Lajme

Taravari: Për ASH-në thonë se “vlon”prej 2019-tës, nuk ka përçarje në ASH

Published

1 year ago

November 17, 2023

Kreu i ASH-së, Arben Taravari i ftuar në emisionin “A më dëgjon” në Monitor.mk, ka folur rreth aktualitetit politik në vend. Taravari ka folur për qeverisjen e ASH-së dhe për bashkimin e opozitës shqiptare. Gjithashtu Taravari deklaron se opozita maqedonase po dëmton vendin.

I pyetur se e ka përçarje në ASH, ashtu siç flitet në publik, ai tha se ka mendime ndryshe, por jo edhe përçarje.

“Tash për tash nuk vlon. Për ASH-në thonë se vlon prej 2019-tës, dhe vazhdimisht më kanë pyetur a ka përçarje. Tash për tash nuk ka përçarje, pas një viti, 10 vitesh, tre vite nuk e di…Tash për tash ka mendime të llojllojshme dhe kjo është pasuri e ASH-së, kemi ditur të menaxhojmë situata më të rënda se kjo situatë dhe besoj se deri në fund do arrijmë ta menaxhojmë situatën ashtu siç duhet. Edhe pse kemi mendime të ndryshme, në organet partiake do të sjellim vendim të përbashkët dhe vendimin që e sjellim, duhet ta respektojmë çdokush prej nesh”, deklaroi Arben Taravari, kryetar i ASH-ë.

Para do ditësh Taravari tha se ASH ka mundësi të del nga Qeveria për shkak se ndryshimet kushtetuese nuk ka gjasa të miratohen dhe për shkak të mos votimit të propozimligjit për Amnisti.

Taravari tha se vendimi do të sillet nga organet partiake për dalje ose jo nga qeveria më së voni nga fundi i këtij muaji apo fillimi i dhjetorit.

Lajme

Vdiq Papa Françeksu

Published

11 hours ago

April 21, 2025

I N

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Lajme

MPB: Ndalohen gjashtë persona, kapen me marihuanë

Published

11 hours ago

April 21, 2025

I N

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

11 hours ago

April 21, 2025

I N

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.