Përmes një postimi në facebook ka reaguar përfaqësuesi i Lëvizjes Vetëvendosje Arbër Zaimi lidhur me ngjarjet politike në Maqedoninë e Veriut.
Nëmes tjerash ai shprehet kështu:

“Partitë etnike maqedone kurrë nuk e kanë mbajtur pushtetin më gjatë se dy mandate. I vetmi përjashtim Gruevski, i cili mandatin e tretë e la në gjysmë prej protestave.

Te shqiptarët, partia BDI ka pesë mandate në pushtet, dhe po kërkon me çdo kusht të gjashtin.

Mjafton të shkosh nga lagjet e fshatrave e qyteteve shqiptare deri te ato të maqedonëve, për të parë se cilës prej dy bashkësive të mëdha etnike po u shërben më mirë dhe ku ka investuar më shumë para qeveria.”

Kryetari i PDSH-së, Menduh Thaçi mbrëmë në “Opinion” tek Blendi Fevziu ka pranuar se ai është që mban kontaktet me VMRO-DPMNE-në si partner të vjetër.

Bashkim Bakiu, shefi i shtabit zgjedhor të kandidatit për president Arben Taravari theksoi se dyshon që në fushatë ka një koordinim mes VMRO-DPMNE-së dhe BDI-së, për shkak të retorikën e krijuar, ndërsa Thaçi iu përgjigj:

“Po, po, unë jam në koordinim sepse kam mbështetjen e plotë të zotit Ali Ahmeti për kontaktet me VMRO-në. Fjalia e fundit e imja është se mos shifni ëndrra që mund të bëni diçka me mua dhe PDSH-në pa BDI-në dhe Ali Ahmetin. Ne jemi partnerë të vjetër, pra PDSH-ja dhe VMRO-DPMNE-ja”, deklaroi Thaçi.

Bakiu më pas theksoi se qëndrimet e opozitës janë të qarta dhe publike në fushatë, që koalicioni do të kushtëzohet me ndryshimet kushtetuese për hapjen e rrugës së anëtarësimit në BE dhe heqjen e 20%.

Menduh Thaçi theksoi se Maqedonia e Veriut për t’i ikur destabilizimit të skajshëm, duhet të bëhet qeveria VMRO-DPMNE dhe Fronti Evropian, por siç u shpre “ne nuk do të sillemi me arrogancë ndaj VLEN-it dhe unë do të jem ai që do të angazhohem që edhe ata të jenë pjesë e koalicionit qeveritar”.

Shif nga minuta 1:18:10

Kryetari i BFI-së së RMV-së, Shaqir Fetai i cili me prejardhje është nga fshati Çegran i Gostivarit, më shpesh takohet me zyrtarë të BDI-së se sa të BFI-së. Këtë gjë më së miri na dëshmon vetë ai, gjegjësisht profili zyrtarë i BFI-së në Facebook, ku ka dhjetëra takime të evidentuara me personalitete të BDI-së duke filluar nga Ali Ahmeti.

Aty gjenden takime të shumta të cilat shoqërohen me dreka apo darka që palët kanë shtruar për njëri-tjetrin, të cilat janë paguar me para të popullit dhe besimtarëve të besimit Islam në RMV.

Duke mos u mjaftuar me kaq, Fetai edhe në disa ceremoni mortore të cilat pa pikë morali i publikon në rrjetet sociale, shihet me zyrtarë të BDI-së. Për këto raste, nuk publilojmë fotograi pasi nuk e shohim të moralshme, ndërsa ato mund të gjenden lehtësisht në Facebook-un e Fetait apo të BFI-së.

Në vazhdim ua sjellim disa fotografi nga takimet e Fetait me zyrtarë të BDI-së vetëm brenda një periudhe kohore prej një viti: