Kandidati i Bashkimit Demokratik për Integrim dhe Frontit Kombëtar për Integrim për Komunën e Çairit, Bujar Osmani, pritet që shumë shpejt të dalë me një program të detajuar zhvillimor që synon të sjellë transformim të thellë dhe afatgjatë për këtë komunë me rëndësi të veçantë në Shkup.

Burime nga ekipi Osmani bëjnë të ditur se programi në fjalë është përpiluar me kujdes të veçantë nga ekspertë të fushave përkatëse dhe do të fokusohet në disa shtylla kyçe të zhvillimit lokal, përfshirë:

• Modernizimin e infrastrukturës në të gjithë territorin e komunës,
• Zhvillimin dhe riorganizimin e hapësirave publike me theks te hapësirat e gjelbra,
• Përmirësimin e kushteve në institucionet parashkollore dhe shkollat fillore,
• Një vizion të ri për Çarshinë e Vjetër të Shkupit si zemra kulturore dhe identitare e qytetit, përmes rigjallërimit dhe ridizajnimit të aktiviteteve kulturore.

Ndonëse detajet e plota ende nuk janë bërë publike, Osmani pritet që këto dhe planet tjera të zhvillimit të Çairit t’i shpallë personalisht gjatë fushatës për zgjedhjet lokale, duke u angazhuar drejtpërdrejt me qytetarët dhe duke prezantuar vizionin e tij për një Çair më funksional, më të bukur dhe më të denjë për qytetarët e tij.

Pse Bujar Osmani i duhet Çairit?

Bujar Osmani nuk është një emër i panjohur për opinionin publik – ai vjen me një përvojë të gjatë institucionale dhe me një reputacion të ndërtuar mbi profesionalizëm, besueshmëri dhe vizion afatgjatë.

Në një periudhë kur Çairi ka nevojë për një drejtim të ri, dinamik dhe të orientuar kah qytetari, Osmani paraqitet si figura që mund të garantojë stabilitet, përfaqësim dinjitoz dhe rezultate konkrete. Ai është i njohur për aftësinë për të ndërlidhur politikat lokale me ato kombëtare, dhe për të sjellë investime të mirëmenaxhuara në të gjitha nivelet.

Me qasjen e tij bashkëkohore dhe orientimin e qartë për zhvillim, Bujar Osmani shihet nga shumë qytetarë si zgjidhja që i duhet Çairit për të ecur përpara.

Deputeti i Frontit Europian, Salih Murat sot ka takuar kandidatin për kryetar komune nga Aleanca Kombëtare për Integrim(AKI), Valbon Limani ku kanë diskutuar lidhur me ecurinë e punëve dhe projekteve në komunën e Gostivarit si dhe për nevojat e komunitetit turk që jeton në këtë rajon si në fushat e arsimit, kulturës, infrastrukturës dhe përfaqësimit lokal.

Ja postimi i bërë nga deputeti Murat:

“Si deputet i Frontit Evropian, u takuam me kandidatin tonë të përbashkët për kryetar të Komunës së Gostivarit, z. Dr. Valbon Limani.
Në takimin tonë, diskutuam shumë çështje të rëndësishme për një Gostivar më të bukur dhe vendbanimet përreth, nga infrastruktura te planifikimi urban, nga zhvillimi ekonomik te projektet sociale.
Në këtë kontekst, shkëmbyem mendime mbi çështje të ndryshme, veçanërisht për nevojat e bashkëatdhetarëve tanë turq që jetojnë në rajonin tonë në arsim, kulturë, infrastrukturë dhe përfaqësim lokal.
Vizioni gjithëpërfshirës i z. Limani dhe qasja e tij e menaxhimit të orientuar drejt popullit është një mundësi e madhe për të ardhmen e Gostivarit. Ne, si Frontit Evropian – Lëvizja për të Drejtat dhe Demokracinë e Turqve të Maqedonisë, bazohemi në përfaqësimin e barabartë, qasjen në shërbime dhe mirëqenien e të gjitha komuniteteve që jetojnë në Gostivar.
Në zgjedhjet lokale që do të mbahen në tetor, besimi ynë është i plotë se me mbështetjen e fuqishme të popullit tonë do të arrijmë fitoren në raundin e parë në Gostivar. Së bashku do të ndërtojmë një qeverisje të fortë dhe një të ardhme të përbashkët.” shkruan Salih Murat. (INA)

Kandidati i BDI-së dhe Frontit Kombëtar për Komunën e Çairit, Bujar Osmani, ka shpërndarë një status të shkurtër por kuptimplotë në rrjetin social Facebook:
“Çarshia ❤️ e para!”

Mesazhi shihet nga analistët si një sinjal i qartë politik se Çarshia e Vjetër e Shkupit – zemra historike dhe kulturore e shqiptarëve në kryeqytet – do të ketë prioritet të veçantë në programin e tij për zhvillimin e komunës së Çairit.

Osmani pritet të paraqesë në vijim detaje mbi projektet konkrete për revitalizimin e kësaj zone, që përveç vlerës kulturore, ka potencial të madh ekonomik dhe turistik.