Politika

Taravari: Krahu i kontrolluar nga Rusia në VMRO duan të më paraqesin si radikal dhe të korruptuar

Published

2 years ago

February 23, 2023

admin

Kryetari i Aleancës për Shqiptarët, Arben Taravari, sa i përket kritikave dhe akuzave të shumta nga ana e VMRO-DPMNE-së drejt ASh-së, theksoi se me këtë retorikë anti-shqiptare VMRO vetëm po dëmton veten, pasi pas zgjedhjeve të ardhshme nuk do të mund të gjejë një partner shqiptar për të bashkëpunuar.

“Me këtë fjalor që përdor VMRO-ja dhe Levica, me këtë fjalor anti shqiptar në çdo paraqitje se çdo gjë që u pengon janë shqiptarët, paraqet një atmosferë të përgjithshme në shtet sikurse shqiptarët janë ata që e pengojnë shtetin, duan ta ndryshojnë Kushtetutën me çdo kusht, bëjnë gjithçka që gjoja maqedonasit mos ekzistojnë apo se janë kundër maqedonasve. Kjo do krijojë menjëherë anti dotin e tyre. Prandaj them se do të ketë një kthesë të jashtëzakonshme. Shqipëria do të vazhdojë negociatat, ne do mbetemi me veton bullgare, krizën ekonomike, ikjen e të rinjëve dhe frustrimet që do paraqiten te popullata në përgjithësi. Pastaj, çdo krizë sjell mosëmarrëveshje të reja të cilat pastaj mund ta ngatërrojnë komplet funksionimin e shtetit”, deklaroi kreu i ASh-së, Arben Taravari në emisionin “Argument” në TVM2.

Duker folur më tej mbi akuzat e VMRO-DPMNE-së, Taravari tha se “krahu i kontrolluar nga Rusia duan të më paraqesin si radikal dhe të korruptuar”.

“Në VMRO ka një pjesë që ata e dinë, sidomos anëtarët e VMRO-së se ka një fraksion rus aty. E dinë edhe vetë partiakët e tyre se kjo ndodh sidomos nga Nikollovski i cili e dominon edhe Mickoskin, e kam përshtypjen se nuk e përfill dhe vazhdimisht ka do teza të cilat nuk mund t’i kuptojë as vetë si mund t’i përdorë. Dy qëllime kanë me atë propagandën ruse, shkaku është stagnimi i VMRO-së që ta paraqesin Taravarin si radikal, si njeri nacionalist, shovenist, ultra nacionalist dhe e dyta se jam i korruptuar. Këto janë dy pikësynimiet e grupit pro rus të VMRO-së. Radikalizimin e lidhin me atë që kam thënë se nëse nuk kalojnë ndryshimet kushtetuese do ketë radikalizim të situatës, dhe ata vazhduan me kolumna, shkrime, nëpër debate thonë se Taravari do radikalizohet, do ta destabilizon shtetin dhe do luftë. Me atë që duan të më nxjerrin të korruptuar, duhet ta dinë se e kam thënë disa herë që unë nuk shantazhohen dhe nuk mund të korruptohem. Në atë moment kur do jem i shantazhuar, nuk merrem me politikë, shkoj në pension. Tani shpikin diçka se gjoja dikush më ka dhënë diçka për të hyrë në qeveri, unë shtëpinë në Shkup e kam nga viti 2021 dhe e kam të paraqitur në listën anketuese”, deklaroi më tej Taravari.

Ai pyeti publikisht Nikollovskin se kush udhëheq me VMRO-DPMNE-në.

“Kush udhëheq me partinë ai apo Mickoski dhe pse kur dolën përgjimet në vitin 2015-të për Nikollovskin nuk kishte asnjë përgjim. Le të më përgjigjet Nikollovski mbi këtë, a ka diçka që ne nuk e dimë dhe ai duhet të sqarohet”, pyeti publikisht Taravari nënkryetarin dhe deputetin e VMRO-së, Aleksandar Nikollovski.

