Koalicioni VLEN çështjet kyçe për shqiptarët po arrin t’i bëjë brenda vitit të parë të qeverisjes. Sot ligji për mbrojtjen e fëmijëve për herë ty dytë është sërish para deputetëve. VLEN arriti që nga tani e tutje, t’ua mundësoj kandidatëve shqiptarë për kujdestarë të fëmijëve t’i nënshtrohen provimit në Gjuhën Shqipe dhe licencat t’i kenë edhe në Gjuhën Shqipe. Dhe për këtë në foltoren e Parlamentit, foli deputeti i koalicionit VLEN, Halil Snopçe. Ai tha se BDI nuk mund të duron që ne arritëm ta bëjmë atë që këta nuk arritën ta bëjnë për 22 vite.

“Një gjë që BDI nuk e bëri për 22 vite, tash po bëhet. Pra edhe njëherë them shqiptarët në Maqedoni, provimet edhe me shkrim edhe në formë elektronike, do të mund t’i japin në gjuhën shqipe. Licencat do të mund ti marrin në gjuhën shqipe dhe pikë. Por ju aq zor keni tash, sot hajde zonja Arbana tregona si votove ti versionin e parë të cilën nuk e nënshkruajti presidentja Siljanovska, si votove edhe ti edhe tjerët. Pra, kjo është hipokrizia juaj, e kritikoni tash, kërkoni versionin e parë për të cilën nuk e keni votuar. Injoranca nuk është argument. Pra shqiptarët do të marrin provimin në gjuhën shqipe qoftë me shkrim qoftë në formë elektronike dhe do të marrin licencën në gjuhën shqipe. E kjo që bën BDI, normalisht nuk e bënë për 22 vite dhe tani kanë inati dhe nuk mund të durojnë”

Deputeti i koalicionit VLEN, Rijad Shaqiri në një replikë ndaj deputetit të BDI-së, Talat Xhaferi, tha se historia e shqiptarëve në Maqedoni nuk ka filluar asnjëherë me Ali Ahmetin dhe nuk përfundon me të. Ai mes tjerash tha se përdorimi i gjuhës shqipe ka qenë shumë më e avancuar me kushtetutën e vitit 1974, sesa tani kur BDI krekoset se e ka avancuar të njëjtën.

“Edhe përkundër faktit që nuk e kisha plan të kyçem në këtë debat, por ja që nga kjo foltore në vazhdimësi provohet të promovohet apo të ruhet me çdo kusht të lartësohet emri i z.Ahmeti. Z.Talati unë veç dua të iu kujtojë se historia e shqiptarëve në Maqedoni nuk ka filluar asnjëherë me Ali Ahmetin dhe nuk përfundon me Ali Ahmetin. Historia e shqiptarëve është kamotshme dhe është shumë e hershme në RMV. Kemi patur shumë procese paraprake të cilat z.Ahmeti nuk është bërë as i gjallë. Sa i përket asaj që thatë se duhet të ia lajmë këmbët e ti pihet uji Ahmetit, më duhet të ju kujtojë se në radhët tona kemi dy hoxhallarë të cilët mos dashtë Zoti ta lajnë z.Ahmeti e asnjëherë më nuk kthehet. Kështu që ne si opozitë ua treguam vendin juve si pushtet, dhe është mirë të rrini qetë konform angazhimeve tuaja politike. Sa i përket përdorimit të gjuhës shqipe, duhet të ju kujtojë se me kushtetutën e vitit 1974, gjuha shqipe ka qenë shumë e avancuar në raport me atë që ju krekoseni se keni arritur. Z.Talat dije se ju si kryeministër teknik vendimet e para që i morët, morët për shkarkimin e dy ministrave shqiptarë dhe drejtorëve shqiptarë. Në mbledhjen e parë të këtij kuvendi kur keni marrë pjesë si kryeministër teknik është sjell ligji për branitellat që sot mundoheni të viktimizoheni si Front Europian. Është mirë ti shihni gjërat ashtu si janë, ti trajtoni çështjet ashtu siç janë dhe mos u mundoni të bëni rolin e avokatit të z.Ahmeti sepse atij është duke i trokitur Prokuroria e lartë në derën e tij”, ka theksuar Shaqiri.

Kryetari i ASH-së, Arben Taravari pas pjesëmarrjes në inaugurimin zyrtar të Donald Trump në krye të shtëpisë së bardhë, ai ka marrë pjesë edhe në ballon e inaugurimit.

“Pjesëmarrja në inaugurimin më të rëndësishëm presidencial më dhà disa kënaqësi. Një nga këto ishte të merrja pjesë edhe në Ballon e inaugurimit që vërtet ishte një Nder i Veçantë!”, ka shkruar Taravari