Përmes një komunikate Aleanca për Shqiptarët e udhëhequr nga Arben Taravari ka ngritur disa pyetje ndaj Zëvendëskryeministrit të parë Izet Mexhiti i cili të premten që lam pas mbajti konference për shtyp në selinë partiake dhe jo në ambientet zyrtare të Qeverisë.

Nga ASH theksojn se VLEN-i në pushtet por Mexhiti flet nga selia partiake pyesin se është Mosbesim apo margjinalizim?

“Të premten, publiku ishte dëshmitar i një konference për shtyp të z. Izet Mexhiti, e cila, në vend që të mbahej në ambientet zyrtare të Qeverisë, u organizua në selinë partiake të koalicionit VLEN. Kjo ngre disa pyetje të rëndësishme që kërkojnë përgjigje të qarta:
• Pse z. Mexhiti e mbajti konferencën për shtyp në selinë partiake dhe jo në ambientet zyrtare të Qeverisë?
A ka ndonjë ndalesë të pashkruar nga kryeministri Mickoski që zyrtarët e VLEN-it të mos paraqiten nga pres-qendra zyrtare e Qeverisë?
• Në çfarë cilësie foli z. Mexhiti?
A foli si zëvendëskryeministër i Qeverisë së Maqedonisë së Veriut apo si përfaqësues i VLEN-it?
• A ishin informatat e prezantuara zyrtare, apo materiale partiake?
Publiku ka të drejtë të dijë nëse informatat e ndara në atë konferencë ishin të konfirmuara nga institucionet përkatëse, apo thjesht deklarata propagandistike me qëllim përfitimesh politike.

Për më tepër, është për t’u habitur që edhe pas hyrjes në Qeveri, VLEN vazhdon të sillet si opozitë, duke shmangur përgjegjësinë institucionale dhe duke përdorur retorikë që i takon partive jashtë pushtetit. Ose ndoshta realiteti është se VLEN-i nuk ka ndikim real brenda Qeverisë, dhe roli i tyre mbetet formal, pa fuqi vendimmarrëse.

Në interes të transparencës dhe përgjegjësisë ndaj qytetarëve, ftojmë z. Mexhiti dhe përfaqësuesit e VLEN-it të sqarojnë qartë pozicionin e tyre: a janë pjesë e Qeverisë, apo zëdhënës të një partie në opozitë?”, nënvizojnë nga Aleanca për Shqiptarët.

Ish Nënkryetarja e Asamblesë së Gruas dhe ish Anëtarja e Kryesisë Qendrore të Aleancës për Shqiptarët, Naime Islami përmes një postimi në profilin e saj në facebook ka reaguar ndaj demantit të Kreut të degës së ASH-së Kumanovë, Huzeir Mustafa i cili njoftoi se ASH-ja nuk organizon sonte tubim në Kumanovë, por Mexhiti, Azizi dhe disa individë të LEN-it.

Islami në reagimin e saj nënvizon ua numërojnë edhe liket në Facebook, jeni në vëzhgimin tonë.

Reagimi i plotë:

“Si Nënkryetare e Asamblesë së Gruas dhe Anëtare e Kryesisë Qendrore të Aleancës për Shqiptarët, ndjej obligim moral dhe politik të reagoj ndaj një demanti të turpshëm, të shpërndarë nga individë pa peshë, pa përfaqësim dhe pa kredibilitet.

Të flasësh për “unitet të strukturave në Kumanovë” kur realiteti s’është gjë përveçse një manipulim i ulët. E vërteta është krejt tjetër, nga mbi 70 pëlqime që mori ky demant, më shumë se 65 janë nga jashtë Kumanovës. Kjo e tregon qartë se nuk ju përkrah askush në terren! Kjo është pasqyra e vërtetë e “unitetit” tuaj, bosh dhe pa jehonë.

Emri i Aleancës për Shqiptarët nuk mund të përdoret si mburojë për interesa personale, pazare politike dhe frikën nga ndëshkimi demokratik. Ata që heshtin e fshihen pas deklaratave të rreme, nuk përfaqësojnë Aleancën, por vetëm frikën e tyre nga e vërteta.

Mjaft më me gënjeshtra. Zëri i lirë nuk trembet. Të vërtetës nuk i vihet kapak”, ka përfunduar Islami – Zeqiri.

Zëdhënësi i Shtabit të Përgjithshëm të Forcave të Armatosura të Iranit, Abolfazl Shekarchi, ka deklaruar se Irani do të vazhdojë operacionet ushtarake derisa Izraeli të pendohet për veprimet e tij, transmeton Anadolu.

Duke folur për televizionin shtetëror iranian, Shekarchi komentoi sulmin e fundit të Izraelit kundër Iranit dhe përgjigjen pasuese të Teheranit.

Duke iu referuar deklaratës së djeshme të udhëheqësit suprem, Ayatollah Ali Khamenei, Shekarchi tha se do të vazhdojnë operacionet “derisa regjimi kriminal sionist të ndiejë keqardhje”.

Në orët e para të së premtes, forcat izraelite sulmuan Iranin, duke goditur objektet bërthamore dhe raketore dhe duke vrarë mbi 104 persona, përfshirë komandantë të lartë ushtarakë dhe shkencëtarë. Gjithashtu rreth 380 të tjerë u plagosën si pasojë e sulmeve.

Sipas raportimeve, Irani u përgjigj me raketa balistike që shënjestruan disa zona në të gjithë Izraelin, duke vrarë të paktën tre persona dhe duke plagosur mbi 170 të tjerë.

Sulmet izraelite vranë shefin e shtabit të Iranit, komandantin e Korpusit të Gardës Revolucionare Islamike (IRGC), disa komandantë të lartë dhe nëntë shkencëtarë bërthamorë.

Shumë vende, përfshirë Turqinë, i kanë dënuar veprimet e Izraelit./AA/