Kryetari i Aleancës për Shqiptarët, Arben Taravari, ishte mysafir në ClickPlus në TV21, i cili deklaroi se propozimi i tij ka qenë që në disa komuna ku të gjithë partitë brenda VLEN-it pretendojnë se qëndrojnë më mirë, të propozojmë të gjithë kandidatët tanë në një anketë dhe ai që qëndron më mirë ai të jetë kandidat i VLEN-it për kryetar Komuna.

“Kjo do të kishte qenë metoda më e mirë për të nxjerr VLEN-in sa më mirë në zgjedhjet lokale. Nëse partitë e VLEN-it, e vendosin të bashkohen mund ta shqyrtojmë mundësinë të bashkëpunojmë për kryetarët e komunave, ndërsa për lista të Këshilltarëve t’i kemi të ndarë”, tha Taravari.

Kryetari i ASH-së, pjesë e koalicionit VLEN, Arben Taravari në Click Plus në TV21 komentoi edhe deklaratën e përfaqësuesit të VV-së në Maqedoninë e Veriut, Bekim Qoku, ku ky i fundit nëpërmjet rrjeteve sociale tha se Vetëvendosja në zgjedhjet lokale nuk do të mbështesë asnjë subjekt politikë që do të garojë jashtë koalicionit VLEN, transmeton TV21. Taravari tha se mundohet të gjejë gjuhë të përbashkët brenda VLEN-it, por siç shtoi, do të dëgjojë edhe aktivin politik.

Arben Taravari: “Bekimin unë e kam shok, ai ka thënë kështu sepse Vetëvendosja e ka qëndrimin e vetë, ai është përfaqësues i Vetëvendosjes në Maqedoni. Ai është përfaqësuesi zyrtarë i Vetëvendosjes, kur flet ai sikur me fol kryeministri Kurti. E respektoj shumë. Unë mundohem të gjejë gjuhë të përbashkët brenda VLEN-it, por natyrisht pak duhet ta shoh edhe partinë time.

Kryetari i Aleancës për Shqiptarët – VLEN, Arben Taravari në Click Plus ka folur për rëndësinë e koalicionit VLEN, transmeton TV21.

Tha se themelimi i tij dhe bashkimi i pesë organizatave politike në një koalicion, paraqet moment historik për shqiptarët në Maqedoninë e Veriut.

“

VLEN ishte mrekullia që u krijua para këtij viti. Ishte kombinimi që s’është krijuar asnjëherë që të gjitha partitë opozitare të bëhen bashkë dhe ta sjellim ndryshimin te shqiptarët në #Maqedoni. Katër subjekte plus VV, do të thotë pesë organizime politike që arritën të marrin 107 mijë vota”, tha Taravari.

Pasi arritën të marrin 14 deputetë, VLEN tha Taravari u bë pjesë e Qeverisë dhe me “arritën plot projekte infrastrukturore te shqiptarët”.

Shtoi se edhe sikur BDI të ishte në pushtet, do të ishte më keq.

“Këto 9 muaj arritëm plot projekte infrastrukturore te shqiptarët të cilat parashohin kanalizime, ujësjellës… Arritëm t’i rrisim rrogat, ta zgjerojmë listën pozitive të ilaçeve, projekti i Universitetit të Tetovës, zgjerimi i sheshit “Skënderbe”. Por, për 9 muaj nuk mund të presim të bëhet spektakël. Hipotetikisht, edhe sikur VLEN të mos ishte në Qeveri dhe të ishte BDI, jam i sigurt se do të ishte më keq, por më mirë nuk do të ishte”, tha Taravari në ClickPlus./TV21