Lajme

Taravari: Si president do t’i fal të dënuarit nga rastet e montuara politikisht

Published

8 months ago

April 11, 2024

Admin01

Në fushën e reformave në drejtësi dhe shtetit ligjor, kandidati për president Arben Taravari nga Koalicioni VLEN thotë se do të kishte ndalur selektivitetin e drejtësisë, do të kishte penguar rastet e monitoruara politikisht, por do të kishte falur edhe ata që ishin viktima të, siç thotë ai, atyre rasteve të montuara.

“Ato raste ose duhet të zgjidhen ose të falen. Bisedat që Zaev i publikoi, me ish-ministrin e Brendshëm, për raste të caktuara për të cilat ata e dinë se nuk janë fajtorë, por duhej t’i mbanin sepse “e ka kërkuar sistemi”. Për çfarë sistemi po flasin? Se populli nuk ishte fajtor, por duhet ta mbajmë në burg. Kjo është shqetësuese. Për shembull, rasti Alfa. Dhe për këtë ka dëshmi se ka raste të fabrikuara. Ne duhet të ulemi dhe të diskutojmë për këto procese për të gjetur një zgjidhje dhe për të funksionuar sundimi i ligjit. Gjithçka për të rritur besimin e qytetarëve te drejtësia”, tha Arben Taravari në emisionin “Top Tema” në televizonin Telma.

Ai si president do të shfrytëzonte rastin për të mos nënshkruar disa ligje që i konsideron se janë kundër interesave të qytetarëve.

“Nuk do të firmosja ligje që janë në kundërshtim me mendimin e qytetarëve, ato që rrezikojnë qytetarët, për shembull Ligjin për lojërat e fatit dhe një sërë të tjerash. Do të kisha një ekip që do të më këshillonte dhe në bazë të tij do të vendosnim për disa ligje që janë vetëm në interes të një grupi të vogël njerëzish dhe dëmtohen një numër i madh i qytetarëve”, tha Taravari.

Lajme

Valbon Limani në terren me qytetarët: Projektojmë bashkë me Çajlen

Published

1 day ago

December 2, 2024

Admin01

Kryetari i komunës së Gostivarit, Valbon Limani, ka vijuar angazhimin e tij të ngushtë me qytetarët duke zhvilluar aktivitete në terren.

Në një postim të tij të fundit në rrjetet sociale, Limani thekson se është duke bashkëpunuar me qytetarët për të projektuar dhe realizuar zhvillime të reja, duke përfshirë zonën e Çajlës.

“Projektojmë bashkë! me 📍Çajlen,” shkruan Limani, duke nënkuptuar përkushtimin e tij për përmirësimin e infrastrukturës dhe kushteve të jetesës në këtë pjesë të komunës.

Aktivitetet e tij në terren Limani pretendon ti ofroj komunitetit mundësi për t’u përfshirë drejtpërdrejt në proceset zhvillimore./ZYRTARE.net

Lajme

Departamenti i Bujqësisë në ASH Diskuton Masat dhe Programet për Mbështetjen e Bujqve

Published

1 day ago

December 2, 2024

Admin01

Sot u mbajt mbledhja e rregullt e Departamentit të Bujqësisë në kuadër të Aleancës për Shqiptarët, i udhëhequr nga Kryetari i Departamentit prof. dr Gafur Xhabiri. Në mbledhje i ftuar ishte edhe zëvendësministri i Bujqësisë, Pyllëtarisë dhe Ekonomisë së Ujërave Prof. Dr. Flakron Bexheti.

Në këtë takim morën pjesë anëtarët e departamentit, profesorë universitarë, ekspertë të fushës, të cilët kontribuan me njohuritë dhe përvojën e tyre profesionale për masat dhe programet që duhen ndërmarrë, me qëllim mbështetjen dhe përmirësimin e kushteve për bujqit.

Lajme

Limani: Jemi në terren, të gjitha rrugët e Gostivarit janë të kalueshme

Published

3 days ago

November 30, 2024

Admin01

Kryetari i Komunës së Gostivarit, Valbon Limani, ka njoftuar qytetarët se rrugët e qytetit dhe të fshatrave të Malësisë janë të kalueshme dhe në gjendje të mirë për qarkullim. Ai theksoi se ekipet e komunës janë në terren dhe po vazhdojnë me pastrimin e rrugëve dhe hedhjen e kripës, për të garantuar sigurinë e qytetarëve gjatë kushteve të motit të ftohtë dhe ngricave.

Përmes një postimi në rrjetet sociale, Limani bëri të ditur se angazhimi i bashkëpunëtorëve të komunës është në nivel të lartë, duke siguruar që të gjitha rrugët, nga fshatrat deri në qytet, të mbeten të kalueshme dhe pa rrezik për qarkullimin.

“Rrugët e Gostivarit janë të gjitha të kalueshme prej fshatrave të Malësisë deri në qytet. Në jemi në terren vazhdimisht dhe aktualisht vazhdon pastrimi dhe hedhja e kripës. Komunë n’Punë”, ka shkruar Limani.