Me këtë që bën tani VMRO, unë aty e shoh kthimin e “gruevizmit”, theksoi më tej kreu i ASh-së. / top24

Lajme

Murtezani: Po punojmë me dinamikë në shkrirjen e VLEN-it në një subjekt politik

Published

8 hours ago

April 11, 2025

I N

Ministri për Çështje Evropiane, Orhan Murtezani, në intervistën e tij të fundit në gazetën LAJM, ka folur rreth shkrirjes eventuale të VLEN-it në një parti. Murtezani tha se Koalicioni VLEN nuk është kukull në qeveri, normalisht e kemi parasysh peshën politike të VMRO-së, por deri sa ne mbetemi konsistent në marrëveshjen politike dhe ajo realizohet pavarësisht dinamikës, nuk kemi të bëjmë me ndonjë problem.
“Integrimi i VLEN-it në një parti ka filluar më herët, me krijimin e një qendre të përbashkët të komunikimit, me grupin e përbashkët parlamentar, kryesin e përbashkët. Por nuk është lehtë që katër parti me katër strukture të ndryshme dhe me një background të ndryshim nuk është e lehtë të bëhet. Prandaj kësaj pune ju kemi qasur me një dinamikë më të kujdesshëm dhe një plan të detajuar”, tha Murtezani.
Ministri Murtezani tha se VLEN-i është krijuar si antipod i BDI-së dhe ata janë duke e luftuar korrupsionin dhe janë duke e institucionalizuar çështjen shqiptare.

Lajme

Murtezani: Rasti i RMV-së është i vetmi që kemi veto mbi çështjet e identitetit

Published

8 hours ago

April 11, 2025

I N

Ministri për Çështje Evropiane, Orhan Murtezani, në intervistën e tij të fundit në gazetën LAJM, ka deklaruar se procesi i bisedimeve për anëtarësim në BE, që kur ekziston BE-ja, asnjëherë nuk është dizajnuar të rrjedhin bisedimet mbi çështjet historike, të identitetit dhe atë gjuhësor.

“Asnjë vend i BE-së që është anëtar apo kandidat nuk kanë negociuar dhe nuk negociojnë për identitet dhe gjuhë, përveç se rasti i Maqedonisë së Veriut. Kjo nuk është e drejtë dhe ne duhet t’i mirëkuptojmë bashkëqytetarët tanë”, tha Murtezani.

Ai shtoi se ka disa kombinacione të mundshme dhe në një afat të shkurt mund të bëhen publike.
“Ne duhet të bëjmë kthimin e negociatave në rrugën e reformave dhe harmonizimit të ligjeve me BE-në dhe në përmbushjen e kritereve dhe nuk duhet të jenë në çështjet identitetare dhe gjuhësore”, tha Murtezani.

Lajme

Murtezani: Stërzgjatja e procesit të integrimit ka emër – BDI

Published

8 hours ago

April 11, 2025

I N

Ministri për Çështje Evropiane, Orhan Murtezani, në intervistën e tij të fundit në gazetën LAJM, është shprehur se procesi për integrimin e vendit në BE po stërzgjatet. Ai tha se kur në vitin 2005 Maqedonia e fitoi statusin kandidat kam pasur 21 vite, ndërsa tani po mbushi 41 dhe ne ende nuk jemi anëtarë të BE-së.

“Por stërzgjatja e këtij procesi dhe faji për këtë ngecje ka emër dhe është subjekti politik i cili me 24 qershor 2024 e dërguam në opozitë. Në vitin 2013 Maqedonia ka pasur gjasa reale bashkë me Kroacinë për t’u bërë anëtare e BE-së. Por kasta politike asnjëherë nuk e ka pasur prioritet absolut integrimin e vendit në BE. Sikur ta kishte pasur ne nuk do t’i kishim huqur të gjithë rastet historike që i kemi pasur”, tha Murtezani.