Lajme

Sadiki: Sporti është më shumë se aktivitet fizik, respekt, bashkëpunim dhe bashkëjetesë!

Published

5 months ago

06.04.2025

admin

Zëvëndësministrja e Sportit, Safije Sadiki Shahini, sot në Ditën Ndërkombëtare të Sportit ka qëndruar në Kumanovë për të ndjekur prej afër trajinimin e vajzave në futboll në klubin Bashkimi. Ajo nga atje përçoi mesazhe të rëndësishme për sportin dhe përkrahjen institutcionale që do të ofrojë nga pozita e zëvëndësministres në Sport.
“Sot në ditën ndërkombëtare të Sportit vendosa që të dalë në terren që të shoh prej së afërmi aktivitetet sportive të Klubit të futbollit të vajzave Bashkimi. Për mua është një kënaqësi e madhe që të jemi në mesin e futbollisteve kaq të talentuara, me të cilat sigurisht i tërë qyteti i Kumanovës krenohet. Në ditën e 6 prillit Dita e Sportit për zhvillim dhe paqe unë do doja të jap një mesazh shumë të rëndësishëm për të gjithë të rinjtë, familjet tona, prindërit, të cilët besojnë në fuqinë e sportit dhe në të mirat që vijnë nga sporti. Pasi, sporti nuk është vetëm një aktivitet fizik apo një fitore në një garë, është një mësim që na mëson respektin, bashkëpunimin dhe jetesën e përbashkët”, tha zëvëndësministrja Sadiki.

Lajme

Osmani: Qeveria duhet të sqarohet për votimin në OKB

Published

39 minutes ago

14.09.2025

Admin01

Kandidati për kryetar të komunës së Çairit, Bujar Osmani, tha se pas çdo suksesi të vendit tonë qëndrojnë Shtetet e Bashkuara të Amerikës.

„Pas çdo suksesi të shtetit tonë, por edhe të vendeve në rajon, qëndron vula e Shteteve të Bashkuara të Amerikës. Dhe jam krenar që si ministër i parë në rajon e kam nënshkruar dialogun strategjik me Uashingtonin. Ai nuk ishte vetëm një dokument, por një proces që i nxiti edhe shtetet tjera në rajon ta ndjekin të njëjtin koncept“, deklaroi Osmani.

Osmani tha se pezullimi i dialogut strategjik është një test serioz për elitën politike në Kosovë, por edhe një sinjal i fuqishëm për tërë rajonin.

“Nuk ka alternativë për partneritetin me Shtetet e Bashkuara të Amerikës. Ne e kemi vendosur politikën e dy shteteve si qëndrim zyrtar të Qeverisë dhe Ministrisë së Punëve të Jashtme. Ky ishte qëndrim që përputhej me Bashkimin Evropian. Tani shohim dalje kundër BE-së dhe kundër politikës sonë zyrtare. Qeveria duhet të përgjigjet pse është ndryshuar kursi pas disa vitesh, kur ishte qartë e përcaktuar se ky është interes evropian dhe shtetëror. Qeveria, e veçanërisht partia shqiptare në të, duhet të sqarojë se kur dhe ku është marrë ky vendim. Kush e ka thirrur seancën dhe kush e ka mbështetur këtë kthesë, me të cilën votohet kundër politikës së dy shteteve në Lindjen e Mesme. Populli meriton përgjigje”, tha Osmani.

Osmani shtoi se Maqedonia e Veriut nuk guxon të lejojë devijim nga orientimi evropian dhe nga partneriteti strategjik me Shtetet e Bashkuara të Amerikës.

Lajme

Çairi me 22 KAZINO – A po shndërrohet në “Las Vegasin” e Shkupit? (Video)

Published

2 hours ago

14.09.2025

Admin01

Premtimet për mbylljen e KAZINOV-e në Maqedoninë e Veriut kanë rezultuar vetëm fjalë boshe. Në vend që të mbyllen ashtu siç premtuan ata janë shtuar edhe me shumë.
Zv.kryeministri dhe kandidati për Çairin nga VLEN-i, Izet Mexhiti gjatë fushatës së tij para një viti ka thënë se do të mbyllë kazinot, jo që janë mbyllur por ata janë shtuar.

Portali TS ka numëruar vetëm në teritorin e Çairit që përbëhet prej 3 km ka 22 KAZINO.

Qytetarët e Çairit për TS thonë se kjo është e tmerrshme dhe rinisë në vend të fushave të sportit ju ofrohen KAZINO dhe kjo është e pafalshme për këdo që i lejon këta.

Nga ana tjetër as me vendim të qeverisë e as vet Mexhiti nuk do ti mbyll KAZINOT, por ajo mbeti si një mashtrim për të fituar vota para një viti.

Lajme

Luan Veliu: Koka dhe krahet që sigurojnë fitore që në raundin e parë!

Published

2 hours ago

14.09.2025

Admin01

Talat Xhaferi, Nexhadi Jakupi dhe Isak Lazami, Shef i shabit politik, bashke me Shefat e Shtabeve lokale, Gostivarit i ofruan zgjidhje ma të mirë, për të pasur zgjedhje të sigurt, pa raundin e dytë!

Valbon Limani dhe Valdet Xhaferri, festa e Gostivarit!
19 tetor, ora 20.00, vallja e fitores!

Emrat e përzgjedhur që vetëm fitohet!
Pra, rradha nuk është e inteligjencës artificiale, por e asaj reale…
Rinia!

1. Valdet Xhaferi
2. Sadri Saliu
3. Qamile Xhelili
4. Demirali Shaini
5. Gzim Amzai
6. Xharije Alili
7. Sebaedin Sallai
8. Namik Durmishi
9. Arza Bajrami
10. Arbena Selmani
11. Shpresim Tairi
12.Fitore Ismani
13.Besnik Murati
14.Xhunet Beluli
15.Allma Abduli Selimi
16. Nexhibe Selimi
17. Arsim Disha
18. Rilinda Hamza
19. Nermine Saliu
20. Almira Sejfuli
21. Bujar Ajdari
22. Albion Iseini
23. Enisa Ramadani