Lajme

Ministri Mexhiti pranon detyrën. Së bashku do ta shërojmë sistemin shëndetësor

Published

2 years ago

February 28, 2023

Sot është bërë pranim-dorëzimi i detyrës ne Ministrinë e Shëndetsisë ku këtë dikaster do ta drejtojë Fatmir Mexhiti nga radhët e Aleancës për Shqiptarët.Ai me një status në rrjetin social Facebook u është drejtuar qytetarëve:

“Të dashur bashkëqytetarë,

Sot nisim një rrugëtim të ri së bashku, për të ju dhënë qytetarëve shërbime shëndetësore që do të jenë në historinë e Ministrisë së Shëndetësisë. Jam këtu për të vazhduar rrugën e mentorit tim në këtë ministri, profesor Arben Taravari. Këtë rrugëtim do ta ecim së bashku me qytetarët, mjekët, motrat medicinale, ekspertët dhe mediumet, që të gjithë të japim kontributin tonë të përbashkët për sistem më të mirë shëndetësor.

Unë si ministër do të angazhohem që qytetarët të marrin shërbimin e duhur, mjekët të marrin nga ministria trajtim të dinjitetshëm dhe stafi tjetër të ketë kushte maksimale pune.

Së bashku do ta shërojmë sistemin shëndetësor.”- shkruan Mexhiti në rrjetin social Facebook.

Lajme

Ibrahimi: Përurimi i One stop-shop me Kosovën, ditë historike

Published

8 hours ago

April 14, 2025

I N

Kryetari i Alternativës Zeqirija Ibrahimi, në intervistën e fundit në TVAlsat, duke folur për hapjen e pikës së përbashkët one stop-shop në dy pika kufitare, ka deklaruar se gjatë fundjavës kishim një moment historik.

“Takimi me kryeministrin Kurti nuk ishte i planifikuar, por pas hapjes së pikës së përbashkët e shfrytëzuam atë moment historik për të pirë një kafe së bashku. Përurimi i asaj ngjarje ishte historike për qytetarët e të dy vendeve. Gjatë atij takimi nuk kishim mundësi të flasim gjerësisht, por zoti Kurti shprehu përkrahjen e tij ndaj Koalicionit VLEN”, tha Ibrahimi.

Lajme

Ibrahimi: Në Këshillat dhe trupat e pavarur e rëndësishme është që kandidatët t’i plotësojnë kushtet profesionale

Published

9 hours ago

April 14, 2025

I N

Kryetari i Alternativës Zeqirija Ibrahimi, në intervistën e fundit në TV Alsat, ka folur për intervistimin e kandidateve për Këshillin Programor të Radio Televizionit të Maqedonisë, trup i cili duhet të jetë profesionist për punën e RTM-së por edhe për emërimin e Këshillit të Agjencisë së Mediave.

Ibrahimi deklaroi se çdo herë që bëhet fjalë për emërimin e Këshillave apo Trupave të pavarura, çdo herë kemi komente se ndonjëri prej tyre është i një subjekti politik, dhe ka një të kaluar politike dhe ka pasur afërsi politike me njërën parti politike.

“Megjithatë ne jemi një vend i vogël dhe një shoqëri mjaftë e vogël. Ajo që është e rëndësishme është që ata të cilët zgjidhen, t’i plotësojnë kushtet e konkursit të cilat janë dhënë. Në qoftë se i plotësojnë ato kushte, jam dakord që ata të zgjidhen, pavarësisht se kush janë ata emra”, theksoi Ibrahimi.

Në fund Ibrahimi shtoi se sipas informatave të tij, te Agjencia e Mediave, kandidatët i kanë plotësuar kushtet e konkursit dhe mbetet që të vazhdoj puna e përzgjedhjes në Kuvend.

Lajme

Ibrahimi: Në zgjedhjet lokale luan rëndësi të madhe emri i kandidatit

Published

9 hours ago

April 14, 2025

I N

Kryetari i Alternativës Zeqirija Ibrahimi, në intervistën e fundit në TV Alsat, ka folur rreth zgjedhjeve lokale që do të mbahen këtë vit. Ibrahimi është shprehur se është akoma herët të flitet për emra, pasi akoma nuk e dinë se cila parti në cilin komunë do të garojë. Siç tha ai vetëm kur të qartësohen të gjithë situatat atëherë do të bëhen të ditur emrat.

“Në zgjedhjet lokale më shumë varet nga emri i kandidatit, përkundër partisë politike. Ne po përpiqemi se çdo kush t’i ofrojë emrat më të pranuar dhe më të kërkuar nga qytetarët në komunat të cilat ata duhet të garojnë”, u shpreh Ibrahimi.