Connect with us

Lajme

Pse BDI brenda një jave braktisi idenë 15-vjeçare për President Konsensual?

Published

on


Nga: Robert Nesimi

15 vite me radhë (nga zgjedhjet e 2009 kur për herë të fundit pati kandidat për President), BDI ka proklamuar idenë e kandidatit konsensual dhe ka mbështetur kandidatët e tillë maqedonas, madje kundër kandidatëve shqiptarë Iljaz Halimi në 2014 dhe Blerim Reka në 2019. 15 vite me radhë qëndrim i betonuar i BDI ka qenë se shqiptari nuk mund të bëhet President, andaj duhej mbështetur një kandidat i përshtatshëm maqedonas.

Me po të njëjtën ide BDI nisi edhe këtë fushatë zgjedhore. Këtë qëndrim e përsëritën të gjithë eksponentët e dalluar partiakë. S’ka as 10 ditë që kështu u shpreh edhe frontmeni i saj aktual Talat Xhaferri, kryeministri aktual teknik.

Por një javë më parë BDI bëri kthesë dramatike, duke braktisur lehtësisht këtë qëndrim 15-vjeçar dhe doli me kandidat të vetin për President. Pse ndodhi kjo kthesë e çuditshme dhe dramatike e BDI në momentin e fundit? Mendoj se ka dy arsye:

1) Kandidimi i Arben Taravarit për President. Ky kandidat i mbështetur nga e gjithë opozita shqiptare, pa kundër-kandidat shqiptar, kishte gjasa reale të hyjë në raundin e dytë të zgjedhjeve presidenciale. Duke ditur se raundi i dytë mbahet bashkë me zgjedhjet parlamentare, BDI u frikësuar nga euforia që do të krijohej, duke i shkaktuar humbje edhe në zgjedhjet parlamentare. Strategjia mund të përshkruhet si: më mirë një raund i dytë pa shqiptarë, se me një shqiptar të opozitës. Pra BDI doli me kandidat për të pamundësuar Arben Taravarin që të shkojë në raundin e dytë

2) Divorci final me SDSM. Në dy zgjedhjet paraprake presidenciale BDI ka patur komoditetin që partneri i saj i koalicionit ishte fitues i sigurtë dhe andaj nuk e ka patur problem t’a mbështeste atë. Këtë radhë BDI e ka të qartë se SDSM i ka punët si mos më keq dhe vërtetë i duhej një gjest që t’a braktisë këtë anije që po fundoset. Por koalicionimi direkt parazgjedhor me VMRO me të vërtetë do të ishte i tepërt, andaj opcion i vetëm mbeti kandidatura vetanake. Pra BDI doli me kandidat të vetin për President për t’i larë duart nga SDSM, pa shkuar ashiqare me VMRO-në.

Continue Reading

Lajme

Votimi i të burgosurve dhe të sëmurëve po zhvillohet pa probleme, bëjnë të ditur KSHZ

Published

on

By

Të drejtën e votës sot do të mund ta ushtrojnë 2569 votues në 31 vendvotime në PKV, ku janë regjistruar për të votuar dhe aplikimet e të cilëve janë pranuar nga Komisioni Shtetëror i Zgjedhjeve.

Sot në qendrat e votimit në 14 IEVP do të mund të ushtrojnë të drejtën e votës 2147 zgjedhës. Të gjitha qendrat e votimit në IEVP janë hapur në orën 7:00 të mëngjesit të sotëm dhe votimi atje do të vazhdojë deri në orën 19:00.

Deri në këtë moment votimi po vijon pa problem. Gjatë ditës së sotme dy votues, të cilët identifikohen si të zhvendosur brenda vendit, do të mund të ushtrojnë të drejtën e votës në të vetmen qendër për personat e zhvendosur brenda vendit.

