Connect with us

Lajme

Valbon Limani: Vitin e ardhshëm Gostivari do të bëhet me qendër dhe shëtitore të re rreth Vardarit

Published

12 months ago

on

 

“Mendoj se për këto dy vite kemi bërë punë të mjaftueshme dhe qytetarët më së miri mund ta vlersojnë atë që kemi bërë. Gjithmonë mund të bëhet më tepër, mirëpo në kuadër të mundësive kemi bërë maksimumin sa u takon shërbimeve kapitale, por edhe sa u takon shërbimeve tjera që merren nga ana e qytetarëve”.

Kështu tha Valbon Limani – Kryesues i Këshillit komunal në Gostivar sonte në emisionin “Politica” i cili transmetohet në Tv Globi. Ai sqaroi se aktualisht janë duke u aslfatuar disa rrugë në qytet dhe vendbanimet përreth.

“Akutalisht është në përfundim e sipër rruga ‘Ilindenska’ deri në dalje të Gostivarit që asfaltohet. Gjithashtu, kemi një rrugë me kofinancim me banorët e fashtit Balindoll që po e asfaltojmë. Jemi duke rregulluar disa rrugica në fshatin Turçan i Madh dhe shpresojmë varësisht nga kushtet atmosferike, ndoshta do të fillojmë edhe me rikonstruimin e rrugës së Dibrës deri në dalje të Gostivarit, nëse jo tani do bëhet kur të na lejojnë kushtet atmosferike”, tha Limani duke komentuar punën e realizuara në dy vitet e para të mandatit.

Limani tha se vitin e ardhshëm do ketë shumë më tepër investime duke përfshirë, siç ai premtoi, edhe rregullimin e sheshit të qytetit të Gostivarit.

“Theksi do të vendoset në infrastrukturë. Siç e dimë Gostivari m rrethinën ka shumë nevojë për infrastrukturë posaçërisht të kompletohen kanalizimet fekale për të cilat në shekullin 21 është banale të bisedohet, por duhet të kompletohen. Gjithashtu do të punohet në fushën e sistemit të ujit për pije dhe në fushën e aslaftimit të rrugëve që kanë nevojë, por ndoshta edhe në një pjesë të qytetit që ti japim një pasqyrë tjetër qendrës së qytetit të Gostivarit. Kemi projekt konkret ideor i cili ka qenë i pranuar para disa viteve dhe shpresojë se mundësit financiare do na lejojnë që të njejtin ta realizojmë. Pos kësaj si një nga projektet më të mëdha vitin e arddhshëm planifikojmë të rikonstruojmë rrugën ‘Beliçica’ me të gjitha pjesët e tjera, këtu do bëhet edhe kanalizimi fekal dhe ai atmosferik pos asfaltimit dhe me këtë ti japim një pamje tjetër kësaj rruge e cila është shumë e rëndësishme për qytetarët”, premton Limani.

Ai premtoi se në pranverë do fillojë rregullimi i pjesës tjetër të shëtitores së lumit Vardar e cila parashihet të kushtojë 300 mijë euro.

“Edhe pjesa tjetër e shëtitores së Lumit Vardar poashtu në pranverë do të fillojnë punimet dhe besoj se deri verës do jetë e gatshme. Ky investim vjen si projekt ku komuna e Gostivarit do të inevstojë i cili u fitua si pojekt si rezultat i bashkëpunimit ndërkufitar me komunën e Vitisë nga Kosova. Gostivari nga ky projekt merr 300 mijë euro të cilat do të investohen në këtë pjesë të qytetit”, deklaroi Limani.

Limani tha se në dy vitet e para theksi ka qenë i vendosur më shumë nëpër shkolla ku sipas tij ka pasur rreth një milion euro investim. Poashtu premtoi s vitin tjetër do të rregullohen dy salla sporti, njëra te shkolla e mesme ekonomike dhe tjetra te shkolla fillore “Goce Dellçev”.

Sa i takon Buxhetit të vitit të ardhshëm në Komunën e Gostivarit, Limani tha se ai do peshojë rreth 21 milionë euro. I njejti pritet të sillet pas datës 20 të këtij muaji.

I pyetur nëse është e vërtetë se ai nuk merr pagë në Komunën e Gostivarit përgjatë afro katër viteve angaazhim, tha se kjo është e vërtetë.

“Punojë pa pagë pasi dua ta ndihmojë qytetin tim”, tha shkurt Limani.

Related Topics:
Continue Reading

Lajme

Izbi Vinca: Ali Ahmeti, shkaktari më i madh për ikjen e të rinjve në mërgim – pas 20 viteve u kujtua t’i qajë hallet me mërgatën shqiptare!?

Published

19 hours ago

on

November 23, 2024

By

Shkruan Izbi Vinca Koordinator i Aleancës për Shqiptarët – Zvicer

Ali Ahmeti, sonte do të zhvillojë një takim me diasporën shqiptare në Zvicër (keqperdorim i manifestimeve me rastin e festave të Nëntorit), një hap që me sa duket synon të forcojë lidhjet e tij me shqiptarët e mërguar.

Megjithatë, ky takim për shumë vetë has në paradoks sesa mirënjohje. Arsyet? Keqqeverisja dhe korrupsioni që ka përshkruar qeverisjen e tij ndër vite, duke detyruar mijëra shqiptarë të lënë vendin për një jetë më të mirë jashtë kufijve.

