Connect with us

Lajme

Taravari për Bota Sot flet për kandidaturën e tij për president, ‘godet’ BDI-në – vlerëson mbështetjen e Kurtit

Published

on

Kryetari i Aleancës për Shqiptarët, Arben Taravari, njëherësh kandidat për president në Maqedoninë e Veriut në një intervistë ekskluzive për gazetën “Bota sot” foli mbi zhvillimet e fundit në RMV.

Së fundi, në krye të qeverisë së Maqedonisë së Veriut erdhi Talat Xhaferi, si kryeministër teknik.

Ishte hera e parë që një shqiptar u zgjodh kryeministër në RMV, e këtë gjë e komentoi edhe Taravari.

Kryetari i ASH-së potencoi se nuk kam ndonjë pritshmëri nga Taravari se dhe nuk mundet të ketë ndonjë aksion të tij personal, pasi vlerëson se është “viktimë e radhë” e Artan Grubit.

Taravari foli më gjerësisht edhe për partitë politike shqiptare në RMV, ku tha se të gjitha partitë janë të bashkuara, përveç BDI-së, e cila tha se është e kapur për pushtetin.

Ndër të tjera, ai foli edhe për kërcënimet që ka marrë dhe kandidaturën e tij për president.

Kurse, Taravari mirëpriti përfshirjen e Lëvizjes Vetëvendosje në zgjedhjet në RMV, derisa tha se është i lumtur që ka mbështetjen e kësaj lëvizjeje.

“Është normale dhe nuk është hera e parë dhe mendoj se LVV-ja është një forcë e shtuar në përpjekjet e shqiptarëve të këtyre anëve për respekt dhe barazi. Jam i lumtur të kem mbështetjen e kësaj Lëvizjeje”.

Intervista e plotë:

Gazeta “Bota sot”: Si e komentoni situatën politike në Maqedoninë e Veriut?

Arben Taravari: Shpresëdhënëse më shumë se çdoherë!

Gazeta “Bota sot”: Si e vlerësoni faktin se tani në krye të qeverisë së RMV-së është një kryeministër shqiptar? Pavarësisht se është kryeministër teknik, çfarë pritshmërish keni për z.Talat Xhaferi?

Arben Taravari: Jam etnikisht i përfaqësuar teknikisht dhe nuk ndjej ndonjë gëzim apo vlerësim për ne shqiptarët, sepse ne nuk jemi popull teknik, jemi popull shtetformues dhe duhet të respektohemi si të tillë.

Personalisht nga z.Talat Xhaferri nuk kam ndonjë pritshmëri se dhe nuk mundet të ketë ndonjë aksion të vetin. Ai përveç se teknik u pa që është edhe viktimë e radhës së Artan Grubit që e damkosi keq duke e kthyer në një marionetë që shkarkoi ministra shembullorë shqiptarë vetëm sepse ishin kundra sistemit korruptiv!

Gazeta “Bota sot”: Janë parë edhe përplasjet mes partive opozitare shqiptare në RMV? Pse po mungon uniteti politik mes partive, a janë “fajtorë” për këtë gjë liderët partiak?

Arben Taravari: Aktualisht partitë shqiptare në Maqedoni janë më të bashkuara se kurrë. E vetmja parti që rri e veçuar se është e kapur nga tentakulat e pushtetit, është BDI-ja.

Gazeta “Bota sot”: Ditë më parë, para shtëpisë tuaj është gjetur një plumb. A lidhet kjo situatë me ngjarjet e fundit? Dhe, sa ndiheni të rrezikuar apo kërcënuar?

Arben Taravari: Po lidhet patjetër me ngjarjet e fundit dhe ndoshta kam dhe rrezik por kjo nuk më tremb fare. E kam kaluar fazën e frikës nga vdekja, kam frikë vetëm nga Zoti!

Gazeta “Bota sot”: Ju jeni kandidati për president i partive opozitare shqiptare në RMV. Cilat janë pritshmërit dhe planet tuaja?

Arben Taravari: Të jem Presidenti i parë tek Shqiptarët, të jem zgjedhja e tyre dhe natyrisht të jem i denjë që çdo etni tjetër që rron në Maqedoni të jem një figurë e denjë për President.

Gazeta “Bota sot”: Para pak javësh, kryeministri i Kosovës, Albin Kurti zhvilloi takim me krerët e partive shqiptare opozitare në Maqedoninë e Veriut, si dhe përfshirjen e Lëvizjes Vetëvendosje në zgjedhjet e ardhshme parlamentare atje më 8 maj. Si e komentoi këtë gjë? A do ndikojë përfshirja e LVV-së në zgjedhjet në RMV?

Arben Taravari: Është normale dhe nuk është hera e parë dhe mendoj se LVV-ja është një forcë e shtuar në përpjekjet e shqiptarëve të këtyre anëve për respekt dhe barazi. Jam i lumtur të kem mbështetjen e kësaj Lëvizjeje.

Gazeta “Bota sot”: Për fund, cili është komenti juaj në lidhje me deklaratën e presidentit serb, Aleksandar Vuçiq se Albin Kurti dëshiron ta rrëzojë nga pushteti Ali Ahmetin?

Arben Taravari: Komplekse të rrezikshme që i kushtojnë shtrenjtë jo vetëm shqiptarëve por Ballkanit, Evropës dhe më gjerë! Vuçiç ka nevojë të shërojë komplekset e tij sepse po na kushton të gjithëve në stabilitet personaliteti i tij i deformuar.

