Connect with us

Lajme

Rasti “Lagja e Trimave” në Kumanovë, u harrua hetimi ndërkombëtar i shumëpërfolur nga Ahmeti dhe Zaev

Published

on

Tanimë do të mbushen 10 vjet nga ngjarjet e armatosura në lagjen e njohur si “Lagja e Trimave” në Kumanovë, për të cilin edhe pse ka vendim gjyqësor dhe janë dënuar grupi i ashtuquajtur i “Kumanovës”, ende nuk është e zbuluar e vërteta.

Nuk dihen porositësit, është kërkuar hetim ndërkombëtar nga vendi, Kosova, Shqipëria dhe të tjerë, por asgjë nuk është bërë, përcjell INA.

Nga Qeveri aktuale thonë se janë të interesuar për hetim ndërkombëtarë.

“Po sigurisht se duhet të nxitet dhe të kryhet një hetim ndërkombëtar. Por për momentin e dijmë se në çfarë gjendje është gjyqësori. Do të punojmë në këtë plan që të zbardhet e vërteta”, theksoi për INA një zyrtar i Qeverisë.

Hetimi për të kuptuar motivet e grupit të armatosur ishte premtuar nga kreu i BDI-së, Ali Ahmeti pak ditë pas përleshjes së armatosur.

“Kjo do një hetim shumë të fortë, por që do edhe angazhimin e hetuesisë ndërkombëtare sepse nuk është aq e thjeshtë të shohim deri në inde se në shërbim të kujt ishin, çfarë qëllimi kishin dhe çka deshën të realizojnë”, kishte deklaruar pak muaj më vonë pas ngjarjes, kreu i BDI-së, Ali Ahmeti.

Duke u thirrur në Qeveri reformatore, edhe kryeministri Zoran Zaev pak muaj pas marrjes së mandatit kishte premtuar një hetim ndërkombëtar për Lagjen e Trimave.

“Po i shqyrtojmë mundësitë se si do të ishte e mundur që të bëhet ai hetim në rastin Kumanova. Është e shkruar edhe në programin qeveritar se për të gjitha vendimet gjyqësore të cilat janë në interes të qytetarëve të mos ketë dilema, paqartësi dhe reagime. Besoj se do të gjejmë mënyra me faktorin ndërkombëtar me qëllim që të bëhet hetim ndërkombëtar për rastin “Kumanova”, ish-kryeministri Zoran Zaev, deklaroi në vitin 2018.

Paraprakisht një gjë të tillë e kishte premtuar edhe ish-ministri i brendshëm, Oliver Spasovski.“Ne si Qeveri kemi marr për obligim që të bëjmë hetim plotësues edhe atë ndërkombëtar me qëllim që opinioni ta kuptojë të vërtetën për këtë rast”, pohoi Oliver Spasovski, ministër i Brendshëm.

Premtime dhe kërkesa të ngjashme ishin dhënë edhe në Kosovë, duke përfshirë nga ish-kryeministri Ramush Haradinaj, por edhe nga kryeministri aktual Albin Kurti. Kyçjen e faktorit ndërkombëtar në hetimin e rastit të Kumanovës e kanë kërkuar edhe të gjitha partitë politike shqiptare.

Hetimin ndërkombëtar për rastin Lagja e Trimave e kërkuan edhe familjarët e të dënuarve për këtë rast para godinës ku pak javë më parë po mbahej mbledhja e përbashkët e qeverive të Kosovës dhe Shqipërisë. Për të njëjtat arsye familjarët kanë protestuar disa herë nëpër qytete të ndryshme me qëllim inicimin e hetimit ndërnacional.Për rastin e Lagjes së Trimave, u shqiptuan 746 vjet burgim për 33 pjesëtarët e grupit të Kumanovës, 7 prej të cilëve me burg të përjetshëm. Në ngjarjet e 9 dhe 10 majit të vitit 2015 në Lagjen e Trimave në Kumanovë mbetën të vrarë 10 pjesëtarët të grupit të armatosur dhe 8 pjesëtarë të policisë.(INA)

Continue Reading

Lajme

Komuniteti Shqiptar-Australian i tronditur nga diskriminimi sistematik ndaj shqiptarëve në RMV

Published

on

By

Komuniteti Shqiptar-Australian shpreh shqetësimin e tij të thellë lidhur me situatën alarmante të krijuar në Republikën e Maqedonisë së Veriut nga autoritetet aktuale shtetërore. Në një reagim zyrtar, përfaqësuesit e komunitetit theksojnë se janë të tronditur nga shkalla e diskriminimit institucional ndaj qytetarëve shqiptarë, që sipas tyre po përjashtohen në mënyrë flagrante nga përfaqësimi në institucionet qendrore të shtetit, transmeton Flaka

Sipas informacioneve të konfirmuara, në disa ministri dhe departamente qeveritare nuk ka asnjë të punësuar shqiptar – një praktikë e papranueshme dhe krejtësisht në kundërshtim me frymën dhe shkronjën e Marrëveshjes së Ohrit. Kjo marrëveshje, e arritur pas konfliktit të vitit 2001, parashikon përfaqësim të drejtë dhe adekuat të shqiptarëve në të gjitha nivelet e administratës publike.