Në vend që të tregojë përgjegjshmëri për situatën në Maqedoninë e Veriut, Ahmeti duket se ka zgjedhur t’u “shesë” përralla mërgimtarëve për atë që detyroi largimin e tyre.

Diaspora, e cila ka mbajtur vendlindjen në këmbë përmes remitancave dhe ndihmës ekonomike, meriton më shumë se fjalime boshe dhe premtime të pabazuara.

Pse pikërisht tani u kujtua Ahmeti për diasporën? A thua vallë sepse mërgata përbën një forcë të madhe ekonomike dhe politike, e cila mund të ndikojë zgjedhjet?

Shqiptarët e diasporës kanë të drejtë të pyesin: Çfarë ka bërë Ali Ahmeti për ta ndalur largimin masiv të të rinjve nga Maqedonia e Veriut? A ka ndonjë bilanc konkret të punës së tij që të justifikojë politikat e ndjekura? Për fat të keq, në vend të përgjigjeve, diaspora duket se do të dëgjojë të njëjtat premtime të zbrazëta që kanë vazhduar për dekada.

Continue Reading

Lajme

Snopçe: BDI votoi ligj për promovimin e gjuhës maqedonase

Published

4 days ago

on

November 20, 2024

By

Deputeti i VLEN-it, Halil Snopçe, duke folur rreth Ligjit për përdorimin e gjuhëve u ndal te Ligji gjuhës maqedonase duke informuar publikun më tepër rreth këtij ligji që ka kaluar me lehtësi e në qetësi, e më e rëndësishmja që ky ligj u votua në fillim të këtij viti nga deputetët e BDI-së.

Ai tha se ekziston Ligji për përdorimin e gjuhëve, por nuk duhet të harrojmë që gjithashtu ekziston edhe një Ligj për përdorimin e gjuhës maqedonase dhe alfabetin e saj cirilik.

“Dhe gjithë këto që derdhin lot krokodili dhe aktrojnë se gjuha shqipe është rrezikuar duhet të jenë të vetëdijshëm se ky ligj për përdorimin e gjuhës maqedonase i cili ligj e avancon tej mase përdorimin e gjuhës maqedonase u soll me 26 janar me votat e BDI-së, pra pa përkrahjen e deputetëve të BDI-së në mandatin e kaluar nuk do të sillej ky ligj. Ironia që të jetë më e madhe, ky ligj u soll pikërisht në periudhën kur Talat Xhaferi ishte kryeministër. Neni një i këtij ligji thotë se gjuha maqedonase është e drejtë dhe obligim i të gjithë qytetarëve, ndërsa neni dy thotë se Qeveria siguron strategji nacionale për përdorimin e gjuhës maqedonase. Neni gjashtë thotë se ngjarjet publike që organizohen në Maqedoni me investim të shtetit patjetër gjuha parë që duhet të përdoret duhet të jetë gjuha maqedonase dhe pastaj gjuha e komuniteteve tjera.

Imagjinoni edhe Ali Ahmeti po të organizon eveniment me para të shtetit kur del në foltore sipas ligjit për përdorimin e gjuhës maqedonase duhet së pari të flet maqedonisht dhe tek pastaj në shqip”, deklaroi Snopçe.
Ai shtoi se sipas këtij ligji, Ministria e Arsimit, është e obliguar të shpallë konkurse për bursa për të gjithë maturantët që vendosin të studiojnë gjuhën maqedonase sipas ligjit të votuar me 26 janar nga deputetët e BDI-së

Continue Reading

Lajme

Shaqiri: Ali pse nuk ua mbajte ballin me dorë Harunit, Shqiponjës, Mirsadit, Begut, Rexhailit e shumë dëshmorëve tjerë?!

Published

4 days ago

on

November 20, 2024

By

Shkruan Rijad Shaqiri deputet i Aleancës për Shqiptarët pjesë e koalicionit qeverisës VLEN

Më inspiroj fjalimi i xhaka Aliut se zoti Albin Kurti kryeministri i Republikës së Kosovës qenka i pa informuar për ligjin mbi përdorimin e gjuhës në RMV, sa për informim kryeministri është i mirë informuar për çdo detaj dhe ndodhi politike ktu në RMV.
Po ju rikujtojë se Nënat Shqiptare i kan ledhatuar ballin djemve të tyre por ju Xhaka Ali po ju sa i rrespektuat djemt e Kosovës dhe te Maqedonisë që jan në Sllupçan,Hotël,Mateç, Haraçinë, duhej edhe ju tua mbanit ballin dëshmorëve në vazdimësi jo vetëm kur jeni në opozitë, duhej ta kujtosh edhe ta ledhatosh edhe Harun Aliun l, Mirsadin Begun,Rexhail Qerimin,Komandant Shqiponjën, Visarin mos ti harrosh edhe Sokolin, Fadilin, Valin,Demën Muhamedin edhe shum të tjerë që ju me strukturat e juaja i futët burgjeve.
Mos të harrosh ti trajtoje fëmijtë e dëshmorëve që ke lënë në vende të punës (Postjer, në Pagesa te rrugëve, pylltarë, rojtarë etj) ndërsa ata që ta ledhatonë ballin ty, i gjithë trungu familjarë punojnë në institucione ku marrin paga mbi 2000 eu.
Xhaka Ali kur ke qenë ti vizitosh këta varreza të dëshmorëve pasi që tani ke një nostalgji më të madhe sepse je në opozitë.
Demagogjia nuk ka brina!

Continue Reading

TOP Lajme