Connect with us

Lajme

Reagon ish i burgosuri politik Agim Behluli i dënuar me 7 vite burg pa pikë faji ndaj Ixhet Memetit: O ju fajtorë të korruptuar shkoni fleni pak në burg!

Published

on

Agim Behluli, ish I burgosur politik, i ka reaguar ndaj të dyshuarit tëdytë në aferën e pranimit të ryshfetit në shumë prej 10 mijë eurove, si dhe ish-avokat i popullit Ixhet Memeti përmes një shkrimi në rrjetet sociale, kërkon që Ixhet Memeti i korruptuar të shkon në burg.

Postimi i plotë:

“KUR FAJTORI DON TË MBETET I PAFAJSHËM

O ju fajtorë ( të korruptuar) shkoni fleni pak në burg! Po pëlcas nga inati, se unë fjeta për asgjë…!

O Ixhet Mehmeti, rrafsh para 20 viteve vrapoja pas teje me kapelë mbi kokë duke u fshehur se do të më kapnin policia! Doja të të rrëfehesha o ish ministër i drejtësisë, se jam në hall dhe më ndihmoni të shpëtoj nga një padrejtësi që po më kanoset…! Ti më ke njohur fort mirë mua, se ishim aktivistë në PPD…! Nuk e di pse kishe frikë të takohesh me mua? Pse kishe frikë nga një njeri i pastër si loti? Unë e di se ti e ke ditur se nuk kam pasur lidhje me një vepër terroriste, siç më patën akuzuar qentë e atij institucioni që ti po e drejtoje?

Erdha edhe në Tetova komplet me fëmijë e grua, po me atë kapelë që pak po ma ndryshonte fizionominë për mos t’ iu rënë në duar policëve që po më llogarisnin se jam në arrati. Kësaj radhe doja të ta provokoj ndërgjegjen , se ndoshta po ta kesh të pastër do të pranoje të më takoje. As drejtësia, as ndërgjegja tek ti o Ixhet Mehmeti atëherë nuk të funksiononin. S’ munda të gjej njeri që do të më takonte me ty o njeri i Zotit, se ti s ke mundur të jesh më i veçantë se unë, se para Perëndisë jemi shumë të barabartë. A e din se, sa i lavdëruar do të ishe nga i gjithë opinoini shqiptar, por edhe nga Zoti që po prisnin shpalljen e pafajsisë sime, po të kishe vepruar vetëm drejt pa më ndihmuar fare, sepse unë drejtësinë po e kërkoja.

O Ixhet Mehmeti, një angazhim i yti pa u lodhur fare, ndoshta do të më mundësonte që mos të bëhesha “banor” i atij burgu famoz të Idrizovës. Ndoshta një angazhim i yti do të më mundësonte që dy prindërit që më vdiqën, sëpaku në varrimin e tyre për së fundi herë të takohesha. Me mosangazhimin tënd edhe gjatë mbajtjes së burgut, nuk mu dha kurrë asnjë prioritet për asgjë. Të gjithë po më shikonin si njeri jo normal, si vrasës e si idiot! Mos angazhimi yt më la të mbaroj burgun dhe të mbetem terrorist nëpër arkivat e gjykatave të korruptuara. Ti asnjëherë bile nuk tentove të provosh të kërkohet një drejtësi për një njeri të pafajshëm!

Por, Zoti është i madh! Po lexoj se të paskan kapur me pelë për dore! Ama unë e di se ti do të bësh ç mos që të shpëtosh! Se ti i din birat dhe i njeh mirë kolegët e tu të korruptuar. Vetëm një duhesh ta dish! Se ndoshta kësaj radhe edhe Zoti do të përcjellë dhe Ai nuk do të jetë i pajtuar të marrësh një dënim të pamerituar!
Nëse shkon, shihi pak dhomat e Idrizovës dhe përjetoe të keqën që ia berë vetes.
Veç ti do ta kesh më lehtë ( nëse shkon) n’ krahasim me mua, se ke boll faj, kurse unë isha krejt dikush tjetër, për ate e kisha më vështirë!

Sa vepër e lehtë…! Ixhet Mehmeti i korruptuar! Çfarë fati! ( Shumë larg terrorizmit)”, ka përfunduar Beluli.

Continue Reading

Lajme

MMPT: Komuna e Tetovës të ndalojë urgjentisht punimet për restaurimin e gjimnazit ku deformohen fasadat

Published

on

By

Pas shqetësimeve të ngritura nga aktivistët e kulturës për mënyrën e restaurimit të objekteve kulturore në Tetovë, nisma Më Mirë për Tetovën kërkon nga Komuna e Tetovës të ndalojë urgjentisht punimet për restaurimin e objekteve të vjetra të gjimnazit të qytetit, shkruan Portalb.mk.

