partiake. Për sa i përket realizimit të saj natyrisht do të mvaret prej shumë rrethanave dhe zhvillimeve në vendin tonë.

TOP-NEWS: Ajo që po flitet në opinion është se në zgjedhjet e ardhshme qofshin të rregullta apo të parakohshme, do të ketë një koalicion parazgjedhor mes ASH-BDI-LSDM. Sa kjo është e mundur dhe e vërtet?

Arben Taravari: Me gjithë respektin për pyetjen tuaj jam i detyruar t’ju le pa përgjigje. Mentaliteti i partisë tonë nuk është i tillë që të mendojë se më kë do të vij në pushtet. Ne mendojmë dhe punojmë përditë se si ta bëjmë më të mirë këtë vend. Çdo parti që ndan parimet dhe vizionin tonë për këtë punë është dhe do të jetë gjithnjë e mirëseardhur për bashkëpunim.

TOP-NEWS: Aleanca për Shqiptarët dhe ju si kryetarë, keni promovuar prurjet e reja në këtë parti, tani kohëve të fundit sikur e keni targetuar strukturën e Lëvizjes Besa. ASH-ja po forcohet në teren apo po ka frikë nga dobësimi?

Arben Taravari: Jam i gëzuar të tregoj se çdo ditë ka prurje të reja në partinë tonë, aq sa ndonjëherë të duket se ke të bësh me një lëvizje dhe jo me një parti. Ne nuk targetojmë ndonjë parti në veçanti, kjo nuk është një gjueti shtrigash. Gjërat janë shumë më të thjeshta se kaq dhe sidomos shumë të pastra. Ne jemi një parti që i ka pasur dhe do i ketë dyert gjithnjë hapur për këdo që do ta shohë këtë vend më mirë! Të ndërrosh parti për parime nuk është tradhti, të aderosh në partinë  që beson është shenjë respekti për veten dhe për shoqërinë.

Cili është qëndrimi I ASH-së,  sa I përket ‘Open Balkan’ dhe Procesit të Berlinit?

Arben Taravari: Open Balkan është një proces delikat i cili kërkon maturi dhe durim, dy të dhëna të cilat janë të vështira për t’u gjetur në gadishullin tonë homerik. Kur të sheshohen disa raporte të komplikuara midis Kosovës dhe Serbisë, do të jetë më e përshtatshme të flasësh për iniciativa të tilla. Procesi i Berlinit është një nismë gjermane dhe unë kam një respekt të veçantë për shtetin gjerman, respekt që lidhet me disiplinën dhe racionalitetin e tyre. Integrimi që Ballkani kërkon me ngulm në Evropë duhet të kalojë sigurisht në hapa të tillë si është Procesi i Berlinit, dhe pavarësisht se për momentin duket e pamundur kjo gjë, e theksoj për shkak të sjelljes së padrejtë që Serbia ka ndaj Kosovës, nga ana tjetër jam i sigurtë që Gjermania di shumë mirë se kur duhet ta hedhë hapin.

Continue Reading

Lajme

Sela: Nuk mbështesim Taravarin për President! Do mbështes Osmanin apo?!

Published

on

By

Para tubimit me strukturat e partisë në Saraj, Ziadin Sela, kryetari i njërit nga krahët e ASH-së theksoi se nuk do ta përkrahin Arben Taravarin, ish-bashkëpartiakun e tij në garën për president.

“Njerzit që ikin prej nesh edhe s’kanë sy e faqe që të përballen në fytyre, nuk meritojnë përkrahje”, theksoi Sela.

Aleanca për shqiptarët krahu i Ziadin Selës akoma nuk ka një vendim se si do të garoj në zgjedhjet parlamentare të 8 majit. Në një prononcim për KlanMaqedoni, Sela nuk përjashtoi mundësinë e koalicionimit por tha se në këtë moment akoma nuk ka negociata me asnjë subejkt politik.

“Do të kemi takime me strukturat dhe po dëshmojmë çdo moment se jemi të gatshëm për çdo variant sa i përket bisedimeve, jo nuk ka pasur ndonjë bisedim kur të ketë do të jeni të informuar”, tha Sela.

Continue Reading

Lajme

Taravari sfidon Ziadin Selën: Dilni vetë, unë jam i gatshëm t’i nënshkruaj ato lista që do më sillni dhe do t’i vulosi që të merrni pjesë në zgjedhje!

Published

on

By

“Sot e kësaj dite njerëzit më pyesin a mundeshim mos ndahemi. E them sinqerisht edhe këtu prej Struge. Po, mund të mos ndahemi nëse unë do të pranoja të shkojmë me BDI-në. Atëherë nuk do ndaheshim… Disa thonë, ne i kemi thënë Arbenit vetë. Vetë i ndërruan muhabetet ditëve të fundit, kur e panë se unë nuk shkoj me BDI-në. Në qoftë se ne shkonim vetë, do të merrnim disa deputetë, VLEN-i do merrte disa deputetë dhe do të fitonte BDI-ja. Domethënë nëse shkonim vetë, ne ia siguronim fitoren BDI-së 100%. Si mundeshim ta ndalim e ta rrezikojmë, dhe tash e them me plot përgjegjësi, ta fitojmë BDI-në? Vetëm duke qenë bashkë krejt. Mbas një muaji në qoftë se më pyesin se a do ta kisha bërë prap këtë, do t’u thoja, po do e kisha bërë, por jo më 3 shkurt. Do ta kisha bërë qysh në dhjetor. Gabova që e vonova pak. Veprimet të cilat i bën fraksioni që doli prej Aleancës, tashmë është afër BDI-së, shumë afër BDI-së, shpresoj javën e ardhshme ta bëjnë publike dhe thonë se do të arsyetohen se nuk i kanë vulat. Unë prej Struge sot do t’u them. Le të dalin vetë, unë jam i gatshëm t’i nënshkruaj ato lista që do m’i sjellin dhe do t’i vulosi që t’i çojnë në gjykatë. Le ta provojnë, le të dalin vetë. Se çdoherë thonë, kemi humbur në Tetovë prej Arbenit, në Bogovinë prej Arbenit, në Strugë prej Arbenit. Ndërsa në Gostivar ata paskan fituar, e unë s’paskam fituar. Prandaj, ja, u bëj thirrje: mos shkoni me BDI-në, shkojni vetë! M’i sillni listat e deputetëve, unë do t’i vulosi dhe do t’i nënshkruaj. Çojini në gjykatë dhe dilni vetë! Mateni veten njëherë, shihni se sa peshoni, shihemi pas 9 majit”.

