Connect with us

Lajme ditore

Pse iku Blerim Bexheti nga Saraji?!

Published

on

Dy janë arsyet kryesore që e detyruan Blerim Bexhetin që të tërhiqet nga posti kryetar i Komunës së Sarajit dhe të zë karrigen e deputetit në Parlamentin e RMVsë! Blerim Bexhetit i duhet imuniteti! Po pse?

Shkruan: Egzon Hamiti

Në këtë fazë, kur bastioni i BD-së, zona e Sarajit, përjetoi një detronizim të paimagjinueshëm duke u krijuar një elektorat i respektueshëm i partisë së re (në rastin konkret, VLEN-i), në kohën kur partia e tij tashmë do të bëjë jetë opozitariste dhe kur do të ketë rrjedhë edhe më të madhe të elektoratit të opozitës aktuale në drejtim të partisë reprezentative shqiptare në pushtet, pra, në kohën kur BDI realisht mundet ta humbasë komunën bastion të veten, Blerim Bexheti e lë Komunën pa kryetar dhe me detyrim për zgjedhje të reja për kryetar komune!

Çka dëshmoi me këtë gjest prej skuthi Blerim Bexheti? Dëshmoi se nuk mund të rrijë më në mesin e qytetarëve që u ka borxh të madh, në mesin e atyreve që çdo vit i ka gënjyer e i ka ushqyer me shpresë për një jetë më të dnjitetshme. Thjesht, nuk i intereson ky popull në momentin kur atij i rrezikohet karriera! Nga ana tjetër, Blerim Bexheti nuk mundet që edhe më tej, në emër të pshtetit qendror, t’i premtojë “nëntokës” së vet siguri, amnisti dhe veprime për të cilat nuk ka përgjegjësi juridike! Nga ana tjetër, edhe prishja e matematikave në të gjith nivelet e gjykatave të Maqedonisë ku ky ka pasur ndikim të konsiderueshëm, Blerim Bexhetin jo vetëm që e bën të pafuqishëm para elekoratit të vet si dhe para “nëntokës” së tij kriminale, por, e detyron që të arratiset nga “habitati” i vet, edhe për faktin që pushteti i ri, nuk do t’ia falë nëse juridikisht do të jet i mëkatshëm! Ndërsa ky e di fare mirë se sa është i përfshirë nëpër skandale, e di fare mirë se sa do të detyrohet që të përfshihet gjithnjë e më shumë nëpër skenare iracionale, për t’i zhvilluar ato, e di fare mirë se “atë që ka mbjellë atë do ta korrë”, ndaj dhe ka vndosur që ta lë postin e kryetarit të Komunës i cili nuk mund ta ketë imunitetin e deputetit të Parlamentit. Pra, Blerim Bexhetit i duhet imuniteti, të paktën një imunitet që do t’ia zgjaste ditët e deputetllëkut deri në marrjen e imunitetit nëse do të “kapet me pelë për dore”!
Mund të jetë edhe një lloj pazari me pushtetin dhe një thikë pas shpine të Ali Ahmetit! Mund ta humbë fare Sarajin, duke ia kaluar në dorë VLEN-it në këmbim të mosmarrjes së imunitetit. Kjo nënkupton që të marrë garanca se pushteti nuk do ta hap “Kutinë e Pandorës”, në të cilën fshihen vepriet kriminale të Blerim Bexhetit, kriminalizimi i gjyqësorit si dhe bashkëpunimi me “nëntokën kriminele”, të gjitha këto të incizuara gjatë përgjimeve për të ashtuquajturat “bombat e Zajevit”!
Pra, shumë shpejt do të vërtetohet fakti që Blerim Bexhetit kurrë nuk i bëhet vonë për popullin e Sarajit kur është në pyetje interesi i vet personal. Ashtu siç ia nguli thikën pas shpine “grupit të zjarrit” në momentin kur e siguroi përfshirjen si bartës i listës në Zonën 1, ashtu mund t’ua ngulë thikën edhe elektoratit partiak por edhe vetë BDI-së nëse do t’i garantohet përfundim i qetë i mandatit të deputetit; nëse do t’i garanohet se nuk do të hapen ato dosje të burgosjeve politike dhe të shumë burgosjeve si rrjedhojë e proceseve të montuara e me regji të “liderit”, procese që kanë përfunduar edhe me vdekje!

