Connect with us

Lajme

UT, Taravari: Të zgjidhet Rektor apolitik

Published

on

Pas skandaleve të njëpasnjëshme në Universitetin e Tetovës, kriteret shtesë në konkursin e anuluar dhe më pas kandidimin e personave të afërt me politikën për rektor të UT-së.

Kreu i Aleancës për Shqiptarët Arben Taravari, ka kërkuar nga Ministria e Arsimit që të emëroj ushtrues detyre rektor apolitik në UT. Taravari thotë se është momenti i fundit që Universiteti i Tetovës, të mendojë për cilësi dhe jo për kuantitet dhe në të duhet të vlejnë ligjet sikurse për gjitha universitetet tjera në vend.

Kreu i ASH-së thotë se ndryshime duhet të bëhen edhe në zgjedhjen e Senatit të UT-së, pasi ekzistojnë dyshime se edhe Senati, është zgjedhur në mënyrë jo të rregullt ndërsa nga anëtarët e tij varet edhe zgjedhja e rektorit të ri.

“Apelova tek Ministri që është momenti i fundit që këtë institucion të fillojmë ta depolitizojmë. Jo se kam intenca për tu emërua apo për tu përzier në Universitet përkundrazi, shqiptarët kanë autoritete që do ishin të pranuar nga ana e të gjithë shqiptarëve, dhe një të tillë duhet ta zgjedhin në Universitetin e Tetovës për ti vendosur gjitha rregullat dhe institucioni të funksionojë ashtu si duhet.

Andaj dhe apelova tek Ministri i Arsimit edhe pse nuk e di nëse ka të drejtë apo jo, por, nëse Senati është i kapur apo janë të përzgjedhur anëtarë të Senatit njerëz që varen nga një dy apo tre persona atëherë sërish do zgjidhet rektor aty një person i cili është kukull i rektorit të kaluar dhe nuk dua të besoj që do jetë kështu”, deklaroi Arben Taravari, Kryetar i ASH-së.

Continue Reading

Lajme

Gashi: Miqësia dhe aleanca me SHBA-në janë jetike për të tashmen dhe të ardhmen tonë

Published

on

By

Kryetari i Kuvendit Afrim Gashi ka njoftuar se ka marr pjesë në pritjen e organizuar me rastin e 4 Korrikut – Ditës së Pavarësisë së SHBA-së.

“Me ftesë të Ambasadores Angela Aggeler, kisha kënaqësinë të marr pjesë në pritjen e organizuar me rastin e 4 Korrikut – Ditës së Pavarësisë së SHBA-së.

Në emrin tim dhe të Kuvendit të RMV, përcjella urimet për shtetin dhe popullin amerikan, duke theksuar se miqësia dhe aleanca me SHBA-në janë jetike për të tashmen dhe të ardhmen tonë. Partneriteti ynë i palëkundur bazohet në vlerat e përbashkëta demokratike”, ka shkruar kryeparlamentari Gashi.

Continue Reading

Lajme

Albin Kurti fsheh takimin “vëllau për vëllaun” me Arben Fetain?

Published

on

By

Në faqen zyrtare të Kryeministrit të Kosovës, Albin Kurti mungojnë fotografitë nga takimi me zëvendëskryeministrin për qeverisje të mirë të Maqedonisë së Veriut, Arben Fetai një nga përfaqësuesit e koalicionit VLEN.

Takimi ndodhi në kuadër të ngjarjes së organizuar në Shkup nga Qeveria e RMV-së dhe Bashkimi Europian, ku liderët e Ballkanit Perëndimor u mblodhën për të diskutuar Planin e Rritjes për rajonin.

Megjithatë, në përmbledhjen zyrtare dhe postimet në rrjetet sociale të kryeministrit Kurti, bie në sy mungesa e fotografive nga takimi me Arben Fetain. Kjo ka ngjallur reagime dhe komente në opinionin publik, sidomos duke pasur parasysh afërsinë që Kurti ka shprehur ndaj eksponentëve të VLEN-it, përfshirë vetë Fetain, të cilin shpesh janë cilësuar si “vëlla”.

Ndryshe nga Kurti, zëvendëskryeministri Arben Fetai ka ndarë në rrjetet sociale fotografi nga takimi me kryeministrin e Kosovës, duke theksuar bashkëpunimin dhe përkushtimin për të avancuar integrimin europian të rajonit.

Mbetet e paqartë nëse mungesa e imazheve nga ana e zyrës së Kurtit është e qëllimshme apo një lëshim protokollar. Por heshtja nga Prishtina dhe veçantia e këtij “harrese” shtojnë spekulimet për ftohje të mundshme të raporteve mes partnerëve politikë në Maqedoninë e Veriut dhe udhëheqjes së Vetëvendosjes në Kosovë.

Continue Reading

Lajme

Ambasadori Meidani: Shqipëria me ritëm të lartë drejt BE-së – takim me Taravarin në Shkup

Published

on

By

Ambasadori i Shqipërisë në Maqedoninë e Veriut, Denion Meidani, ka bërë të ditur se Shqipëria ka hapur tre kapituj negociues me Bashkimin Evropian vetëm në gjashtë muajt e fundit dhe synon t’i hapë të gjithë brenda vitit.

Përmes një njoftimi në rrjetet sociale, Meidani theksoi se kishte kënaqësinë të shoqëronte Kryeministrin Edi Rama gjatë pjesëmarrjes në Samitin BE–Ballkani Perëndimor në Shkup, ku Shqipëria u vlerësua për ritmin e saj të integrimit dhe angazhimin e qëndrueshëm drejt anëtarësimit.

Në kuadër të vizitës, Rama i shoqëruar edhe nga ambasadori Meidani, zhvilluan edhe takime me liderin e Aleancës për Shqiptarët, Arben Taravari ku u diskutuan sfidat dhe përgjegjësitë e përbashkëta të faktorit politik shqiptar në proceset integruese dhe zhvillimet rajonale.

Vizita e delegacionit shqiptar në Shkup përfundoi me një ndalesë simbolike në Çarshinë e Vjetër të qytetit – një hapësirë që, siç u shpreh Meidani, “ruan gjurmët e identitetit shqiptar dhe dëshmon bashkëjetesën kulturore ndër shekuj”.

Continue Reading

TOP Lajme