Vazhdojnë “përplasjet” nga distanca mes dy ish bashkëpartiakëve, Ilire Dautit dhe Arben Taravarit. Ky i fundit ka komentuar shkrimin e fundit të Dautit, duke e cilësuar të njëjtin si “tallje me mbiemrin e tij”.

“Sot Ilire Dauti është tallur me mbiemrin tim…Ka ndryshuar shumë që kur ka shkuar me BDI-në.Kurse unë vazhdoj mbetem gjithnjë ai i pari, Krenarisht i njëjti Arben Taravari!”, ka shkruar Taravari.

Ziandin Sela sonte kishte paralajmëruar takim me banorët e Gostivarit, por këta të fundit nuk e mirëpritën për të kuvenduar me të. Takimi i cili u zhvillua në Qendrën për Kulturë, banorët e Gostivarit mund të numëroheshin në gishtat e njërës dorë.

Kjo fiasko bëri që të kthejnë moton dhe nga kuvendojmë me gostivaras, e shtuan edhe me ata nga Komuna e Vrapçishtit pasi pjesa dërmuese e të pranishmëve vinin nga kjo komunë.

Numri i madh i fëmijëve dhe të rinj nën moshën me të drejtë vote, poashtu binte në sy, numri i të cilëve ishte gati 40 përqind nga të pranishmit.

Për ta vulosur dështimin e tij në Gostivar, nga fjalimi i lodhur i Selës që asgjë me pesh nuk thuhej, një pjesë e të pranishmive e lëshuan sallën.

Takimi i Selës në Gostivar sonte, në fakt i dha atij një leksion që gostivarasit e kanë birin e vetë që i besojnë dhe mbështesin, Arben Taravarin i cili ua solli fillimisht ndryshimin në qytetin e tyre pastaj edhe në nivel qendrorë.

Deputetja e koalicionit VLEN, Mimoza Musa përmes një statusi në rrjetin social Facebook ka komentuar seancën e mbrëmshme në Parlament ku në rend dite ishin interpelancat e parashtruara nga BDI. Ajo madje thotë se dje BDI ka zhvilluar një cirk, ku nuk kanë votuar kundër interpelancës së deputetes së tyre. Deputetja Musa thotë se nga 22 vota kundër interpelancës së Ilire Dautit, 14 kanë qenë të koalicionit VLEN.

“Pas cirkut të djeshëm meqë nuk arritën të mashtrojnë dhe manipulojnë publikun, e nuk u bënë luana e luanesha në rrjetet sociale, sot po bëhen patriota me bateri. Kaluan 6 muaj qeverisje nga VLEN, ende nuk u mësuan në opozitë dhe dita e ditës po tregojnë që po humbasinë kompaktësinë dhe seriozitet si koalicion. Në interpleancat që kanë ngritur vet nuk kanë qenë prezent të votojnë. Këta që kinse kanë ligjitimitetin për të mbrojtur shiptarët, nuk erdhën as të votojnë kundër interpelancës së deputetes së tyre. Nga 22 vota kundër, 14 janë të VLEN-it.
Çdo gjë tjetër është aktrim amatoresk!”, ka shkruar deputetja e koalicionit VLEN, Mimoza Musa.