Se a do të shtyhen të gjitha ato “projekte” që i ka premtuar para popullit të vet në Saraj, se kësaj popullata a do t’ju përmirsohet kualitativisht jeta siç u ka premtuar kur ua ka marrur votën, kjo fare nuk i intereson Bexhtit, sepse, për të e rëndësishme është që ta shpëtojë kokën e vet!

Një është e sigurtë: me këtë gjest qyqeje të Blerim Bexhetit, ngadalë por sigurt, po përfundon “epoka e tij” në Komunën e Sarajit, të cilën e kishte shndërruar në një “kopsht premtimesh” të kota! Është shumë i sigurtë se tashmë po vjen koha e përgjegjësive dhe e llogaridhënies!

Continue Reading

Lajme

Qenan Aliu: Blerant Ramadani, një figurë me potencial politik

Published

on

By

Analisti Qenan Aliu ka ndarë përvojën e tij të takimit me Blerant Ramadanin, një djalosh 32-vjeçar nga Saraji, i cili shihet si kandidat potencial për kryetar komune.

Në një takim spontan në Tetovë, Aliu tregon se Ramadani u paraqit me sjellje modeste dhe edukatë të lartë. “Më përshëndeti i pari, dhe kur e pyeta kush është, më tha: Blerant Ramadani nga Saraji”, shkruan Aliu.

Sipas tij, Ramadani la përshtypje si kuadër i fuqishëm dhe me ndjenja të sinqerta ndaj njerëzve. “Unë fola 25 minuta nga gjithsej 30 të ndejes, për të kuptuar se Bleranti dinte të dëgjojë më shumë sesa të flasë”, shprehet Aliu, duke vlerësuar aftësinë e tij për komunikim dhe dëgjim aktiv.

Ai e përshkruan Ramadanin si fotogjenik dhe me karizëm për ekranet televizive, por njëkohësisht si një familjar të përkushtuar, i martuar dhe i lumtur me dy vajzat e tij.

“Shpërfaqi dashuri ndaj prindërve, familjes dhe çdo qytetari të Sarajit pa dallim”, thekson Aliu. Në përfundim të takimit, ai i uroi sukses në synimin e tij për t’u angazhuar në jetën publike, duke shtuar: “Bleranti kaloi testimin tim verbal për detyrën publike që synon. Ndiqeni dhe binduni vetë”.

Continue Reading

Lajme ditore

ASH: Marrëveshja me Dodikun rrezikon orientimin euroatlantik të shtetit – VLEN hesht

Published

on

By

Aleanca për Shqiptarët ka reaguar ashpër ndaj marrëveshjes së nënshkruar mes Fondit Pensional dhe të Sigurimit Invalidor të Maqedonisë së Veriut dhe Fondit të Republikës Srpska, të udhëhequr nga Milorad Dodik.

Në reagimin e kësaj partie thuhet se ky hap është i papranueshëm, duke pasur parasysh se Dodik është i shpallur fajtor nga Gjykata e Bosnjë-Hercegovinës dhe i sanksionuar ndërkombëtarisht për shkelje flagrante të rendit kushtetues dhe mosrespektim të vendimeve të bashkësisë ndërkombëtare.

“Në një kohë kur e gjithë bota demokratike po e izolon Dodikun, qeveria e Maqedonisë së Veriut nënshkruan marrëveshje me institucionet e tij, duke i dhënë oksigjen politik një figure të lidhur ngushtë me projektin e ‘Botës Serbe’, krah Putinit dhe kundër NATO-s e BE-së,” thuhet në reagim.

Aleanca për Shqiptarët e quan të papranueshme edhe heshtjen e partnerit shqiptar në qeveri.

