Lajme

Takim i suksesshëm për zhvillimin e Shtëpisë së Shëndetit Likovë

Published

7 months ago

September 27, 2024

Admin01

Sot, në Shtëpinë e Shëndetit në Likovë, u zhvillua një takim me rëndësi të veçantë ndërmjet përfaqësuesve të Ambasadës së Kuvajtit dhe Katarit, dhe drejtuesve të institucionit tonë, me qëllim forcimin e bashkëpunimit dhe diskutimin rreth projekteve strategjike për zhvillimin e infrastrukturës shëndetësore në rajon.

Drejtori i Shtëpisë së Shëndetit Likovë, z. Shkëlqim Musliu, mirëpriti delegacionin e nderuar dhe prezantoi sfidat aktuale me të cilat përballet institucioni, si dhe prioritetet për përmirësimin e kushteve të punës dhe shërbimeve ndaj qytetarëve. Në fokus të bisedimeve ishte avancimi i infrastrukturës së re shëndetësore, me qëllim përmirësimin e kushteve të trajtimit dhe rritjen e kapaciteteve për t’iu përgjigjur nevojave të banorëve të zonës.

Përfaqësuesit e ambasadave të Kuvajtit dhe Katarit shprehën gatishmërinë e tyre për të mbështetur këto përpjekje me projekte konkrete, duke theksuar rëndësinë e investimeve strategjike në sektorin e shëndetësisë si një nga shtyllat kryesore për mirëqenien e komunitetit. Ata gjithashtu nënvizuan rëndësinë e këtij bashkëpunimi për të ofruar ndihmë të qëndrueshme dhe të qendrueshme për rajonin.

Z. Musliu falënderoi përfaqësuesit për mbështetjen e tyre të vazhdueshme dhe theksoi se ky takim përbën një hap të rëndësishëm drejt zhvillimit të Shtëpisë së Shëndetit Likovë, duke përmirësuar ndjeshëm infrastrukturën dhe shërbimet e ofruara. Ai shprehu besimin se këto projekte do të kenë një ndikim të ndjeshëm pozitiv, jo vetëm për institucionin, por edhe për komunitetin e gjerë.

Shtëpia e Shëndetit Likovë mbetet e përkushtuar në përmbushjen e misionit të saj për të ofruar shërbime shëndetësore cilësore dhe do të vazhdojë të kërkojë mundësi për bashkëpunim ndërkombëtar që garanton një të ardhme më të mirë për qytetarët.

Lajme

Vdiq Papa Françeksu

Published

5 hours ago

April 21, 2025

I N

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Lajme

MPB: Ndalohen gjashtë persona, kapen me marihuanë

Published

5 hours ago

April 21, 2025

I N

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

5 hours ago

April 21, 2025

I N

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.