Nga Më Mirë për Tetovën, thonë se deformimi i fasadave të dy objekteve të vjetra historike te ish shkolla e mesme medicinale e është akt i shëmtuar dhe tendencioz për të shlyer gjurmët nga e kaluara e qytetit tonë.

“Me këtë është shkelur ligji dhe kërkojmë që çdo lloj punimi të bëhet nga ekspertët profesionistë të restaurimit dhe mbrojtjes së trashëgimisë kulturore. Skena të tilla na kujtojnë vitin 2018 ku u tjetërsua Ndërtesa e arkivit të qytetit, objekt me histori mbi 100 vjeçare. Kërkojmë nga kryetari aktual i Komunës së Tetovës që të ndalojë urgjentisht punimet për të parandaluar dilentantizmin dhe papërgjegjësinë”, thanë nga Më Mirë për Tetovën.

Komuna e Tetovës nuk është përgjigjur në pyetjet gazetareske për këtë çështje.

Nga Ministria e Kulturës për Portalb.mk thanë se çdo ndërhyrje mbi një objekt që paraqet trashëgimi kulturore duhet të bëhet duke respektuar plotësisht autenticitetin, vlerën historike dhe rëndësinë kulturore të tij.

“Ndërhyrje siç janë rinovimi, restaurimi apo adaptimi, duhet të kryhen mbi bazë të elaboratëve profesionalë dhe projekteve të miratuara nga institucioni kompetent. Vendosja e fasadave moderne mbi objekte historike, pa pëlqim, paraqet shkelje të ligjit dhe konsiderohet degradim i trashëgimisë kulturore”, thanë nga Ministria e Kulturës.

Nëse deri tani nuk janë ndërmarrë masa të mjaftueshme, sipas ministrisë kjo ka ndodhur për shkak të mjeteve të kufizuara buxhetore, mungesës së koordinimit mes pushtetit lokal dhe atij qendror si dhe mosrespektimit të procedurave ligjore nga ana e disa investitorëve dhe pronarëve privatë.

“Ministria nuk mbështet mbulimin e objekteve historike me fasada moderne, por për restaurimin e tyre profesional, autentik dhe ligjor. Trashëgimia kulturore në Tetovë ka vlerë të madhe dhe çdo qytetar ka të drejtë, por edhe obligim, të marrë pjesë në ruajtjen e saj”, thanë nga Ministria e Kulturës.

Nga organizata HUTA duke komentuar përgjijgen e Ministrisë së Kulturës së dhënë për Portalb.mk theksuan se ministria i konfirmoi shqetësimet e tyre.

“Ne si organizatë kemi ngritur vazhdimisht shqetësimin tonë për mënyrën e papërshtatshme të ndërhyrjeve në disa objekte historike në qytetin e Tetovës. Sot, këtë shqetësim tonin e konfirmon edhe vetë Ministria e Kulturës, thanë nga HUTA.

Pak ditë më parë, nga organizata HUTA ngritën shqetësime për mënyrën joprofesionale se si Komuna e Tetovës dhe Ministria e Kulturës po i trajtojnë objektet në qytet.

Roni Kadriu nga kjo organizatë theksoi se edhe dy objektet e vjetra te Gjimnazi i Tetovës që po restaurohen po bëhen në formën joadekuate.

“Ndërtimi është duke u mbuluar me stiropol, nuk është bërë ndonjë plan adekuat për restaurimin e të njëjtës, kemi fasadë të betonizuar dhe plastifikuar në vend të restaurimeve me metoda tradicionale, kjo nuk është restaurim por shkatërrim i trashëgimisë kulturore”, tha Kadriu.

Një nga të punësuarit e kompanisë që realizon punimet, edhe pse nuk deshi të flasë para kamerës, na tha se fasada nga jashtë do të bëhet siç ka qenë dhe se do të ruhet pamja e vjetër.

Kujtojmë se në programin zgjedhor ‘Me ka krejt për Tetovën’ 2021-2025 me të cilin kryetari i Komunës së Tetovës Bilall Kasami garoi dhe fitoi në zgjedhjet e fundit lokale tetorin e vitit 2021, në pjesën e kulturës përmenden investime dhe rikonstruime për Kalanë e Tetovës, Teqenë Arabati Baba, Ura e Kazazëve, por asnjëra nga këto nuk është realizuar në terren.

