Connect with us

Lajme

Taravari sqaron katër shtyllat kryesore të programit të tij në zgjedhjet presidenciale

Published

1 year ago

on

Kryetari i Aleancës për Shqiptarët dhe kandidati për president i koalicionit VLEN, Arben Taravari në intervistën e tij për TV Klan Maqedoni, mes tjerash foli mbi programin e tij në zgjedhjet presidenciale.

“Programi ynë përmban katër shtylla kryesore. E para është integrimi në Bashkimin Evropian. Padyshim, Maqedonia e Veriut nuk ka alternativë tjetër përveç vazhdimit të rrugës evropiane dhe këtu do të jemi këmbëngulës dhe këtu do të jetë pika kryesore me të cilën do të mundohemi ta marrim mbështetjen e të gjithë qytetarëve, pavarësisht etnive. Shtylla e dytë e programit janë ndryshimet kushtetuese. Ne këtu do të jemi insistues sepse për të filluar negociatat me BE-në, domosdoshmërisht në Preambulën e Kushtetutës së RMV-së t’i vendosim edhe bullgarët dhe disa etni tjera”, u shpreh Taravari.

Sipas Taravarit, ndryshimet kushtetuese janë moment për të hapur debat brenda dy etnive më të mëdha shqiptarët dhe maqedonasit, por jo vetëm, për zgjedhjen e presidentit përmes Kuvendit me 61 vota me të drejtën e Badenterit në mënyrë që shqiptarët të jenë pjesë e vendimmarrjes. Për kreun e ASH-së, edhe 20% për gjuhën shqipe është kusht i domosdoshëm për ta hequr kur të hapet Kushtetuta.

“Më pëlqeu ideja e Pendarovskit, presidentit aktual të Maqedonisë së Veriut, i cili deklaroi para 6 muajve se Maqedonisë i duhet një Kushtetutë e re”, u shpreh Taravari duke shtuar se në vitin 1991 shqiptarët nuk morën pjesë në përpilimin e Kushtetutës, kurse edhe me ndryshimet e vitit 2001, nuk është ajo Kushtetutë që duhet.

Kreu i ASH-së, Arben Taravari theksoi se shtylla e tretë është shteti i së drejtës.

“Shtylla e tretë i programit është shteti i së drejtës. Lulëzimi dhe zhvillimi i korrupsionit dhe krimit në Maqedoni është i pakontestueshëm. Në qoftë se se ambasadorja e partnerit tonë strategjik të SHBA-ve thotë se në Maqedoni ka epidemi të korrupsionit, ky është sinjal që duhet të na zgjojë të gjithëve, ndërsa për të zvogëluar krimin dhe korrupsionin janë dy mënyrë. E para është funksionimi i shtetit të së drejtës dhe e dyta është digjitalizimi”, deklaroi Taravari duke sqaruar se shtylla e katërt është bashkëpunimi ndërkombëtar dhe rajonal.

Related Topics:
Continue Reading

Lajme

Snopçe: Interesat e shqiptarëve mbi interesin tonë për pushtet

Published

9 hours ago

on

April 29, 2025

By

Deputeti i Aleancës për Shqiptarët, Halil Snopçe, në një intervistë në emisionin “Dialog te Lajmi”, ka deklaruar se partia që ai përfaqëson nuk është e lidhur me pushtetin me çdo kusht, duke theksuar se prioriteti i tyre mbetet kauza shqiptare.

“Edhe kur Mickoski na tha atëherë ‘rruga e mbarë ju qoftë’, ata mendonin se ne me çdo kusht jemi lidhur me qeverinë. ASH nuk është e lidhur me çdo kusht me qeverinë”, tha Snopçe.

Ai shtoi se për Aleancën për Shqiptarët, çdo pushtet apo interes i përkohshëm politik nuk mund të jetë mbi interesin kolektiv të shqiptarëve. “Çfarëdo qoftë pushteti dhe çfarëdo qoftë interesi nuk është mbi interesin e luftës tonë dhe kauzën tonë për interes të shqiptarëve”, theksoi ai.

Continue Reading

Lajme

Snopçe: E thyem mitin se BDI është e pamposhtur

Published

9 hours ago

on

April 29, 2025

By

Deputeti i Aleancës për Shqiptarët, Halil Snopçe, në intervistën e fundit në “Dialog te Lajmi”, tha se vitin e kaluar për herë të parë pas 20 viteve BDI shkoi në opozitë.

“Ky ishte vendimi më i duhur dhe moment historik. BDI perceptohej si një mal i pa thyeshëm, por u bë pluhur. Ai pluhur asnjëherë nuk mudn të bëhet më mal. Edhe ata të BDI-së nëse vijnë në pushtet, ata janë vetëdijesuar dhe më BDI nuk është më mal i pathyeshëm dhe do të jenë më të përgjegjshëm në vendimet e marra”, tha Snopçe.

Ai si shembull të kësaj e mori edhe futjen e Artan Grubit në listën e zezë amerikane.

Continue Reading

Lajme

Snopçe: Sulmet ndaj Taravarit filluan pas menaxhimit të suksesshëm të tragjedisë së Koçanit

Published

9 hours ago

on

April 29, 2025

By

Deputeti i Aleancës për Shqiptarët, Halil Snopçe, në intervistën e fundit në “Dialog te Lajmi”, ka folur për sulmet e orkestruara që drejtohen nga kryetari i ASH-së, Arben Taravari. Snopçe tha se epiqendra e sulmeve është kryetari Taravari.

“Askush nuk e ka sulmuar Snopçen apo dikë tjetër nga Aleanca për Shqiptarët, por është sulmuar vetëm Taravari. Sulmet dhe e gjithë kjo altireri e fyerjeve dhe shprehjes së mllefit dhe urrejtjes ndaj Taravarit, u nis pikërisht në momentin që kishte një menaxhim fenomenal me tragjedinë e Koçanit”, nënvizoi Snopçe.

Ai shtoi gjithashtu se një ditë pas tragjedisë deputet maqedonas i kanë thënë se sigurisht që do të ketë edhe po aq të vdekur sa ishte numri zyrtar një ditë më pas.

“Ne tani pas disa javëve kemi vetëm dy të vdekur, për dallim nga Rumania që kishte një tragjedi të ngjashme, që tre herë më i madh ka qenë numri i të vdekurve pas tragjedisë në krahasim me ditën e tragjedisë”, shtoi Snopçe.

Continue Reading

TOP Lajme