Lajme

Taravari: Ahmeti dhe BDI nuk janë të pathyeshëm

Published

2 years ago

October 19, 2023

“Më vjen mirë që atë që kemi thënë për BDI-në për një kohë të gjatë dhe tani po e themi, tashmë e thonë disa parti. Se janë kancer i shoqërisë, se kanë metastaza në të gjitha institucionet, se i gjithë vendi është nën okupimin e njerëzve të BDI-së. ASH është krijuar si antipodi i BDI-së, ne jemi nga ish-PDSH-ja dhe tradicionalisht kemi qenë opozita dhe partia që duhet ta zëvendësojë BDI-në”.

Kryetari i Aleancës për Shqiptarët, Arben Taravari, në një intervistë për numrin e fundit të të përjavshmes “Focus” tregon se ata vendosën të hyjnë në qeveri pasi dështuan disa përpjekje për të formuar një mazhorancë të re, përfshirë edhe operacionin që dështoi për shkak të Kastrio Rexhepit, i cili, thotë Taravari, më parë ka qenë iniciator i mbledhjes së nënshkrimeve. Kur hynë në qeveri, ai pretendon se i kanë ofruar Alternativës të ndajnë tortën dhe madje të bashkohen në një parti. Sipas tij, koha i ka konfirmuar qëndrimet e tyre ndaj BDI-së.

“Më vjen mirë kjo që kemi thënë prej kohësh dhe tani po e themi, tashmë e thonë disa parti dhe kjo më gëzon. Se janë kancer i shoqërisë, se kanë metastaza në të gjitha institucionet, se i gjithë vendi është nën okupimin e njerëzve të BDI-së. ASH është krijuar si antipodi i BDI-së, ne jemi nga ish-PDSH-ja dhe tradicionalisht kemi qenë opozita dhe partia që duhet ta zëvendësojë BDI-në”, thotë Taravari.

Lajme

Vdiq Papa Françeksu

Published

9 hours ago

April 21, 2025

I N

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Lajme

MPB: Ndalohen gjashtë persona, kapen me marihuanë

Published

9 hours ago

April 21, 2025

I N

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

9 hours ago

April 21, 2025

I N

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.