Sekretari i Përgjithshëm i Lëvizjes BESA, Adnan Azizi, ka shprehur krenarinë e tij për qëndrueshmërinë dhe parimet politike të subjektit që përfaqëson, duke theksuar se BESA ka qenë gjithmonë një alternativë serioze dhe pa kompromise në skenën politike shqiptare në Maqedoninë e Veriut.

“Ndjehem tepër krenar me Lëvizjen BESA, sepse gjithmonë ka qenë konsekuente, serioze edhe e pakompromis në qëllimet e saj politike. Lëvizja BESA, BDI-në gjithmonë e ka trajtuar si kundërshtare të veten, gjithmonë duke u nisur nga fakti se politika e saj 22 vjeçare është fajtori kryesor për gjendjen e mjerrueshme të shqiptarëve në vendin tonë, shkroi Azizi./ Zyrtare.net

Me rastin e Ditës Botërore të Shëndetit, ministri i Shëndetësisë Arben Taravari ka ndarë një mesazh domethënës në rrjetet sociale, duke kujtuar rëndësinë jetike të shëndetit në çdo aspekt të jetës.

Duke u ndalur tek një thënie të lashtë nga mjeku Herofil, i njohur si babai i anatomisë, Taravari thekson:
“Kur mungon shëndeti, mençuria nuk duket, as arti nuk shfaqet, forca nuk mund të luftojë, pasuria bëhet e pavlefshme, zgjuarsia nuk përdoret dot…”

“Si neurolog, kam pasur rastin të njihem me veprën e tij, por këto fjalë më kanë lënë përshtypje të veçantë,” shkruan Taravari, duke shtuar thirrjen e tij për qytetarët: “Ruani shëndetin tuaj!”

Dita Botërore e Shëndetit shënohet çdo vit më 7 prill, dhe ka për qëllim të promovojë rëndësinë e kujdesit shëndetësor dhe përmirësimit të sistemeve shëndetësore në mbarë botën.

Ministri i Shëndetësisë, Arben Taravari, sot në një press konferencë para mediave në Qeveri ka informuar se gjatë javës së kaluar kanë pasur prmovimin e marrëveshjes me sindikatat e mjekëve, ku klithe rritje të pagave të mjekëve por edhe personalit të mesëm mjekësor.

Por siç shtoi Taravari, sot për herë të parë në vendin tonë kemi rritje të kapitacionit për mjekët amë prej 75 në 100 denarë.

“Kjo është rritje prej 25 për qind që nuk ka ndodhur asnjëherë. Kjo nuk është vetëm për mjekët e përgjithshëm, por është edhe për mjekët amë gjinekolog dhe stomatologët. Jemi të vetëdijshëm që një kujdes primar cilësor, është themel i një sistemi shëndetësor stabil, efikas dhe human. Prandaj, investimi dhe kujdesi primar nuk është vetëm një masë financiare, por edhe një mesazh që ne e çmojmë dhe e besojmë në përkushtimin dhe dijen e punonjësve shëndetësor”, tha Taravari.

Ministri Taravari, shtoi se ky është vetëm fillimi i një politike që do të vazhdoj me masa sistemore, me qëllim të përmirësimit të shërbimeve shëndetësore dhe rritjes së vlerësimit të pacienteve por edhe të punonjësve shëndetësor.