“Heshtja e VLEN-it në këtë rast është skandaloze. Është dëshmi se ky koalicion shqiptar në qeveri nuk ka guxim të thotë asnjë fjalë kundër politikave që e tërheqin Maqedoninë e Veriut drejt Beogradit dhe Moskës. Ky nuk është partneritet, por vazalitet i plotë,” thekson ASh.

Sipas partisë opozitare, VLEN ka mashtruar qytetarët me premtime për ndryshim, por tani po mbyll sytë para afrimit të rrezikshëm me Republikën Srpska.

“VLEN u shfaq si faktor i ndryshimit, por sot po hesht përballë një marrëveshjeje që vë në pikëpyetje orientimin euroatlantik të shtetit dhe cenon sigurinë e shqiptarëve në Maqedoninë e Veriut,” thuhet në reagim.

Në fund, Aleanca për Shqiptarët kërkon shpjegime të menjëhershme nga qeveria.

“I bëjmë thirrje qeverisë që të ndalojë këtë politikë të rrezikshme dhe të shpjegojë para opinionit publik pse nënshkroi marrëveshje me institucionet e një entiteti që sfidon hapur rendin ndërkombëtar dhe vlerat euroatlantike,” përfundon reagimi.

Continue Reading

Lajme

Ambulancë e re, por e mbyllur: Në Jazhincë nuk ka mjek, banorët udhëtojnë me kilometra për kontrolle

Published

on

By

Banorët e fshatit Jazhincë, me rreth 1,800 banorë dhe mbi 400 shtëpi, vazhdojnë të jetojnë pa mjek. Në qendër të fshatit ndodhet një ambulancë e re, por dyert e saj kanë mbetur të mbyllura, sepse aty nuk është emëruar kurrë një mjek, raporton Portalb.mk.

Si pasojë, banorët detyrohen të udhëtojnë kilometra të tëra për ndihmë mjekësore, më së shpeshti drejt Tetovës, rreth 30 kilometra larg, ose në Vratnicë, vetëm 8 kilometra larg, por ku ambulanca funksionon vetëm deri në orën 14:00.

Situata bëhet edhe më e rëndë gjatë dimrit, kur rrugët shpesh bllokohen nga bora.

“Ambulanca është ndërtuar 34 vjet më parë me kontributin e fshatrave. Sot nuk kemi mjek. Kemi kërkuar nga Ministria e Shëndetësisë, gjatë gjithë periudhave, në varësi të partive në pushtet, por nuk kemi hasur në mirëkuptim” , tha një banor.

“Nuk kemi mjek këtu. Nuk ka asgjë, jemi të harruar. Ndonjëherë shkojmë në Vratnicë, ndonjëherë në Tetovë, ku gjejmë mjek e ku nuk gjejmë. Ka mbi 30 vjet që ambulanca është e tillë dhe askush nuk interesohet”, tha një tjetër banor.

“Ne shkojmë në Tetovë, sepse ambulanca nuk funksionon. Ka ambulancë, por nuk punon. Asnjë mjek nuk vjen. Është ndërtuar para më shumë se 20 vitesh dhe qëndron e mbyllur, sepse asnjë mjek nuk ka ardhur”, tha një banor.

I pyetur për mungesën e mjekëve në vendbanimet rurale, ministri i Shëndetësisë, Azir Aliu, nuk kishte zgjidhje konkrete. Ai tha se po bëhen analiza për riorganizimin e shërbimeve shëndetësore.

“Në të njëjtën kohë bëjmë analizë funksionale dhe infrastrukturore dhe shumë shpejt do të dalim me një plan gjeneral për Ministrinë e Shëndetësisë, si krijuese e politikave shëndetësore, si për spitalet dhe institucionet shëndetësore, si implementues të këtyre politikave, ku do të dihet se çfarë infrastrukture do të ketë, çfarë shërbimesh do të jepen dhe sa do të jetë koha e dhënies së atyre shërbimeve”, tha Aliu.

Ndryshe, fshati Jazhincë ndodhet rreth 27 kilometra larg Tetovës, aty ka rreth 400 shtëpi ndërsa shumë prej tyre kanë ngelur të boshatisura për shkak të migrimit.

Continue Reading

TOP Lajme