Connect with us

Lajme

Shefi i kabinetit të Taravarit, Arben Fetai i kujton statutin Seles: Vendimin final dhe përgjegjësine e mban Kryetari dhe askush tjetër

Published

on

Vendimin final dhe përgjegjësine e mban Kryetari dhe askush tjetër.

Statuti i Aleancës për Shqiptarët, neni 61, thotë “Kuvendi i Partisë takohet më së paku një herë në 6 muaj.” Mbledhja e fundit e Kuvendit ka qenë më 21 janar 2022, në Kumanovë. Pra, për më tepër se 12 muaj, në vazhdimësi është shtyrë thirrja e Kuvendit të Partisë.

Në anën tjetër, Kuvendi e ka vetëm një kompetencë sa u përket zgjedhjeve dhe ajo përcaktohet në nenin 67, pika 9, ku shkruhet se Kuvendi miraton listat e kandidatëve për deputetë.

Përveç dispozitave statutore, nuk ka as precedent në historinë e Aleancës për Shqiptarët ku Kuvendi i Partisë ka nxjerr vendim për koalicionime apo madje as për futje në qeveri. Në vitin 2017, në mbledhjen e Kuvendit mbajtur në Shkup, ishte miratuar lista e kandidatëve për kryetarë të komunave. Por, në rrethin e dytë të zgjedhjeve Aleanca për Shqiptarët bëri koalicion me Lëvizjen Besa për të mbështetur kandidatët e ndërsjellë. Ky vendim nuk ishte marrë në Kuvend. Po të njëjtin vit, në mbledhjen e Kuvendit mbajtur në Gostivar, vetëm është diskutuar ideja për daljen e Aleancës për Shqiptarët nga qeveria, ndërsa nuk kishte sjellë vendim. Vendimi ishte marrë nga vet Kryetari i Partisë. Në vitin 2020, vendimi për koalicionin me Alternativën, gjithashtu nuk ishte sjellë në Kuvend. Edhe në mbledhjen e Kuvendit mbajtur më 21 janar 2022 në Kumanovë, vetëm është diskutuar (arsyetuar), pjesëmarrja e ASH-së në qeveri, por Kuvendi nuk morri vendim për këtë veprim.

Rrjedhimisht, vendimi për koalicionime i takon Kryetarit të partisë si lider i partisë i zgjedhur drejtpërdrejtë nga Kongresi, në konsultim me organet tjera të partisë, gjë që Arben Taravari tanimë e ka bërë.

Continue Reading

Lajme

ASH: Oktopodi i Botës Serbe po mbyt Maqedoninë, VLEN në shërbim të tij

Published

on

By

Aleanca për Shqiptarët shpreh shqetësimin e thellë për ndërhyrjet e vazhdueshme të të ashtuquajturës “Bota Serbe” në Maqedoninë e Veriut. Ky koncept politik, i ndërtuar mbi modelin e “Botës Ruse”, nuk është vetëm një lojë simbolike, por një projekt i mirëfilltë që synon të minojë kufijtë ekzistues, të dobësojë shtetësinë dhe të pengojë të ardhmen europiane të vendit tonë dhe të gjithë rajonit.

Në vend që të mësojë nga paralajmërimet e qarta të Raportit të Parlamentit Europian, Shkupi zyrtar ka lejuar që kjo agjendë të marrë hov. Nënshkrimi i memorandumit mes Fondit Pensional të Maqedonisë së Veriut dhe atij të Republikës Srpska, i cili përfaqëson një entitet që sfidon hapur sovranitetin e Bosnjës e Hercegovinës, është një shembull i qartë se si institucionet tona po futen në rrjete që rrezikojnë stabilitetin rajonal. Po ashtu, kontratat strategjike të MEPSO-s me kompani serbe për projekte kyçe të rrjetit energjetik ngrejnë dyshime serioze mbi varësinë energjetike dhe komprometimin e sigurisë sonë kombëtare.

Kjo strategji shtrihet edhe më tej: përmes rrjetit hotelier, sistemit bankar, telekomunikimeve dhe televizioneve serbe, ndërhyrja bëhet e gjithanshme dhe e qëndrueshme, duke krijuar varësi strukturore që shkojnë përtej marrëdhënieve normale ekonomike. Ndërkohë, përfshirja e zyrtarëve serbë në aktivitete politike dhe kulturore në vend, si rasti i fundit me pjesëmarrjen e Millorad Dodikut në Shkup me ftesë të zëvendëskryeministrit Ivan Stoilkoviq, tregon qartë se ky projekt nuk është më i fshehur: është i hapur, i drejtpërdrejtë dhe antievropian.