Këshillat zgjedhorë në Republikën e Maqedonisë së Veriut gjatë ditës së sotme do të bëjnë votimin e personave të sëmurë ose të paaftë, të cilët kanë dorëzuar njoftime me dokumentacion përkatës deri te komisionet komunale zgjedhore. Të drejtën e votës në banesat e tyre do ta ushtrojnë 6935 qytetarë të regjistruar si të sëmurë apo të pafuqishëm.

Sot, 534 zgjedhës, të vendosur në 20 qendra të kujdesit jashtëfamiljar, do të kenë mundësinë të ushtrojnë të drejtën e votës në qendrën ku ndodhen. Ekziston një interes i theksuar për vëzhgimin e këtyre zgjedhjeve nga organizata dhe media vendase, të huaja dhe ndërkombëtare. Komisioni Shtetëror i Zgjedhjeve deri më tani ka akredituar për vëzhgim 342 vëzhgues vendas, 517 vëzhgues të huaj dhe ndërkombëtarë, 51 përkthyes dhe 32 gazetarë të huaj. Faqja e KSHZ-së, www.sec.mk, si dhe faqet e rrjeteve sociale “Facebook”, X, “Instagram”, si dhe kanali YouTube janë në dispozicion të të gjithë qytetarëve, ku do të mund të gjeni informacion në kohë dhe të saktë në lidhje me zgjedhjet.

Në listën zgjedhore me të drejtë vote në këto zgjedhje janë regjistruar gjithsej 1.814.317 zgjedhës.

Continue Reading

Lajme

Demolohet shtabi i VLEN në Lagjen e Trimave në Kumanovë

Published

on

By

Gjatë mbrëmjes së kaluar nga persona të panjohur është demoluar shtabi i VLEN në Lagjen e Trimave në Kumanovë.

Rasti i demolimit të shtabit është lajmëruar në SPB Kumanovë. Përndryshe nuk është hera e parë që demolohen shtabet partiake në lagjet shqiptare në Maqedoninë e Veriut.

Continue Reading

Lajme

Veteranët e UÇK-së porosi Artan Grubit: Nuk lejojmë shkeljen e flamurit kombëtar!

Published

on

By

Veteranët e UÇK-së kanë reaguar ndaj Artan Grubit i cili nga sheshi i Shkupit këtkoi që të ulet flamuri kombëtar.

Ata e shohin këtë veprim si një shkelje të gjakut të dëshmorëve dhe sakrificave të tyre për liri.

Në reagimin e tyre, ata theksojnë se flamuri kombëtar është mbrojtur me gjakun e dëshmorëve dhe se nuk mund të lejohet që të kalojë pa reagim një gjest i tillë.

Në këtë reagim, ata shprehin zemërimin dhe turpin e tyre ndaj këtij veprimi, duke theksuar rëndësinë dhe nderin që duhet t’i kushtohet flamurit kombëtar dhe emblemës së UÇK-së.

“TË NDERUAR VETERANË INVALID DHE FAMILJE TË DËSHMORËVE KY FLAMUR ËSHTË LARË ME GJAKË DHE ËSHTË MBROJTUR ME GJAKUN E DËSHMORËVE. NUK TOLEROJMË QË NJË RRUGAÇ TË JAPE URDHËRA PËR TË ULUR FLAMURIN KOMBËTAR NË LIRI, AI FLAMUR ËSHTË MBROJTUR ME JETËN E SHUM DËSHMORËVE NGA VITI 1998 DERI NË 2001. Nuk mundemi të qëndrojm indiferentë ndaj këti rrugaçi se ai rrugaçi që në vitin 2001 ishte me palën Maqedone dhe ishte i mbuluar me flamurin e ty që ka në zemër. TURP TURP TURP TË KENI. NJËHER BROHORET UÇK UÇK DHE PAS NJË ORE URDHËRON ULNI FLAMURAT ULNI FLAMURAT………TURP TURP TURP!!!???? RROFT FLAMURI KOMBËTAR RROFT EMBLEMA U.Ç.K së”, thuhet në reagimin e ish ushtarëve të UÇK-së, theksojn Veteranët e UÇK-së.

Continue Reading

TOP Lajme