“Ky diskriminim i hapur dhe sistematik përbën një shkelje të rëndë të të drejtave të njeriut, si dhe një kthim pas në përpjekjet për bashkëjetesë dhe stabilitet ndëretnik në vend,” thuhet në deklaratën e komunitetit.

Komuniteti Shqiptar-Australian bën thirrje për reagim urgjent nga faktori ndërkombëtar, përfshirë institucionet e Bashkimit Evropian dhe SHBA, si dhe kërkon nga autoritetet në Shkup të ndalin menjëherë praktikat përjashtuese dhe të rikthejnë përfaqësimin e barabartë të shqiptarëve në institucionet shtetërore.

“Ne jemi të shqetësuar jo vetëm si diasporë, por si pjesë e pandashme e kombit shqiptar që nuk mund të qëndrojë indiferente ndaj padrejtësive që po i bëhen vëllezërve tanë në Maqedoninë e Veriut,” përfundon reagimi. Flaka

Continue Reading

Lajme

Visar Ademi – kandidatura e një sateliti të shkëputur nga realiteti i Gostivarit, e shpalli më 9 Korrik – Ditë Zie për qytetin

Published

on

By

Me një fjalim të lexuar, të ngjitur dhe të montuar me stil të vjetruar, Visar Ademi u shfaq sot si “kandidat i pavarur” për Gostivarin – një qytet në të cilin, me sa duket, nuk ka jetuar prej shumë vitesh. Fjalimi i tij, ndonëse i shkurtër, dërgoi sinjale shqetësuese për mungesën e lidhjes emocionale dhe seriozitetit të vërtetë që kërkon një kandidaturë për një komunë kaq të rëndësishme.

Ademi, në një ripërsëritje të narrativës së konsumuar nga Nevzat Bejta, deklaroi se “kandidatura e tij është kërkuar nga qytetarët” – një klishe tashmë e tejkaluar nga politikanë që përpiqen të justifikojnë zbritjen në skenë pa legjitimitet real. Mirëpo, e vërteta është se shumica e qytetarëve të Gostivarit nuk e njohin fare. Ndoshta pikërisht për këtë arsye, ai vendosi të fillojë fjalimin duke listuar titujt akademikë dhe biografinë, si për të ndërtuar nga e para një figurë që mungon në kujtesën kolektive të qytetit.

Prezantimi i tij ishte statik, i vetmuar dhe emocionalisht i ftohtë. Pa qytetarë përreth, pa mbështetje, dhe mbi të gjitha – pa asnjë ide konkrete për të ardhmen e Gostivarit. Nuk përmendi projekte, vizion për arsimin, zhvillimin urban, ekonominë lokale apo jetën publike. Në vend të kësaj, foli për veten, për shkollimin dhe përvojat e tij në Afrikë – sikur të ishte në një intervistë për poste ndërkombëtare, jo për kryetar të një qyteti që përballet çdo ditë me papunësi, varfëri dhe ikje masive të të rinjve.

Kandidatura e tij vjen në një atmosferë të ngjashme me atë të Mendi Qyrës në Strugë, i cili u paraqit fillimisht si i pavarur, por më pas mori përkrahjen e koalicionit VLEN. Ky zhvillim ngjalli reagime dhe dyshime të forta nga opozita shqiptare, e cila e akuzoi Qyrën si kandidat të afërt me VMRO-DPMNE, duke pretenduar se kandidatura e tij është koordinuar përmes zyrës së liderit të kësaj partie, Hristijan Mickoski.

Një fakt që nuk mund të anashkalohet është tajmingu i shpalljes së kandidaturës: 9 Korriku – një datë e ndjeshme dhe e dhimbshme për qytetin e Gostivarit. Pikërisht në këtë ditë, në vitin 1997, qytetarët shqiptarë përjetuan dhunë shtetërore, represion dhe sakrifica që janë ende të gjalla në kujtesën kolektive. Të shpallësh kandidaturën në këtë datë, pa asnjë reflektim apo ndjeshmëri për historinë e qytetit, tregon një shkëputje të thellë emocionale dhe politike nga realiteti i këtij komuniteti.

Video-mesazhi i Ademit përfundoi me një fjali befasuese: “Shihemi në Gostivar” – një deklaratë që vetëm sa konfirmoi atë që të gjithë e dinë: ai nuk është pjesë e jetës së përditshme të qytetit. Jeton në Shkup dhe po rikthehet vetëm për të kandiduar. Kjo distancë – fizike dhe shpirtërore – nuk mund të prodhojë besim, e aq më pak një qeverisje të suksesshme dhe të ndershme.