Continue Reading

Lajme

ASH: A do të vazhdojë Mickoski ta mbrojë Mexhitin nga akuzat për 450 mijë euro provizion për “Skënderbeun”

Published

on

By

A mendon ende kryeministri Hristijan Mickoski se Izet Mexhiti, partneri i tij i koalicionit nga VLEN, si kryetar i Çairit ka marrë provizion prej 450 mijë eurosh për sheshin “Skënderbeu”, ashtu siç akuzonte VMRO-DPMNE kur ishte në opozitë? Publikonin shifra, skandale e afera për shpërdorimet në pushtetin lokal, ndërsa sot janë partnerë besnikë të qeverisë. Nëse Mickoski ka harruar, opinioni e mban mend mirë kur deputeti i VMRO-DPMNE-së, Antonio Miloshoski, publikisht shpaloste akuza kundër Mexhitit për korrupsion, abuzime, krime dhe provizione të rënda prej 450 mijë eurosh. Mickoski dhe VMRO-DPMNE duhet t’u përgjigjen pyetjeve që janë të pashmangshme dhe të interesit publik: • A heq dorë Mickoski nga deputeti i tij Antonio Miloshoski dhe pretendimet e tij, vetëm për ta shpëtuar Mexhitin? • A beson ende VMRO-DPMNE në akuzat e veta ndaj Mexhitit, apo atëherë kritika ishte vetëm populizëm i lirë? • A është gati kjo parti t’i mbyllë sytë para të gjitha atyre pretendimeve për krim, vetëm për të qëndruar në pushtet? Dhe më e rëndësishmja: a është flijuar interesi i popullit për karriget dhe funksionet e tyre? Aleanca për Shqiptarët rikujton: lufta kundër korrupsionit nuk është objekt pazari. Nuk ka kompromis me krimet e dyshuara, as alibi për dyfytyrësi politike. Ka ardhur koha që VMRO-DPMNE të zgjedhë qartë: sundim të ligjit apo mbrojtje të rehatisë së koalicionit. Qytetarët nuk do të pranojnë standarde të dyfishta – një gjë të flisni kur jeni në opozitë, dhe krejt tjetër të bëni sapo të uleni në pushtet. Nëse VMRO-DPMNE vërtet do të paraqitet si bartëse e ndryshimeve, duhet publikisht dhe pa kalkulime të tregojë: a do të qëndrojë në anën e drejtësisë apo do të mbetet bashkëfajtore në praktikat korruptive që vetë i denonconte. Aleanca për Shqiptarët

VIDEO LINK NGA DEKLARATA E MILLOSHOVSKIT: https://wetransfer.com/downloads/293903f41a359828b4c466506b23882c20250904074808/eb0f4decf459b9a362add3444382d88720250904074809/2c85f7?t_exp=1757231289&t_lsid=396598c5-0560-40c8-8b14-7422e3a152bd&t_network=email&t_rid=Z29vZ2xlLW9hdXRoMnwxMTEwOTk4MjkwNjc5NzYzNTY4OTM=&t_s=download_link&t_ts=1756972089

Continue Reading

Lajme

Ramadani: Sulmi në Tetovë, akt barbar me motive etnike

Published

on

By

Sekretari i Aleancës për Shqiptarët, Blerant Ramadani, ka reaguar pas sulmit ndaj dy nxënësve shqiptarë në Tetovë, të cilët u dhunuan brutalisht nga një grup huliganësh të organizuar, të njohur si pjesëtarë të grupit “Vojvoda”.

“Dënojmë me ashpërsinë më të madhe sulmin barbar ndaj dy nxënësve shqiptarë në Tetovë. Ky akt i shëmtuar është dhunë me motive etnike dhe një sinjal alarmi për sigurinë e qytetarëve shqiptarë në vend. Dy të rinj sot ndodhen në spital si pasojë e këtij akti kriminal,” ka deklaruar Ramadani.

Ai ka kërkuar reagim të menjëhershëm nga institucionet e rendit dhe drejtësisë, duke theksuar se “heshtja ose relativizimi i këtij rasti është bashkëfajësi”.

“Shteti nuk mund të lejojë që grupe paramilitare dhe ekstremiste të shëtisin lirshëm e të rrahin fëmijët tanë,” shtoi ai.

Ramadani theksoi se Aleanca Kombëtare për Integrim do të qëndrojë pranë familjeve të viktimave dhe do të përdorë të gjitha mjetet demokratike për të kërkuar drejtësi. “Siguria e qytetarëve tanë nuk është opsion, është detyrim i shtetit,” përfundoi ai.

Continue Reading

TOP Lajme