Connect with us

Lajme

Taravari: Shkuarja e BDI-së në opozitë do të jetë mirë për BDI-në, për shqiptarët dhe Maqedoninë

Published

1 year ago

on

Kandidati për president të Maqedonisë së Veriut nga Opozita e Bashkuar Shqiptare, Arben Taravari, tha se nuk e përjashton mundësinë e një bashkëpunimi të ardhshëm me Bashkimin Demokratik për Integrim.

Megjithatë, ai shtoi se është koha që kjo parti të largohet nga pushteti.

“Nuk kemi vija të kuqe, komunikimi vazhdon me të gjitha partitë, por në parim jam i sigurt se opozita shqiptare do ta sjellë ndryshimin e pritur gjatë te shqiptarët, 22 vjet një parti edhe sikur çdo gjë të ishte mirë është shumë”, tha Taravari.

Ai shtoi se BDI-ja ka pasur skandale dhe afera, përfshirë manipulim të zgjedhjeve.

“Keqpërdorim në zgjedhje ka pasur, këtë e dinë të gjithë qytetarët e Maqedonisë së Veriut, sidomos në zgjedhjet e fundit të 2020, se janë manipuluar po se po, se ka pasur vota që janë blerë, në këto zgjedhje opozita e bashkuar do të fitojë, por diferenca do të jetë pak më e madhe që të mundet të manipulohen”, tha Taravari në Rubikon të Klan Kosovës.

Kandidati për president në RMV foli edhe për kryeministrin shqiptar të këtij vendi, Talat Xhaferi, për të cilin tha se ka funksion vetëm simbolik.

“Sot nuk kemi kryeministër shqiptar por simbolik, kryeministër teknik. Ne si parti e kemi përkrahë zotërinë Talat Xhaferi edhe për kryeparlamentar, edhe për pozicionin e kryeministrit teknik sepse simbolika është e rëndësishme, por a e dini cili ishte propozimi i parë i kryeministrit teknik? Shkarkimi i dy ministrave shqiptarë”, tha Taravari.

Sipas tij, është e rëndësishme që t’i jepet mundësia një strukture të re politike dhe që BDI të kalojë në opozitë.

“Ndryshimi është i domosdoshëm dhe i dobishëm, jo vetëm për shqiptarët, por edhe për BDI-në. Një parti nuk është parti nëse një periudhë nuk e kalon në opozitë. Mendoj se shkuarja e BDI-së në opozitë është mirë për BDI-në, për Maqedoninë, por është mirë edhe për shqiptarët t’i japim një shans një garniture të re politike, të shohim si mund të udhëheqin”, tha Taravari në Rubikon të Klan Kosovës.

Related Topics:
Continue Reading

Lajme

Snopçe: Interesat e shqiptarëve mbi interesin tonë për pushtet

Published

9 hours ago

on

April 29, 2025

By

Deputeti i Aleancës për Shqiptarët, Halil Snopçe, në një intervistë në emisionin “Dialog te Lajmi”, ka deklaruar se partia që ai përfaqëson nuk është e lidhur me pushtetin me çdo kusht, duke theksuar se prioriteti i tyre mbetet kauza shqiptare.

“Edhe kur Mickoski na tha atëherë ‘rruga e mbarë ju qoftë’, ata mendonin se ne me çdo kusht jemi lidhur me qeverinë. ASH nuk është e lidhur me çdo kusht me qeverinë”, tha Snopçe.

Ai shtoi se për Aleancën për Shqiptarët, çdo pushtet apo interes i përkohshëm politik nuk mund të jetë mbi interesin kolektiv të shqiptarëve. “Çfarëdo qoftë pushteti dhe çfarëdo qoftë interesi nuk është mbi interesin e luftës tonë dhe kauzën tonë për interes të shqiptarëve”, theksoi ai.

Continue Reading

Lajme

Snopçe: E thyem mitin se BDI është e pamposhtur

Published

9 hours ago

on

April 29, 2025

By

Deputeti i Aleancës për Shqiptarët, Halil Snopçe, në intervistën e fundit në “Dialog te Lajmi”, tha se vitin e kaluar për herë të parë pas 20 viteve BDI shkoi në opozitë.

“Ky ishte vendimi më i duhur dhe moment historik. BDI perceptohej si një mal i pa thyeshëm, por u bë pluhur. Ai pluhur asnjëherë nuk mudn të bëhet më mal. Edhe ata të BDI-së nëse vijnë në pushtet, ata janë vetëdijesuar dhe më BDI nuk është më mal i pathyeshëm dhe do të jenë më të përgjegjshëm në vendimet e marra”, tha Snopçe.

Ai si shembull të kësaj e mori edhe futjen e Artan Grubit në listën e zezë amerikane.

Continue Reading

Lajme

Snopçe: Sulmet ndaj Taravarit filluan pas menaxhimit të suksesshëm të tragjedisë së Koçanit

Published

9 hours ago

on

April 29, 2025

By

Deputeti i Aleancës për Shqiptarët, Halil Snopçe, në intervistën e fundit në “Dialog te Lajmi”, ka folur për sulmet e orkestruara që drejtohen nga kryetari i ASH-së, Arben Taravari. Snopçe tha se epiqendra e sulmeve është kryetari Taravari.

“Askush nuk e ka sulmuar Snopçen apo dikë tjetër nga Aleanca për Shqiptarët, por është sulmuar vetëm Taravari. Sulmet dhe e gjithë kjo altireri e fyerjeve dhe shprehjes së mllefit dhe urrejtjes ndaj Taravarit, u nis pikërisht në momentin që kishte një menaxhim fenomenal me tragjedinë e Koçanit”, nënvizoi Snopçe.

Ai shtoi gjithashtu se një ditë pas tragjedisë deputet maqedonas i kanë thënë se sigurisht që do të ketë edhe po aq të vdekur sa ishte numri zyrtar një ditë më pas.

“Ne tani pas disa javëve kemi vetëm dy të vdekur, për dallim nga Rumania që kishte një tragjedi të ngjashme, që tre herë më i madh ka qenë numri i të vdekurve pas tragjedisë në krahasim me ditën e tragjedisë”, shtoi Snopçe.

Continue Reading

TOP Lajme