Kandidatura e Ademit nuk sjell shpresë, por rikthen një model të vjetruar, të komanduar nga lart, pa rrënjë në realitetin lokal. Ajo i ngjan më shumë një zbritjeje me “parashutë politike” sesa një lëvizjeje të natyrshme qytetare. Për më tepër, përforcon dyshimet për strategji të planifikuara nga struktura të mëdha politike që kërkojnë të kontrollojnë pushtetin vendor përmes figurave “të pavarura” vetëm në letër.

Qytetarët e Gostivarit meritojnë më shumë. Më shumë se një fjalim të lexuar dhe një figurë që rikthehet vetëm për zgjedhje. Ata meritojnë një vizion real, një plan të qartë, dhe mbi të gjitha – një përfaqësues që jeton me ta, i kupton sfidat e tyre dhe është i pranishëm jo vetëm për vota, por për të ndërtuar së bashku të ardhmen.

Continue Reading

Lajme

Valbon Limani bën homazhe për dëshmorët e 9 Korrikut: “Janë ndërgjegje që nuk duhet të harrohen kurrë”

Published

on

By

Kryetari i Komunës së Gostivarit, Valbon Limani, ka bërë sot homazhe pranë varrezave të dëshmorëve të 9 Korrikut 1997, duke nderuar kujtimin e atyre që u flijuan për lirinë dhe dinjitetin kombëtar.

“Në këtë vend të shenjtë, ne nuk përulemi vetëm para varreve të dëshmorëve, por para vetë ndërgjegjes sonë kolektive. Dëshmorët janë ndërgjegje që nuk duhet të harrohen kurrë,” u shpreh Limani gjatë fjalës së tij.

Lavdi për Dëshmorët e Flamurit Dr. Shpend Iseini, Nazmi Saliu dhe Milaim Dauti. Ata ranë, tha Limani, për të mos vdekur kurrë – për një ideal që vazhdon të jetojë në zemrat e gjeneratave,

9 Korriku i vitit 1997 është një datë historike dhe sublime për shqiptarët e Gostivarit dhe gjithë Maqedonisë së Veriut – një ditë që përfaqëson përplasjen dramatike midis vullnetit demokratik të shqiptarëve për të afirmuar identitetin e tyre kombëtar dhe dhunës brutale të një shteti që i trajtoi si të huaj në vendin e tyre.

Në qendër të kësaj dite qëndron një simbol – flamuri shqiptar – i cili u ngrit me vendim të ligjshëm, por u rrëzua me forcë, me gjak dhe me dhunë.Tre dëshmorët – Nazmi Saliu, Shpend Iseini dhe Milaim Dauti – nuk u flijuan thjesht për një copë pëlhurë, por për të drejtën e një populli për të jetuar me dinjitet, për të qenë i barabartë dhe për të mos u mohuar më kurrë.

Valbon Limani bën homazhe për dëshmorët e 9 Korrikut: “Janë ndërgjegje që nuk duhet të harrohen kurrë”

Kryetari i Komunës së Gostivarit, Valbon Limani, ka bërë sot homazhe pranë varrezave të dëshmorëve të 9 Korrikut 1997, duke nderuar kujtimin e atyre që u flijuan për lirinë dhe dinjitetin kombëtar.

“Në këtë vend të shenjtë, ne nuk përulemi vetëm para varreve të dëshmorëve, por para vetë ndërgjegjes sonë kolektive. Dëshmorët janë ndërgjegje që nuk duhet të harrohen kurrë,” u shpreh Limani gjatë fjalës së tij.

Lavdi për Dëshmorët e Flamurit Dr. Shpend Iseini, Nazmi Saliu dhe Milaim Dauti. Ata ranë, tha Limani, për të mos vdekur kurrë – për një ideal që vazhdon të jetojë në zemrat e gjeneratave,

9 Korriku i vitit 1997 është një datë historike dhe sublime për shqiptarët e Gostivarit dhe gjithë Maqedonisë së Veriut – një ditë që përfaqëson përplasjen dramatike midis vullnetit demokratik të shqiptarëve për të afirmuar identitetin e tyre kombëtar dhe dhunës brutale të një shteti që i trajtoi si të huaj në vendin e tyre.

Në qendër të kësaj dite qëndron një simbol – flamuri shqiptar – i cili u ngrit me vendim të ligjshëm, por u rrëzua me forcë, me gjak dhe me dhunë.Tre dëshmorët – Nazmi Saliu, Shpend Iseini dhe Milaim Dauti – nuk u flijuan thjesht për një copë pëlhurë, por për të drejtën e një populli për të jetuar me dinjitet, për të qenë i barabartë dhe për të mos u mohuar më kurrë. Flaka

Continue Reading

TOP Lajme