Connect with us

Lajme

“20 përindëshi”, Snopçe: Deputetët maqedonas nuk janë kundër, por shqetësohen për rejtingun pratiak

Published

on

 

Në emisionin debativ në TV24, në pyetjen e gazetares për ta komentuar deklaratën e kryetarit të partisë z. Arben Taravari në lidhje me çështjen e largimit të 20% nga Kushtetuta, si dhe për atë se kujt i pengon gjuha shqipe, deputeti Halil Snopçe deklaroi se vet fakti që partitë kryesore maqedonase, LSDM dhe VMRO nuk ngrejnë iniciativë për zëvendësimin e referencës 20% me fjalën Gjuha shqipe, do të thotë se kjo gjuhë të dyjave u pengon.

Snopçe, mes tjerash, deklaroi se ka pritur prej bashkështetasve të tij dhe kolegët deputetë, edhe nga LSDM edhe nga VMRO, pra, edhe nga shumica edhe nga opozita, që ata vetë të ngrejnë këtë iniciativë me ç’rast, siç ai tha, do të kishin treguar madhështi, do të kishin treguar kosmopolitizëm, do të kishin reflektuar vullnet të mirë dhe do të kishin shtruar dorën, në formë që të tregojnë që ja ne vetë jemi të vetëdijshëm se kjo nuk është në rregull, dhe se asgjëkundi tjetër nuk ekziston definimi i një gjuhe me përqindje.

Ky ka qenë përcaktimi programor i Aleancës për Shqiptarët dhe premtim gjatë fushatave tona zgjedhore, shtoi më tej deputeti Snopçe.

“Kemi pasur amendament edhe në ndryshimet e fundit dhe atëherë na është thënë se në hapjen e radhës, kjo do të rregullohet. Kemi pasur deklaratë nga ish kryeministri Zaev, nga kryeministri i tanishëm Kovaçevski, nga lideri i opozitës Mickovski dhe nga presidenti i shtetit z. Pendarovski se nuk kanë asgjë kundër. Bile asnjë koleg deputet, qoftë nga VMRO qoftë nga LSDM me të cilët kemi biseduar, të gjithë thonë se nuk kanë gjë kundër. Pra, askush nuk ka kundër kësaj, por secili frikësohet të ngrihet kjo iniciativë. Askush nuk ka kundër gjuhës shqipe, por bëjnë gjithëçka që mos të vendoset në rend dite”, deklaroi deputeti i ASH-së.

Snopçe shtoi se deputetët maqedonas për shkak të rejtingun të tyre partiak, nuk kanë guxim të deklarohen publikisht për këtë çështje, gjë që është për të ardhur keq dhe tentojnë me çdo kusht që kjo temë përsëri të mos hapet.

Continue Reading

Lajme

Taravari viziton pacientët nga tragjedia e Koçanit në spitalin “Çam dhe Sakura” në Stamboll

Published

on

By

Ministri i Shëndetësisë njëkohësisht kryetari i Aleancës për Shqiptarët, Arben Taravari, i shoqëruar nga përfaqësues të Konsullatës së Maqedonisë së Veriut në Stamboll, vizitoi sot spitalin “Çam ve Sakura” në Stamboll, ku po trajtohen dy nga të rinjtë e plagosur në tragjedinë e rëndë të ndodhur në Koçan.

Në këtë spital ishin të shtruar fillimisht gjashtë pacientë, prej të cilëve katër janë liruar tashmë pas përmirësimit të gjendjes shëndetësore dhe janë kthyer në shtëpi. Dy pacientët e mbetur, Martini dhe Borisi, ndodhen në gjendje stabile dhe po vazhdojnë rikuperimin e tyre.

Gjatë vizitës, Taravari u takua edhe me prindërit e pacientëve, duke u shprehur mbështetje dhe solidaritet në këto momente të vështira. Ai shprehu mirënjohje të veçantë ndaj doktorit Mustafa Turan dhe konsullit të Maqedonisë së Veriut në Stamboll, Idriz Fazlioski, për kujdesin dhe përkushtimin e treguar. “Dhimbjen e freskët të Koçanit e lehtësojnë disi Martini dhe Borisi, të cilët janë më mirë dhe së shpejti i presim në shtëpi. Faleminderit e dashur Turqi për gjithë kujdesin dhe mikpritjen,” theksoi Taravari.

Vizita e sotme shënoi një akt të rëndësishëm të përkujdesjes dhe solidaritetit institucional ndaj të prekurve nga kjo ngjarje tragjike.

Continue Reading

Lajme

Mbi 70 për qind e qytetarëve me mendim pozitiv për menaxhimin e tragjedisë së Koçanit nga ministri Taravari

Published

on

By

Qytetarët kanë vlerësuar punën e ministrit të Shëndetësisë Arben Taravari, për menaxhimin e tragjedisë së Koçanit me notë pozitive. Institucionet kompetente u treguan efektive në trajtimin e pasojave të tragjedisë në Koçan. Përqindja e qytetarëve në këtë anketë që besojnë se autoritetet shëndetësore iu përgjigjën me sukses numrit të madh të të lënduarve nga zjarri në diskotekën “Pulse” në Koçan më 16 mars, është veçanërisht e lartë.

 

Këto janë pjesë nga rezultatet e anketës së opinionit publik të realizuar nga agjencia Market Vision për MKD. Dy të tretat e të anketuarve besojnë se institucionet kompetente në mënyrë efektive u përballën me pasojat e tragjedisë në Koçan. 35.3 për qind e të anketuarve thonë se përgjigja e institucioneve kompetente ndaj kësaj tragjedie ka qenë joefektive.

Më shumë se 70 për qind e të anketuarve besojnë se autoritetet shëndetësore kanë trajtuar efektivisht numrin e madh të të lënduarve nga zjarri në Koçan. Përqindja e qytetarëve të pakënaqur me autoritetet shëndetësore është 21.8%.

Anketa u realizua nga 20 mars deri më 17 prill duke përdorur metodën CATI – anketë telefonike me kompjuter në një kampion prej 1200 të anketuarve (gabim statistikor: 3%; intervali i besueshmërisë: 95%). Mostra është përfaqësuese në nivel të Maqedonisë sipas: rajonit, gjinisë, moshës dhe përkatësisë etnike sipas të dhënave për popullsinë rezidente nga regjistrimi i vitit 2021.

Continue Reading

Lajme

Valbon Limani përfaqëson Gostivarin në Unionin e Bashkive nga Bota ku jeton komuniteti Turk në Stamboll

Published

on

By

 

Stambolli, një nga kryeqendrat botërore, ka mbledhur sërish të gjitha bashkitë nga mbarë bota ku jeton komuniteti turk. Kryetari i Komunës së Gostivarit, Valbon Limani, së bashku me kryetarin e Këshillit të Komunës, Namik Durmishi, ishin pjesë e kësaj asambleje dhe përfaqësuan me krenari këtë komunitet, i cili është kaq i rëndësishëm dhe i dashur për Gostivarin.

Në një status në Facebook, Limani theksoi se është i lumtur që kishte mundësinë të përfaqësonte këtë komunitet dhe se ishte një nder të ishte pjesë e një ngjarjeje kaq të rëndësishme për lidhjet ndërkombëtare dhe forcimin e bashkëpunimit ndërmjet komunitetit turk dhe qytetit të Gostivarit.

Continue Reading

TOP Lajme