Continue Reading

Lajme

Votimi i të burgosurve dhe të sëmurëve po zhvillohet pa probleme, bëjnë të ditur KSHZ

Published

on

By

Të drejtën e votës sot do të mund ta ushtrojnë 2569 votues në 31 vendvotime në PKV, ku janë regjistruar për të votuar dhe aplikimet e të cilëve janë pranuar nga Komisioni Shtetëror i Zgjedhjeve.

Sot në qendrat e votimit në 14 IEVP do të mund të ushtrojnë të drejtën e votës 2147 zgjedhës. Të gjitha qendrat e votimit në IEVP janë hapur në orën 7:00 të mëngjesit të sotëm dhe votimi atje do të vazhdojë deri në orën 19:00.

Deri në këtë moment votimi po vijon pa problem. Gjatë ditës së sotme dy votues, të cilët identifikohen si të zhvendosur brenda vendit, do të mund të ushtrojnë të drejtën e votës në të vetmen qendër për personat e zhvendosur brenda vendit.

Këshillat zgjedhorë në Republikën e Maqedonisë së Veriut gjatë ditës së sotme do të bëjnë votimin e personave të sëmurë ose të paaftë, të cilët kanë dorëzuar njoftime me dokumentacion përkatës deri te komisionet komunale zgjedhore. Të drejtën e votës në banesat e tyre do ta ushtrojnë 6935 qytetarë të regjistruar si të sëmurë apo të pafuqishëm.

Sot, 534 zgjedhës, të vendosur në 20 qendra të kujdesit jashtëfamiljar, do të kenë mundësinë të ushtrojnë të drejtën e votës në qendrën ku ndodhen. Ekziston një interes i theksuar për vëzhgimin e këtyre zgjedhjeve nga organizata dhe media vendase, të huaja dhe ndërkombëtare. Komisioni Shtetëror i Zgjedhjeve deri më tani ka akredituar për vëzhgim 342 vëzhgues vendas, 517 vëzhgues të huaj dhe ndërkombëtarë, 51 përkthyes dhe 32 gazetarë të huaj. Faqja e KSHZ-së, www.sec.mk, si dhe faqet e rrjeteve sociale “Facebook”, X, “Instagram”, si dhe kanali YouTube janë në dispozicion të të gjithë qytetarëve, ku do të mund të gjeni informacion në kohë dhe të saktë në lidhje me zgjedhjet.

Në listën zgjedhore me të drejtë vote në këto zgjedhje janë regjistruar gjithsej 1.814.317 zgjedhës.

Continue Reading

Lajme

Demolohet shtabi i VLEN në Lagjen e Trimave në Kumanovë

Published

on

By

Gjatë mbrëmjes së kaluar nga persona të panjohur është demoluar shtabi i VLEN në Lagjen e Trimave në Kumanovë.

Rasti i demolimit të shtabit është lajmëruar në SPB Kumanovë. Përndryshe nuk është hera e parë që demolohen shtabet partiake në lagjet shqiptare në Maqedoninë e Veriut.

Continue Reading

Lajme

Veteranët e UÇK-së porosi Artan Grubit: Nuk lejojmë shkeljen e flamurit kombëtar!

Published

on

By

Veteranët e UÇK-së kanë reaguar ndaj Artan Grubit i cili nga sheshi i Shkupit këtkoi që të ulet flamuri kombëtar.

Ata e shohin këtë veprim si një shkelje të gjakut të dëshmorëve dhe sakrificave të tyre për liri.

Në reagimin e tyre, ata theksojnë se flamuri kombëtar është mbrojtur me gjakun e dëshmorëve dhe se nuk mund të lejohet që të kalojë pa reagim një gjest i tillë.

Në këtë reagim, ata shprehin zemërimin dhe turpin e tyre ndaj këtij veprimi, duke theksuar rëndësinë dhe nderin që duhet t’i kushtohet flamurit kombëtar dhe emblemës së UÇK-së.

“TË NDERUAR VETERANË INVALID DHE FAMILJE TË DËSHMORËVE KY FLAMUR ËSHTË LARË ME GJAKË DHE ËSHTË MBROJTUR ME GJAKUN E DËSHMORËVE. NUK TOLEROJMË QË NJË RRUGAÇ TË JAPE URDHËRA PËR TË ULUR FLAMURIN KOMBËTAR NË LIRI, AI FLAMUR ËSHTË MBROJTUR ME JETËN E SHUM DËSHMORËVE NGA VITI 1998 DERI NË 2001. Nuk mundemi të qëndrojm indiferentë ndaj këti rrugaçi se ai rrugaçi që në vitin 2001 ishte me palën Maqedone dhe ishte i mbuluar me flamurin e ty që ka në zemër. TURP TURP TURP TË KENI. NJËHER BROHORET UÇK UÇK DHE PAS NJË ORE URDHËRON ULNI FLAMURAT ULNI FLAMURAT………TURP TURP TURP!!!???? RROFT FLAMURI KOMBËTAR RROFT EMBLEMA U.Ç.K së”, thuhet në reagimin e ish ushtarëve të UÇK-së, theksojn Veteranët e UÇK-së.

Continue Reading

TOP Lajme