Connect with us

Lajme

Lloga paralajmëron padi ndaj gazetarit që i përmendi emrin si ndëhyrës i mundshëm në punën e Gjykatës Supreme

Published

1 year ago

on

Ministri i Drejtësisë, Krenar Lloga paralajmëron padi ndaj gazetarit që i përmendi emrin si ndëhyrës i mundshëm në punën e Gjykatës Supreme.

Në emisionin “Politica” në Tv Globi ai tha se nuk e kishte dëgjuar që gazetari i Tv Alfa, Goran Momirovski në Kanal 5 në emisionin “Samo Vistina” të mërkurën mbërma tha se njëri nga zyrtarët e Qeverisë që mund të ketë ndërhy të jetë Lloga.

“Nëse këto pretendime nuk tërhiqen unë do të shkojë me padi, pasi as nuk ka ndodh e as nuk do të ndodh që unë qoftë me telefon apo bisedë të kryejë një far lloj veprimit të tillë. Komunikimi im ka qenë më se publik dhe transparent me të gjithë institucionet përfshirë edhe me Gjykatën Supreme”, deklaroi ministri Lloga.

Gazetari Momiovski pos Llogës tha se në punën e Gjykatës Supreme mund të ketë ndërhy edhe kryeministri Kovaçevski, zv.kryeministri i parë Grubi apo zv.kryeministri për çështje evropiane, Mariçiq.

Lloga tha se këto pretendime nuk janë të bazuara, ndërsa shtoi se me ikjen e Gruevskit, gruevizimi nuk ka ikur asnjëherë dhe ka qenë mes nesh qoftë brenda VMRO-së, qoftë brenda sistemit të drejtësisë.

“Nuk e di, këto pretendime duhet të jenë, të bazohen në diçka dhe nuk e di se i hyn në llogari dikujtë kjo lojë dhe që Gruevski të kthehet. Në fakt me ikjen e Gruevskit, gruevizimi nuk ka ikur asnjëherë dhe ka qenë mes nesh qoftë brenda VMRO-së, qoftë brenda sistemit gjyqësorë, të drejtësisë me atë që janë bërë shumë pisllëqe duke u vjetruar lëndë, të abuzohet me paragurgime, me burgime dhe me vepra tjera që lidhen me emrin e Gruevskit”, shtoi Lloga.

Kryetarja e Gjykatës Supreme, Besa Ademi ka pranuar se ka pasur presione për të vepruar mbi nisëm e cila do të kthente në fuqi abolimin e ish presidentit Gjorgje Ivanov nga viti 2016. Ademi në një intervistë sot për SDK.MK ka deklaruar se gjykatësit e Supremes nuk janë dhe nuk do të bëhen vasal të pushtetit dhe se vendimet do të bazohen në ligj dhe Kushtetutë.

“Ka situata dhe tentime për ndikim të drejtpërdrejt të politikës dhe pushteteve tjera me qëllim realizimin e agjendave të cilat nuk janë në përputhje me sundimin e ligjit dhe kompetencat e organeve gjyqësore”, ka deklaruar kryetarja e Gjykatës Supreme, Besa Ademi.

Lidhur me këto ndërhyrje Gjykatën Supreme e vizitoi edhe ambasadorja amerikane, Angela Price Aggeler, e cila dha mbështetja dhe inkurajim që gjykata më e lartë në vend të mos dalë nga kompetencat kushtetuese dhe ligjore pavarësisht presioneve që mund të vijnë nga jasht.

Related Topics:
Continue Reading

Lajme

Vdiq Papa Françeksu

Published

7 hours ago

on

April 21, 2025

By

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Continue Reading

Lajme

MPB: Ndalohen gjashtë persona, kapen me marihuanë

Published

7 hours ago

on

April 21, 2025

By

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Continue Reading

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

7 hours ago

on

April 21, 2025

By

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.

Continue Reading

TOP Lajme