Lajme

Për herë të parë një shqiptar emërohet drejtor në Klinikën e Pediatrisë

Published

10 months ago

July 5, 2024

Admin01

Dr. Rexhep Memedi kuadër i Lëvizjes Demokratike nga koalicioni VLEN është emëruar drejtor në Spitalin e Pediatrisë në Klinikën Universitare “Nënë Tereza – Shkup, njofton Fol.mk

Memedi është ndër mjekët e rrallë në Maqedoninë e Veriut që njihet për mikpritje të ngrohtë dhe të sinqertë ndaj pacientëve. Ai punon në Klinikën Universitare për sëmundje të fëmijëve në Shkup.

Dr. Rexhep Memedi u lind më 17 nëntor 1980 në Studenican, rajoni i Karshiakës së Shkupit. Shkollën fillore e kreu në vendlindje, ndërsa shkollën e mesme të mjekësisë “Dr. Pançe Karagjozov” e përfundoi në Shkup në vitin 1999. Ka qenë i shkëlqyeshëm dhe njëri më të dalluar në gjeneratën e tij.

Studimet universitare dhe pasuniverzitare i kreu në Fakultetin e mjekësisë – Universiteti “Shën Kiril dhe Metodi” në Shkup.

Pas diplomimit në vitin 2008, një kohë të shkurtër punoi si profesor në Shkollën e mesme të mjekësisë “Dr. Pançe Karagjozov” në Shkup, pastaj vazhdoi karierën profesionale në Institutin e shëndetit publik të RMV-së.
Nga dhjetori i vitit 2009, ai punon në Klinikën Universitare për sëmundje të fëmijëve në Shkup, ku mbaroi edhe specializimin në fushën e Pediatrisë.
Ka qenë udhëheqës i Repartit të Neonatologjisë.
Studimet e doktoraturës – cikli i tretë- në shkencat e mjekësisë i vijon pranë Fakultetit të mjekësisë në Shkup.

Dr. Memedi karierën e tij profesionale e ka pasuruar me edukim dhe punë profesionale edhe në vendet e Bashkimit Europian, ku ka ndjekur shumë simpoziume e takime profesionale si dhe trajnime në lëmin e mjekësisë, si për shembull:
Trajnim profesional trejavor nga fusha e shëndetit publik në Menorka-Spanjë, kurs ky i organizuar në vitin 2009 nga ECDC ( European Centre for Disease Prevention and Control).
qëndrim profesional në Spitalin Bambino Gesu në Romë të Italisë- nëntor 2013-shkurt 2014- edukim në kuadër të specijalizimit në fushën e Pedijatrisë.
Punë profesionale – ka punuar si mjek në një Qendër private Mjekësorë në Gjermani- NRË (gusht 2020-dhjetor 2021).

Dr. Rexhep Memedi nga viti 2015 është aktiv edhe në skenën politike, duke qenë edhe deputet në Kuvendin e Republikës së Maqedonisë së Veriut nga viti 2017 deri në qershor të vitit 2020.
Zotëron së paku edhe tre gjuhë të huaja pas maqedonishtes e serbokroatishtes, gjuhën angleze, gjermane dhe turke./Fol.mk/

Lajme

Vdiq Papa Françeksu

Published

20 hours ago

April 21, 2025

I N

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Lajme

MPB: Ndalohen gjashtë persona, kapen me marihuanë

Published

20 hours ago

April 21, 2025

I N

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

20 hours ago

April 21, 2025

I N

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.