Connect with us

Lajme

Vandalizohen veturat e Parkut Nacional “Mali Sharr”, reagon drejtori Emir Huseini

Published

on

Drejtori i Parkut Nacional “Mali Sharr”, Emir Huseini ka reaguar pasi me 22 Janar 2025, në hapësirat e parkingut të Parkut kombëtar “Mali Sharr”, janë dëmtuat tre vetura konkretisht janë shpuar gomat e një veturë zyrtare, një veturë e një mysafiri dhe vetura private e një të punësuari.

Huseni në reagimin thekson se me çfarë veprimesh, përveç punës së palodhur, mund të kemi provokuar një akt të tillë vandal nga keqdashësit?!

Huseini më tej njofton se organet kompetente janë informuar dhe po merren me zbardhjen e rastit.

Reagimi i plotë:

“Nuk e dimë kujt i pengojnë sukseset e Parkut kombëtar Mali Sharri, që me datë 22 Janar 2025, në hapësirat e parkingut të Parkut kombëtar “Mali Sharr”, ndodhi një akt i shëmtuar dhe vandal, ku u dëmtuan automjetet, konkretisht gomat e tre veturave: një veturë zyrtare, një veturë e një mysafiri dhe vetura private e një të punësuari.
Me çfarë veprimesh, përveç punës sonë të palodhur, mund të kemi provokuar një akt të tillë vandal nga keqdashësit?!
Organet kompetente janë informuar dhe po merren me zbardhjen e rastit. Shpresojmë që raste të tilla të mos përsëriten.

Sidoqoftë, këto lloj veprimesh vetëm motivojnë edhe më shumëpërfaqësuesit e IPPK Mali Sharr në mbrojtjen e natyrës, zhvillimit të zonës dhe Aluftës kundër armiqëve të natyrës” ka përfunduar Huseini.

 

Continue Reading

Lajme

Maqedonia e Veriut rrezikon humbjen e 134 milionë eurove, ka zbatuar vetëm 40% të reformave

Published

on

By

Komisioni Evropian ka publikuar tabelën e rezultateve të Programit të Zhvillimit dhe Reformës në Ballkanin Perëndimor, ku Maqedonia e Veriut tregon progres modest, ndërsa Shqipëria dhe Serbia shënojnë ngecje të plotë.

Sipas raportit zyrtar të Mekanizmit të Reformës dhe Rritjes, Maqedonia ka arritur të përmbushë vetëm 2 nga 5 hapat e planifikuar deri në dhjetor 2024, që përfaqëson 40% të detyrimeve të saj. Për këtë, vendi mori rreth 8.5 milionë euro nga BE.

Megjithatë, situata për vitin 2025 paraqitet edhe më problematike.

“Asnjë nga 19 reformat e planifikuara për vitin 2025 nuk është zbatuar,” thuhet në raportin e KE-së, duke paralajmëruar se Maqedonia rrezikon të humbasë 134 milionë euro, ndërsa në rrezik është vënë edhe një total prej 205 milionë eurosh mbështetje evropiane.

Në muajt e ardhshëm, vendi duhet të zbatojë deri në 48 reforma – të reja dhe të prapambetura. Këto përfshijnë riorganizimin e sistemit hekurudhor, rritjen e numrit të inspektorëve të punës, përforcimin e Agjencisë së Konfiskimit të Pasurive, reformimin e sektorit të energjisë, modernizimin e ndërtesave qeveritare, sigurinë kibernetike, përmirësimin e sistemit gjyqësor dhe masat kundër korrupsionit.

“Maqedonia gjithashtu duhet të digjitalizojë shkollat, të zvogëlojë punësimin informal, të përmirësojë prokurimin publik dhe menaxhimin e ndërmarrjeve publike dhe të prezantojë kontrollin e shpenzimeve përmes auditimeve të brendshme,” theksohet në dokument.

Raporti kërkon gjithashtu miratimin e një Kodi të ri Penal, pajisjen e Prokurorisë me staf ekspert për ndjekjen e korrupsionit dhe krimit të organizuar, si dhe zbatimin e procedurave transparente për emërimin e menaxherëve të ndërmarrjeve publike.

Pavarësisht rezultateve të dobëta, Maqedonia nuk është më e fundit në rajon.

