Harry Kane ka arritur të shënojë golin e 100-të me fanellën e Bayern Munich.

Sulmuesi anglez këtë e bëri në ndeshjen ndaj Werder Bremenit.

Kane e arriti shifrën e 100-golave për 104 ndeshje të zhvilluara, krahas edhe 29 asistimeve.

32-vjeçari po ashtu hyri në histori si futbollisti që ka bërë këtë më shpejt se çdo lojtar tjetër që e ka bërë ndonjëherë për ndonjë klub në pesë ligat më të mira të Evropës.

Kane la prapa Cristiano Ronaldon, Erling Haaland, Luis Suarez e Zlatan Ibrahimovic.

Sonte fillon kompeticioni i dytë më i rëndësishëm i UEFA-s, Europa League, faza e ligës.

Ndeshje shumë interesante, duke filluar nga ora 18:45 ku janë në program dy takime: Midtjylland-Strum Graz dhe Paok-Maccabi Tel Avivi, shkruan Indeksonline

Nga ora 21:00, zhvillohen disa ndeshje tejra dhe vëmendja e madhe është te takimi mes Dinamo Zagreb dhe Fenerbahces.

Poashtu takim interesant është edhe ai mes Nice dhe Romës./Indeksonline/

Ceremonia e Topit të Artë 2025 në Paris solli një renditje spektakolare të dhjetë lojtarëve më të mirë në botë, ku shkëlqeu ylli i Paris Saint-Germainit, Ousmane Dembele, i cili u kurorëzua me çmimin më prestigjioz individual në futboll.

Dembele, me sezonin e tij historik te PSG-ja dhe triumfin në Ligën e Kampionëve, la pas në garë supertalente si Lamine Yamal i Barcelonës, i renditur i dyti, dhe mesfushorin e shkëlqyer Vitinha, që plotësoi podiumin.

Në vendin e katërt u pozicionua legjenda egjiptiane e Liverpoolit, Mohamed Salah, ndërsa pas tij, surpriza e edicionit, Raphinha i Barcelonës, që arriti deri në vendin e pestë.

Pesëshja vijon me Achraf Hakimi (PSG) dhe Kylian Mbappé (Real Madrid), që këtë vit u renditën respektivisht të gjashti dhe i shtati.

Risia e madhe ishte prania e Cole Palmer të Chelseat, që me paraqitjet e tij të jashtëzakonshme në Ligën Premier u ngjit në vendin e tetë, ndërsa Gianluigi Donnarumma, fituesi i Trofeut Yashin, u rendit i nënti.

Top 10-shen e kompletoi Nuno Mendes, një tjetër përfaqësues i PSG-së.

Renditja e përgjithshme për Topin e Artë

10: Nuno Mendes (PSG)

9: Gianluigi Donnarumma (Manchester City, ish-PSG)

8: Cole Palmer (Chelsea)

7: Kylian Mbappé (Real Madrid)

6: Achraf Hakimi (PSG)

5: Raphinha (FC Barcelona)

4: Mohamed Salah (Liverpool)

3: Vitinha (PSG)

2: Lamine Yamal (Barcelona)

1: Osumane Dembele (PSG)

Kjo renditje jo vetëm që kurorëzoi Dembelen si mbretin e futbollit për vitin 2025, por gjithashtu nxori në pah gjeneratën e re të talenteve që po marrin gjithnjë e më shumë skenën botërore.