Alarmante është edhe paraqitja e grupeve paramilitare me bereta të kuqe në qytete të Maqedonisë së Veriut, që përbëjnë sinjal të rrezikshëm për rendin dhe sigurinë e qytetarëve. Serbia po shfaqet qartë si shtet-proksi i Rusisë në rajon, duke përdorur instrumente të buta dhe të forta për të ndikuar mbi vendimmarrjen tonë strategjike.

E gjithë kjo ndodh nën një qeveri që jo vetëm nuk e mbron vendin nga ky ndikim, por shpeshherë e legjitimon dhe e përforcon atë. VMRO-DPMNE, me partnerët e saj të koalicionit VLEN dhe ZNAM, në vend që të mbrojnë interesin kombëtar, paraqiten si protagonistë të këtyre zhvillimeve, duke i hapur derën një agjende të rrezikshme për stabilitetin dhe perspektivën euroatlantike të Maqedonisë së Veriut.

Aleanca për Shqiptarët thekson se orientimi europian dhe euroatlantik i vendit është i panegociueshëm. Sovraniteti nuk ka çmim dhe nuk mund të shitet në tavolinë për interesa të ngushta politike apo për marrëdhënie të dyshimta me qendra të jashtme. Maqedonia e Veriut duhet të qëndrojë larg agjendave të “Botës Serbe” dhe “Botës Ruse”, sepse vetëm kështu mund të sigurohet stabiliteti dhe e ardhmja e gjeneratave të ardhshme.

Aleanca për Shqiptarët

Continue Reading

Lajme

Qyteti i Gostivarit me internet falas në hapësirat publike

Published

on

By

Gostivari është një nga komunat e përzgjedhura në thirrjen e WiFi4WB (Wi0Fi për Ballkanin Perëndimor), një nismë që do të sjell internet falas dhe me shpejtësi të lartë në hapësira publike.

Qytetarët e Gostivarit do të kenë mundësi të lidhen më lehtë, më shpejt dhe pa kosoto, duke përfituar nga kjo risi që forcon lidhjen tonë me botën digjitale.

Kjo nismë zbatohet përmes programit EU4Digital Action, i cili mbështetet nga Bashkimi Evropian dhe Ministria Federale e Gjermanisë për Bashkëpunim Ekonomik dhe Zhvillim (BMZ), dhe implementohet nga Agjencia Gjermane për Bashkëpunim Ndërkombëtar (GIZ), thonë nga komuna e Gostivarit.

Continue Reading

Lajme

Uzairi: Mickoski kërkon “shqiptarë sipas qejfit”, por kjo nuk ndodh

Published

on

By

Deklarata e kryeministrit Hristijan Mickoski se “këto zgjedhje do të jenë për ta zhdukur BDI-në nga skena politike”, e bërë gjatë një tubimi në Jugunovcë dhe më pas në një debat televiziv, ka shkaktuar reagime të forta në skenën politike shqiptare.

Sekretari organizativ i Aleancës për Shqiptarët, Gadaf Uzairi, ka reaguar përmes një postimi publik, duke e cilësuar këtë qasje si përpjekje për të kontrolluar politikisht shqiptarët dhe duke theksuar se një gjë e tillë nuk do të ndodhë.
Reagimi i plotë i Uzairit:

“Mickoski si duket e do skenën politike sipas qejfit të vet, veçanërisht tek shqiptarët. Ai kërkon “shqiptarë të mirë” sipas standardeve të tij.
Gabim! Kjo nuk ndodh, kurrë s’ka ndodhur dhe as nuk do të ndodhë. Shqiptarët nuk i nënshtrohen lojërave të askujt,veçanërisht kur dikush mundohet t’i nënshtrojë.
Këto janë politika të së kaluarës dhe të dështuara.
Ne qëndrojmë me dinjitet dhe krenari përballë këtij nënshtrimi politik që mundohet të instaloj te shqiptarët!

Me dinjitet dhe krenari 🇦🇱🇦🇱”, ka përfunduar Uzairi./SmartNews/

Continue Reading

TOP Lajme