Connect with us

Politika

Snopçe për Ora News: BDI-ja në një vijë me Levicën, kundërshtuan zgjedhjen e kryeparlamentarit shqiptar

Published

on

Deputeti nga radhët e VLEN Halil Snopçe në një prononcim për Ora News ka hedhur kritika ndaj Frontit Evropian të kryesuar nga Bashkimi Demokratik për Integrim për veprimin e bojkotimit të votimit të kryetarit të Kuvendit të Maqedonisë së Veriut Afrim Gashi dhe rreshtimit në një vijë me partinë ekstreme të majtë Levicën.

Snopçe deklaron që për herë të parë në Maqedoni të Veriut kishte debat të ashpër në zgjedhjen e kryetarit të parlamentit që ishte shqiptar, ku partia ekstreme e majtë Levica ofendonte zgjedhjen e një përfaqësuesi shqiptar në krye të Kuvendit të RMV-së deri sa në anën tjetër, BDI në vend se të mbroj interesat kombëtare u largua duke bojkotuar procesin:

“Fronti Evropian i Bashkimit Demokratik për Integrim të Ali Ahmetit për shkaqe të cilat i dinë vetëm ato vendosën që të lëshojnë seancën dhe të mos marrin pjesë në momentin e votimit të kryeparlamentarit të ri të Maqedonisë së Veriut që ishte shqiptar. Pra Afrim Gashi nga koalicioni VLEN me 76 vota Pro u zgjodh kryetar i Kuvendit të Maqedonisë së Veriut. Ishte interesant që për herë të parë në historinë e Kuvendit të Maqedonisë së Veriut kishte një debat të ashpër, nga deputetët e Levicës, e cila është një parti me betonim komunist, trashëgojnë frymën komuniste, frymën ekstreme të majtë dhe janë parti Pro Ruse të deklaruar. Ato me 6 deputetët e tyre të cilët kanë fituar mandat bënë diskutime të ashpra kryesisht antishqiptare.”

Sipas Halil Snopçes, fatkeqësia më e madhe qëndron se BDI-ja u reshtua në një vijë me partinë e ekstremit të majtë Pro Ruse atë të Levicës:

“Fatkeqësia e madhe, që në këtë ditë që dueshte të jetë festive për shqiptarët e Maqedonisë së Veriut, ku kemi një rotacion, që një shqiptar siç ishte dikur Talat Xhaferi zëvendësohet me një shqiptar tjetër Afrim Gashin, ne ishim të detyruar të përballemi me një shovenizëm ekstrem të përfaqësuesve të Levicës dhe BDI-ja nuk merrte pjesë në seancën ku zgjidhej kryeparlamentari shqiptar. BDI-ja fatkeqësisht ndodhi të jetë në një linjë me Levicën.”

Continue Reading

Politika

Sondazhi i fundit i IPSOS: Koalicioni Vlen 7,8%, Fronti 6,9% (Foto)

Published

on

By

Sondazhi i fundit i realizuar nga organizata IPSOS, e ka renditur koalicionin VLEN-in para Frontit Evropian.

Ky sondazh i publikuar në qershor, tregon se koalicioni VLEN ka mbështetje prej 7,8% te qytetarët, ndërsa “Fronti Evropian” 6,9%.

Sondazhi është realizuar në terren dhe nxjerr për herë të parë VLEN-in para Frontit Evropian.

Në foton më poshtë mund t’i shihni të dhënat e sondazhit.

Continue Reading

Politika

Taravari: Maqedonia e Veriut nuk ka alternativë tjetër përveç anëtarësimit në BE

Published

on

By

Kryetari i Aleancës për Shqiptarët, Arben Taravari bashkë me deputetët Halil Snopçe dhe Mimoza Musa realizoi takim me zv. ministren e Punëve të Jashtme të Republikës së Greqisë, Aleksandra Papadopolu dhe me ambasadoren e Republikës së Greqisë, shkëlqesinë e saj, Sofija Filipidu.

Në takim palët u dakorduan për rëndësinë e zbatimit të marrëveshjeve ndërkombëtare që tashmë janë miratuar dhe pavarësisht se në dy vendet ekzistojnë qarqe që nuk pajtohet me ato marrëveshje, zbatimi i tyre duhet të jetë i obligueshëm.

Kryetari Arben Taravari potencoi se Maqedonia e Veriut nuk ka alternativë tjetër përveç anëtarësimit në Bashkimin Evropian, ndërsa Qeveria e re do të japë maksimumin për rrugëtimin evropian të vendit si dhe përforcimin e raporteve me Republikën e Greqisë si partner shumë i rëndësishëm i Maqedonisë së Veriut.

Continue Reading

Politika

A po e përgatit Bujar Osmani terrenin për të ndërruar fanellën?

Published

on

By

Tashmë një periudhë të gjatë nga koalicioni “Vlen” paralajmërojnë se janë në pritje të momentit të duhur që disa deputetë të “Frontit Evropian” t’i bashkohen koalicionit qeverisës. Se diçka po ndodh me kohezionin në koalicionin e BDI-së e konfirmon edhe votimi për riorganizimin e resorëve qeveritarë.

Atëherë Ziadin Sela deklaroi se nuk kishte dashur të votojë për ligjin e propozuar nga VMRO-DPMNE-ja dhe se e ruan autonominë për të gjitha vendimet e ardhshme dhe hapat politikë brenda koalicionit. Me fjalë të tjera, bëri të ditur se nuk duhet të pritet sjellje unanime në “Frontin Evropian” në të ardhmen.

Ndërkohë në koalicionin “Vlen” kanë telashe të ëmbla me ndarjen e institucioneve brenda koalicionit të tyre. Në opinion dalin me turp disa emra për resorë të caktuar, megjithatë, enigma më e madhe mbetet se kush do ta udhëheq Ministrinë e sapoformuar të Çështjeve Evropiane.

Jozyrtarisht, ky pozicion, në kuadër të ndarjes së brendshme, i përket Alternativës. Mirëpo, nga burime të larta partiake kuptojmë se taktizimi për këtë pozicion vjen për shkak të një rrethane që mund të tingëllojë si bombë politike. Kinse, ministri në largim i Punëve të Jashtme, Bujar Osmani, ka treguar gatishmëri për të ndërruar fanellën dhe të kalojë në koalicionin “Vlen” dhe në Qeverinë e re të jetë ministër i Çështjeve Evropiane. Kinse, për këtë plan të tij tashmë ka lobuar tek njerëzit me ndikim nga rrethi i ngushtë i Albin Kurtit në Kosovë dhe ka tentuar të miratojë që kabineti i kryeministrit shqiptar Edi Rama të ketë qëndrim pozitiv ndaj kësaj ideje. Ka pritur që në margjinat e takimeve zyrtare të presidentëve të Shqipërisë dhe Kosovës, Bajram Begaj dhe Vjosa Osmani me Kryetarin e Kuvendit, Afrim Gashi, ta shtrojë pyetjen.

Të jepen garanci se Bujar Osmani nuk ofrohet si ministër me urdhër të Ali Ahmetit për të krijuar perceptimin se edhe BDI-ja është në koalicionin qeveritar, por sinqerisht dëshiron me përvojën e tij t’i ndihmojë koalicionit “Vlen” në angazhimet e tyre programore për të afruar Maqedoninë e Veriut drejt BE-së. Sido që të jetë, disa ditët në vijim paralajmërojnë zhvillime interesante./infoshqip.com/

Continue Reading

TOP Lajme