Kryetari i Komunës së Gostivarit, Valbon Limani, priti sot në kabinetin e tij karateistët e rinj të qytetit, të cilët u shpërblyen me mirënjohje për sukseset e arritura në Kampionatin Shtetëror të Karatesë për Pionierë 2025.

“ Kënaqësi të prisja sot në kabinetin tim karateistët e rinj të qytetit, që na bëjnë çdo ditë krenarë.
Me këtë rast, i dekorova me mirënjohje Anue Elezin, Jasin Kamberin, Gresa Sejfulin dhe Ajza Abdullahun – kampionët tanë që nga Kampionati Shtetëror i Karatesë për Pionierë 2025, i sollën medalje Gostivarit” – tha kryetari Limani.

Kryetari Limani gjithashtu ndau një pllaketë mirënjohjeje për karateistin Redon Sejfuli, për kontributin e tij të vazhdueshëm në përfaqësimin e denjë të qytetit në turne të ndryshëm.

“Përgëzime për sukseset e deritanishme, me shpresë që së bashku me çdo sportist të qytetit tonë, të arrini në piedestalin e më të mirëve!” -tha ndër të tjera kryetari Limani, duke shprehur mbështetjen e vazhdueshme për sportin në Gostivar.

Formimi i kryesisë së re të koalicionit VLEN ka ngritur pikëpyetje të shumta mbi barazinë e përfaqësimit mes partnerëve politikë. Në ndarjen e fundit të brendshme, bie në sy dominimi i Alternativës dhe pozicionimi i tretë i Lëvizjes Demokratike (LD), ku deri dje kërkonin ndarje 25% për secilin partner.

Sipas të dhënave të publikuara nga Alsat, ja si u nda kryesia e re e partisë së koalicionit VLEN:
• Alternativa – 9 emra: Zeqirija Ibrahimi, Amir Elezi, Afan Elezi, Arben Labënishti, Orhan Murtezani, Safije Sadiki Shahini, Bashkim Murtezi, Bekim Sali dhe Imerlije Saliu Fetai.
• Lëvizja BESA – 7 emra: Bilall Kasami, Fatmir Limani, Blerim Sejdiu, Melinda Rashidi, Hasim Murtezani, Sedat Sulejmani dhe Fadil Zendeli.
• LD – vetëm 5 emra: Izet Mexhiti, Visar Ganiu, Saranda Imeri, Merita Koxhaxhiku dhe Feride Haxhiu.
• Vetëvendosje – 2 emra: Bekim Qoku dhe Jusuf Sopi.

Pra, nga 23 anëtarë të kryesisë, Alternativa ka 9, duke u bërë fuqia dominuese – shumë përtej 25%-shit që dikur predikohej si standard i drejtësisë politike.

Pra, nga 23 anëtarë të kryesisë së re, Alternativa merr 9 vende – pothuajse 40% e gjithë strukturës, duke lënë në hije partnerët e tjerë. LD-ja, dikur zëdhënëse e “balancës politike”, sot pranon vetëm 5 vende. Ndërkohë, Vetëvendosje futet me 2 emra, për të ruajtur fasadën e gjithëpërfshirjes.

Dikur për 25% kërcënonin me kriza, dilnin e shpallnin parime.
Sot, me largimin e ASH-së, Alternativa jo vetëm që uzurpoi koalicionin, por edhe e nënçmoi publikisht LD-në, duke e trajtuar si figurant në një lojë ku vendimet tashmë i merr njëra palë në heshtje, por me arrogancë.
LD-ja, që dikur kërkonte “barazi politike”, tani është shtyrë në cep, pa forcë, pa ndikim dhe pa zë.
Pa ASH-në për ta mbajtur baraspeshën, loja është kthyer në monolog – dhe rregullat janë fshirë.

“Arbën Xhaferi është modeli im i politikbërjes, por edhe i ASH-së”, ka deklaruar Arben Taravari – lideri i Aleancës për Shqiptarët në intervistën e fundit në Tv Kanal5 me gazetarin Ivan Mirçevski.

“I gjithë investimi im në jetë është mjekësia, përveç 8-9 viteve të fundit që kam qenë në politikë. Z. Arbën Xhaferi, ishte mentori dhe modeli im i politikanit. Kishim më shumë se një marrëdhënie sesa si anëtarë të një partie, por e respektoja si autoritet. Sot, nëse më pyet se kush është modeli i politikës, politikani shqiptar – është absolutisht Arbën Xhaferi. Një autoritet midis të gjithë shqiptarëve, mendoj se ai është modeli ynë edhe në parti”, tha Taravari.