a4207042-cd81-4566-91e0-5471ff33a369

Continue Reading

Lajme

Ziadin Sela për VOA: Nuk e përjashtojmë mundësinë për kolicionim me BDI-në?!

Published

on

By

Sela nuk e përjashton mundësinë e daljes së përbashkët në zgjedhje me BDI-në dhe LSDM-në. Jemi në një moment politik shumë të ndjeshëm dhe si rrjedhojë hapat e Aleancës për Shqiptarët do të jenë të njëjtë, thotë Sela në një intervistë për Zërin e Amerikës në gjuhën maqedonase.

I pyetur për akuzat se ka mbetur si fraksion i ASH-së i afërt me BDI-në, Sela tha se këto janë gëshnjeshtra, por pa mos dhënë sqarim më të detajuar mbi akuzën.

Në vazhdim ua sjellim një pjesë të intervistës:

Zëri i Amerikës: Si do të merrni pjesë në zgjedhje, së bashku me LSDM-në dhe BDI-në apo në mënyrë të pavarur?

Sela: Fatkeqësisht në këtë situatë dhe me ritmin me të cilin po zhvillohen zhvillimet politike në vend jemi në një moment politik shumë të ndjeshëm dhe si rrjedhojë hapat e Aleancës për Shqiptarët do të jenë të njëjta. Ka rigrupime dhe teksa flasim, kemi një vendim të kryesisë qendrore që po shkojmë vetëm. Në periudhën e ardhshme do të kemi përsëri takime, do të shikojmë situatën politike dhe në bazë të kësaj do të vendosim. Për sa kohë nuk ka vendim tjetër, Aleanca për Shqiptarët vazhdon të shkojë e vetme në zgjedhje.

Zëri i Amerikës: Pra mund të ndodhë që të dilni së bashku me LSDM-në dhe BDI-në?

Sela: Jam kundër arbitraritetit në parti. Dhe nuk ka të bëjë me qëndrimin tim personal se si duhet të shkojmë, por për këtë duhet të vendosin strukturat e partisë.

Zëri i Amerikës: Mund të ndani mendimin tuaj personal?

Sela: Nuk është mendimi im personal, por çdo anëtari të partisë i garantohet e drejta për të folur brenda strukturave partiake.

Ziadin Sela për VOA: Nuk e përjashtojmë mundësinë për kolicionim me BDI-në

Sela nuk e përjashton mundësinë e daljes së përbashkët në zgjedhje me BDI-në dhe LSDM-në. Jemi në një moment politik shumë të ndjeshëm dhe si rrjedhojë hapat e Aleancës për Shqiptarët do të jenë të njëjtë, thotë Sela në një intervistë për Zërin e Amerikës në gjuhën maqedonase.

I pyetur për akuzat se ka mbetur si fraksion i ASH-së i afërt me BDI-në, Sela tha se këto janë gëshnjeshtra, por pa mos dhënë sqarim më të detajuar mbi akuzën.

Në vazhdim ua sjellim një pjesë të intervistës:

Zëri i Amerikës: Si do të merrni pjesë në zgjedhje, së bashku me LSDM-në dhe BDI-në apo në mënyrë të pavarur?

Sela: Fatkeqësisht në këtë situatë dhe me ritmin me të cilin po zhvillohen zhvillimet politike në vend jemi në një moment politik shumë të ndjeshëm dhe si rrjedhojë hapat e Aleancës për Shqiptarët do të jenë të njëjta. Ka rigrupime dhe teksa flasim, kemi një vendim të kryesisë qendrore që po shkojmë vetëm. Në periudhën e ardhshme do të kemi përsëri takime, do të shikojmë situatën politike dhe në bazë të kësaj do të vendosim. Për sa kohë nuk ka vendim tjetër, Aleanca për Shqiptarët vazhdon të shkojë e vetme në zgjedhje.

Zëri i Amerikës: Pra mund të ndodhë që të dilni së bashku me LSDM-në dhe BDI-në?

Sela: Jam kundër arbitraritetit në parti. Dhe nuk ka të bëjë me qëndrimin tim personal se si duhet të shkojmë, por për këtë duhet të vendosin strukturat e partisë.

Zëri i Amerikës: Mund të ndani mendimin tuaj personal?

Sela: Nuk është mendimi im personal, por çdo anëtari të partisë i garantohet e drejta për të folur brenda strukturave partiake.

Linku i intervistës VOA

Continue Reading

TOP Lajme