Connect with us

Lajme

Taravari: Është e shëndetshme që BDI të shkojë në opozitë, kemi raporte korrekte me LSDM-në dhe VMRO-në

Published

2 years ago

on

Kryetari i Aleancës për Shqiptarët, Arben Taravari, tha se partia ende nuk ka vendosur se si do të shkojë në zgjedhje dhe se të gjitha opsionet janë të mundshme. Sipas tij, zgjedhjet duhet të mbahen në fund të marsit ose në fillim të prillit të vitit të ardhshëm së bashku me zgjedhjet presidenciale.

“Në organet partiake do t’i analizojmë të gjitha rrethanat në mënyrën më të mirë për partinë tonë”, ka thënë Taravari në një intervistë për Sitel.

I pyetur nëse është në lojë pjesëmarrja e përbashkët me koalicionin aktual qeveritar, ai tha se nuk përjashton asgjë. Megjithatë, ai beson se më së miri do të ishte që ASH të shkojë e vetme në zgjedhje.

– Ne bëjmë anketa çdo muaj dhe i marrim ato të LSDM-së dhe VMRO-DPMNE-së. Dhe ne po ecim relativisht mirë. Mendoj se opsioni i parë, sipas meje, por vendimi nuk varet vetëm nga unë, më së miri do të ishte të shkojmë të vetëm, por nuk i përjashtoj të gjitha opsionet e mundshme për kombinime”, ka thënë Taravari.

Aleanca për Shqiptarët, siç thotë ai, ka raporte korrekte me të gjitha partitë politike.

“Nuk e përjashtoj bashkëpunimin me asnjë parti politike, sidomos në bllokun maqedonas. Kemi raporte të mira me LSDM-në dhe VMRO-DPMNE-në, ka thënë Taravari.

Për funksionimin me BDI në koalicionin qeveritar thotë se kjo është një “e keqe e imponuar”.

“Patjetër të funksionojmë dhe tash disi funksionojmë në këtë periudhë deri në zgjedhjet e ardhshme bashkë me BDI-në dhe LSDM-në. Mirëpo, patjetër të them se kur ne theni se BDI-ja ka metastazuar dhe është infiltruar nëpër të gjitha institucionet në Maqedoni dhe është problem serioz për shtetin, atëherë kjo disi u margjinalizua sikur askush nuk na merrte seriozisht. Dhe tani kur dëgjoj emisione debative nëpër të gjitha televizionet, analistë të caktuar po e përsërisin këtë”, ka thënë Taravari.

Related Topics:
Continue Reading

Lajme

8 vite stadiumi i Zhelinës i braktisur/ Emir Sulejmani premton se do ta rikthej për futbollistët (Video)

Published

24 minutes ago

on

26.08.2025

By

Stadiumi i Zhelinës, i cili duhej të menaxhohej nga Komuna, sot paraqet një pamje të frikshme – jo për të zhvilluar ndeshje futbolli, por as për t’u shfrytëzuar nga grupmoshat e klubit të sapo riorganizuar të Zhelinës që këtë sezon garon në Ligën e Katërt informon Tetovasot.

Në një vizitë që zhvilloi në këtë objekt sportiv, kandidati për kryetar të Komunës së Zhelinës nga Aleanca Kombëtare për Integrim (AKI), Emir Sulejmani, u njoh nga afër me gjendjen e rëndë të stadiumit: ulëse të shkatërruara, rrethojë të dëmtuar, hyrje e dalje pa dyer dhe kushte që nuk plotësojnë as standardet minimale.

Sulejmani premtoi se me ardhjen e tij në krye të komunës, ky stadium do të rikonstruktohet dhe do të vihet në funksion, duke u bërë i përdorshëm si për klubin e futbollit, ashtu edhe për sportistët e rinj të fshatit.

“Ky objekt sportiv do të marrë pamjen që meriton dhe do të jetë funksional. Sporti është pasuri e rinisë dhe duhet mbështetur me kushte të denja”, tha Sulejmani./Tetovasot/

VIDEO

Continue Reading

Lajme

Taravari: Mickoski përdoruri me zgjuarsi fragmentimin e koalicionit VLEN për të krijuar avantazh politik

Published

52 minutes ago

on

26.08.2025

By

Gjatë intervistës për Tv Arbëria, lideri i Aleancës për Shqiptarët, Arben Taravari u shpreh se kryeministri maqedonas, Hristijan Mickoski, ka përdorur me zgjuarsi fragmentimin e koalicionit VLEN për të krijuar avantazh politik. Ai tha se qasja e Mickoskit ishte e bazuar në raportet individuale me liderët shqiptarë, duke dobësuar kështu pozicionin e përbashkët.

“Mickoski është super inteligjent dhe e pa se ne ishim si një orkestër e desinkronizuar. Ai e shfrytëzoi atë rast duke komunikuar veçmas me secilin lider dhe duke mbajtur raporte miqësore. Kjo e dobësoi fuqinë e bllokut shqiptar në tërësi.”, deklaroi Taravari.

Continue Reading

Lajme

Edhe një mashtrim me aksident të rremë: një grua nga Manastiri u mashtrua për 1.000 dollarë amerikanë, euro dhe 20.000 denarë

Published

56 minutes ago

on

26.08.2025

By

MPB njofton se me datë 25.08.2025, rreth orës 19:30, në SPB Manastir, një grua 88-vjeçare nga Manastiri ka raportuar se është mashtruar nga një person për shumën prej 1.000 dollarësh amerikanë, një sasi të caktuar eurosh dhe 20.000 denarësh.

Sipas raportimit, personi e ka kontaktuar me telefon dhe i ka thënë se djali i saj me bashkëshorten kishin shkaktuar një aksident trafiku, ku ishin plagosur rëndë dhe kishin përplasur një fëmijë 8-vjeçar, dhe se duhej të paguante që rasti të mos raportohej në polici nga familja e fëmijës.

Gruaja i hodhi paratë nga ballkoni tek një person, ndërsa më vonë e kuptoi se ishte mashtrim. Po merren masa për zbardhjen e plotë të rastit.

Continue Reading

TOP Lajme