Lajme

Shporta e vjeshtës, Durmishi: Nuk do të ketë rritje të çmimeve

Published

12 months ago

19.09.2024

Admin01

Ai gjithashtu shtoi se nga punimet e grupit punues është marrë vendim, që mos të shkohet me ngrirje të çmimeve të produkteve, por të kufizohet marzha e fitimit deri në 10% për 100 produkte.

“Përgjatë javës, grupi i punës arriti në konkluzion dhe i bëri të gjitha përllogaritjet e duhura, ku propozimi i tyre dhe i Ministrisë së Ekonomisë dhe Punës është dorëzuar në Qeveri dhe pritet i njëjti të miratohet. Propozimi është që të shkohet me marzhë të bruto fitimit prej 10% të artikujve ushqimorë bazik, produkteve bujqësore dhe në këtë formë të dëmtohen edhe tregtarët.”, – deklaroi ministri i Ekonomisë, Besar Durmishi.

Rikthimin e masës për kufizimin e çmimeve fillimisht e kundërshtuan odat ekonomike në vend, por pas dëgjimit të kërkesave të tyre, të njëjtat janë përfshirë në masën që do të ndërmerren, shton ministri i Ekonomisë, Durmishi.

“Ka pasur kritika nga dhomat ekonomike, pasi që nuk ishin të informuar mirë se në çfarë forme do të realizohet kjo masë. I informova, që kjo do të jetë masë që do të zgjasë për një periudhë të caktuar mund të jetë një muaj, 15 ditë, 45 ditë, në varësi se si do ta shohim të arsyeshme. Dhanë vërejtjet dhe propozimet e tyre, të cilat i inkuadruam në këtë shportë konsumatore dhe më në fund dolëm me një propozim, të cilën e dërguam deri në Qeveri.”, – theksoi ministri i Ekonomisë, Besar Durmishi.

Ndryshe vetëm për muajin e kaluar, shporta konsumatore në vend u rrit për 629 denarë dhe e njëjta ka arritur në 61.199 denarë.

Sipas të dhënave të lidhjes së sindikatave, qytetarët më shumë para apo rreth 22.317 denarë nga shporta konsumatore harxhojnë vetëm për blerjen e produkteve ushqimore bazë.

Lajme

Furkan Saliu pyet: Në çfarë cilësie ishte Afrim Gashi në vizitë në Beograd? (Video)

Published

9 hours ago

17.09.2025

Admin01

Kush është me “Botën Serbe”? AKI akuzon VLEN-in, VLEN-i akuzon AKI-në, zbulohet dokument për vizitën e Afrim Gashit në Beograd.

Përplasjet politike në Maqedoninë e Veriut kanë marrë një drejtim të ri pas akuzave të ndërsjella mes koalicionit VLEN dhe AKI, lidhur me ndikimin e ashtuquajtur “Bota serbe” në vend.

Gazetari Furkan Saliu ka publikuar një dokument që, sipas tij, dëshmon se Afrim Gashi, një nga figurat kryesore të VLEN-it dhe tani kryetar parlamenti, ka qenë për vizitë në Beograd vitin e kaluar. Në postimin e tij, Saliu kërkon publikisht nga VLEN që të sqarojë në çfarë cilësie ka qenë Gashi në Beograd dhe cili ka qenë qëllimi i vizitës.

Nga ana tjetër, tensionet politike thellohen edhe më tej pasi edhe Parlamenti Evropian ka ngritur shqetësime për ndikimin e “Botës serbe” në Maqedoninë e Veriut, duke theksuar se ky ndikim po zgjerohet në mënyrë alarmante, përcjell TS.

Ndërkohë, vëmendje ka marrë edhe një zhvillim tjetër: me miratimin e Bujare Abazit, është lejuar hyrja e një banke serbe në tregun financiar të Maqedonisë së Veriut, gjë që ka nxitur kritika dhe debate të ashpra në opinionin publik dhe skenën politike./TS/

https://www.facebook.com/share/v/16DbyLwhzU/

Lajme

Valbon Limani kujdeset për një Gostivar më të pastër – NP Komunalec me kamion të ri për mbledhjen e mbeturinave

Published

12 hours ago

17.09.2025

Admin01

N.P “Komunalec” ka shtuar edhe një kamion të ri në parkun e saj të automjeteve për mbledhjen e mbeturinave, duke forcuar kapacitetet operacionale dhe përmirësuar ndjeshëm shërbimet për qytetarët e Gostivarit.

Ky automjet modern garanton grumbullim më të shpejtë, më të sigurt dhe më efikas të mbeturinave, duke kontribuar drejtpërdrejt në pastërtinë e qytetit dhe mbrojtjen e mjedisit. Me këtë investim, ndërmarrja publike vazhdon misionin e saj për ofrimin e shërbimeve cilësore dhe moderne për komunitetin.

Ky është kamioni i dytë i siguruar brenda një periudhe të shkurtër kohe, duke dëshmuar përkushtimin e vazhdueshëm të Komunës së Gostivarit dhe kryetarit Valbon Limani për përmirësimin e infrastrukturës komunale dhe ngritjen e cilësisë së jetës për qytetarët.

Kryetari Limani kishte paralajmëruar më herët pasurimin e parkut të automjeteve të NP Komunalec – një zotim që tashmë po realizohet në praktikë.

Lajme

Dallavereve në përzgjedhjen e kandidatëve për polic në Maqedoninë e Veriut, padi ndaj dy zyrtarëve

Published

12 hours ago

17.09.2025

Admin01

Policia e Maqedonisë së Veriut ka ngritur kallëzim penal ndaj dy zyrtarëve shtetëror për shkak dyshimeve për keqpërdorimin e detyrës dhe autorizimit zyrtar, transmeton Portalb.mk.

“I denoncuari A.Xh., në kohën e kryerjes së veprës në vendin e punës këshilltar shtetëror për çështje ligjore në Kabinetin e zëvendësministrit në MPB, në cilësinë e anëtarit të Komisionit për zbatimin e procesit të përzgjedhjes dhe zgjedhjes së kandidatit për polic në Ministrinë e Punëve të Brendshme, me datë 15.07.2022, gjatë përzgjedhjes së kandidatëve të paraqitur, është nënshkruar në pasqyrën tabelare me dorën e vet – rubrika “plotëson kriteret” të një kandidati për polic, megjithëse sipas të dhënave të cilat ishin vënë, kandidati nuk i ka plotësuar kushtet”, sqaroi Polici.

Përveç këshilltarit shtetëror A.Xh., e dyshuar është edhe këshilltarja tjetër shtetërore V.Sh., e punësuar në kabinetin e ministrit. Ajo akuzohet se nuk ke penguar veprën penale që e ka kryer A.Xh.