“Shqipëria dhe Serbia nuk kanë zbatuar asnjë nga hapat e planifikuar – me performancë zero për qind dhe pa asnjë shpërndarje të fondeve evropiane,” vlerëson KE.

I vetmi vend që ka shënuar një ritëm relativisht të kënaqshëm është Mali i Zi, me një normë përfundimi prej 50%.

Plani për Rritje për Ballkanin Perëndimor, në vlerë prej 6 miliardë eurosh, u miratua më 8 nëntor 2023 nga Komisioni Evropian. Ai bazohet në katër shtylla: integrimi në tregun unik të BE-së, forcimi i bashkëpunimit rajonal, përshpejtimi i reformave fundamentale dhe rritja e asistencës financiare për mbështetjen e tyre.

Burimi: Portalb

Continue Reading

Lajme

Komunat në krizë financiare, Snopçe: Kjo është pasojë e mungesës së decentralizimit

Published

on

By

Deputeti i Aleancës për Shqiptarët, Halil Snopçe, ka reaguar ashpër ndaj qeverisë për mosrealizimin e premtimit kyç për decentralizimin e pushtetit, një ndër zotimet më të theksuara të koalicionit shqiptarë qeveritar VLEN gjatë fushatës zgjedhore para më shumë se 15 muajsh.

Sipas Snopçes, qeveria ka dështuar të ofrojë strategji konkrete për forcimin e pushtetit lokal, duke lënë komunat pa burime të qëndrueshme financiare dhe pa mbështetje institucionale.

“Fatkeqësisht, decentralizimi mbeti vetëm një fjalë goje. Qeveria nuk ka vullnet politik dhe nuk ka ndërmarrë asnjë hap të rëndësishëm për zbutjen e problemeve që përballen komunat,” deklaroi Snopçe.

Ai theksoi se institucionet ndërkombëtare tashmë kanë konstatuar mungesën e vullnetit të qeverisë për një decentralizim të mirëfilltë, çka rrezikon të thellojë edhe më shumë pabarazitë mes rajoneve dhe të dëmtojë funksionimin e demokracisë lokale.

Deputeti Snopçe ngriti shqetësimin edhe për faktin se burimi kryesor financiar i komunave urbane janë lejet e ndërtimit, një praktikë që po çon drejt mbingarkesës urbane dhe shkatërrimit të hapësirave publike.

“Nëse vazhdohet kështu, në të ardhmen nuk do të kemi kushte normale për jetë, as infrastrukturë cilësore për qytetarët,” paralajmëroi ai.

Në fund, Snopçe i bëri thirrje qeverisë që të mos e lërë më tej në harresë këtë çështje jetike për funksionimin e shtetit dhe mirëqenien e qytetarëve.

“Decentralizimi nuk është luks, është nevojë urgjente,” përfundoi ai.

Continue Reading

Lajme

Flamur Gjoleka – Kandidat i Aleancës Kombëtare për Integrim për Kryetar të Komunës së Dollnenit

Published

on

By

Aleanca Kombëtare për Integrim ka konfirmuar kandidaturën e z. Flamur Gjoleka, nga fshati Cërnlishtë i Dollnenit, për Kryetar të Komunës së Dollnenit.

Z. Gjoleka përfaqëson një brez të ri profesionistësh shqiptarë që, përmes angazhimit dhe punës së palodhur, kanë arritur sukses jashtë vendit. Si biznesmen i suksesshëm në Slloveni, ai ka dëshmuar se vizioni strategjik, përgjegjësia dhe vendosmëria janë elementë thelbësorë për çdo arritje. Këto përvoja dhe vlera tani synon t’i vërë në shërbim të vendlindjes së tij.

I pajisur me energji rinore, përvojë menaxheriale dhe vizion zhvillimor, z. Gjoleka shihet si kandidat me potencial real për të sjellë ndryshime pozitive dhe zhvillim të qëndrueshëm në Komunën e Dollnenit. Objektivi i tij kryesor është që Dollneni të bëhet një hapësirë atraktive për jetesë, punësim dhe investime, duke krijuar kushte më të mira për qytetarët dhe duke e pozicionuar komunën si model të menaxhimit efikas dhe transparent.

Kandidatura e tij përfaqëson një kombinim të përkushtimit personal, eksperiencës ndërkombëtare dhe ambicies për ta bërë Dollnenin një komunë me perspektivë moderne dhe europiane.

Continue Reading

TOP Lajme