Politika

Ramiz Merko do të ulet në bankën e të akuzuarve

Published

1 year ago

26.04.2024

Admin01

Në bankën e të akuzuarëve sot do të ulet kryetari i komunës së Strugës, Ramiz Merko. Ai është përgjegjës për shpërdorim të pozitës dhe autoritetit zyrtar gjatë blerjes së automjetit zyrtar luksoz “Audi A6” për gati 67 mijë euro, përcjell INA.

Pa miratimin paraprak të Planit Vjetor për Prokurim Publik nga këshilli komunal dhe në kushtet kur komuna kishte borxhe të papaguara dhe xhiro llogari të bllokuar, ai ka blerë 4 vetura, përfshirë edhe Audin për gati 67 mijë euro, thuhet në aktakuzë. Dosja ishte përgatitur në Shkup, por ajo më pas i është dorëzuar Gjykatës së Strugës, për shkak të ndryshimeve në Kodin Penal, me të cilin juridiksioni ia kaloi gjykatës dhe prokurorisë së Strugës.

Ky rast ishte iniciuar nga një Komision Antikorrupsion para disa vitesh, që njoftoi se me ndihmën e gjykatës së Strugës Merko e ka blerë automjetin luksoz. Gjykata rriti fondet minimale të nevojshme për funksionimin e komunës për të blerë Audi-n e shtrenjtë në 2017-ën, ndonëse në vitet e mëparshme nuk kishte pranuar.

Një muaj më vonë, më 22 maj, kryetari i Strugës duhet të dalë sërish në gjykatë, por me akuzë tjetër. Ai do të përgjigjet për emërim të paligjshëm të një drejtori shkolle në Llabunishtë, i cili nuk ka pasur përvojë adekuate të punës në sferën edukative. Merko është në listën e zezë të SHBA-së, jo vetëm për përfshirje në korrupsion, por edhe për ndikim në procese gjyqësore dhe të tjera.

Lajme

Ilaz Leskovica shuan dilemat: Jam krah për krah me Bujar Osmanin mos bini pre e shpifjeve të s’VLENI-t

Published

8 hours ago

16.08.2025

Admin01

Pas përhapjes së lajmit nga mediat e afërta me VLEN-in përmes një positmi ka reaguar Ilaz Leskovica i cili qartazi ka shprehur vendimin e tij për të qenë krah për krah me Bujar Osmanin për fitoren e madhe të Çairit, shkruan Top24

Në postimin e tij Leskovica shkruan:

Mos e mashtroni veten o ju të S’vlenit. Unë do të jem krah për krah me Bujar Osmani deri në fitoren e radhës në Çair Nëse unë kërkoj hapësirë për të rinjtë, kjo nuk do të thotë se jam kundër. Por aq poshtë keni rënë, sa nuk dini më me çka të merreni.
@inprimopiano

Lajme

Ramadani në Svillare: Jam këtu për të dëgjuar dhe për të sjellë projekte konkrete për Sarajin

Published

8 hours ago

16.08.2025

Admin01

Kandidati për komunën e Sarajit, Blerant Ramadani, së bashku me kryetarin aktual të komunës, Iljas Veseli, vizitoi fshatin Svillare ku u takua me banorë dhe familje të shumta.

Ramadani theksoi se pritja dhe mikpritja e banorëve të Svillarës e dëshmojnë forcën e komunitetit dhe gatishmërinë e tij për të ecur përpara.

“Çdo buzëqeshje dhe çdo fjalë mirëpritëse më rikujtoi se forca e një komuniteti qëndron te njerëzit e tij, tek bujaria, solidariteti dhe dëshira për të ecur përpara,” tha Ramadani.

Lajme

Loja e Izet Mexhitit: Bekim Salit i premton post, ndërkohë përgatit kushëririn Burim Latifi

Published

8 hours ago

16.08.2025

Admin01

Izet Mexhiti sërish shihet duke përdorur recetën e vjetër politike: premtime për poste dhe privilegje për të mbajtur në kontroll strukturat e VLEN-it dhe për të forcuar kandidaturën e tij në Çair.

Siç dihet,Mexhiti i ka ofruar Bekim Salit pozitën që mban aktualisht në ekzekutiv, vetëm e vetëm që të sigurojë përkrahjen e tij. Bekim Sali këtë premtim e ka marrë si të kryer.

Por skema nuk ndalet këtu. Postin e ministrit të Ekologjisë, Mexhiti tashmë ia ka premtuar kushëririt të tij, Burim Latifi – duke treguar se posti publik përdoret si monedhë pazari për interesa familjare dhe politike.

Njohësit e karrierës së tij nuk habiten.

“Mexhiti gjithmonë ka manipuluar në këtë formë me bashkëpunëtorët e tij – u premton pushtet, i përdor, dhe pastaj i hedh”, thotë njëri prej tyre.

Kjo lojë e rrezikshme po shihet nga shumë si tentativë e Mexhitit për të kapur Çairin duke blerë besnikëri, jo me ide apo projekte, por me pazare të ulëta politike.