Lajme

Nexhmedin Sadiku, drejtor i Rezervave të naftës

Published

10 months ago

July 5, 2024

Admin01

Nexhmedin Sadiku,nga Fshati Sllupçan është zgjedhur drejtor tek Agjencia e rezervave të detyrueshme të naftës- Makora.

Ai vjen nga rradhët e Aleancës për Shqiptarët.

“Të nderuar anëtarë të grupit, dua t’ju informoj se dje komisioni kadrovik i partisë më propozoi për drejtor tek AGJENCIA E REZERVAVE TË DETYRUESHME TË NAFTËS – МАКОRА, kurse sot në Kryesinë Qendrore ky propozim u verifikua me aklamacion.

Dua t’ju shpreh mirënjohjen time të thellë çdo aktivisti për kontributin e dhënë.
E falemnderoj nga zemra çdo njërin veç e veç.

Zotohem se detyrën time do ta kryej me ndërgjegje dhe përkushtim të lartë ashtu siç e kam kryer deri më tani profesionin tim si Profesor dhe detyrat e marra në kuadër subjektit politik.

Gjithashtu do të jem në shërbim për të mirën e të gjithë qytetarëve e në veçanti të votuesve dhe përkrahësve tanë në çdo moment dhe në çdo kohë.

Me respekt nga Nexhmedin Sadiku”, ka shkruar Sadiku. (INA)

Lajme

Snopçe: Interesat e shqiptarëve mbi interesin tonë për pushtet

Published

8 hours ago

April 29, 2025

M N

Deputeti i Aleancës për Shqiptarët, Halil Snopçe, në një intervistë në emisionin “Dialog te Lajmi”, ka deklaruar se partia që ai përfaqëson nuk është e lidhur me pushtetin me çdo kusht, duke theksuar se prioriteti i tyre mbetet kauza shqiptare.

“Edhe kur Mickoski na tha atëherë ‘rruga e mbarë ju qoftë’, ata mendonin se ne me çdo kusht jemi lidhur me qeverinë. ASH nuk është e lidhur me çdo kusht me qeverinë”, tha Snopçe.

Ai shtoi se për Aleancën për Shqiptarët, çdo pushtet apo interes i përkohshëm politik nuk mund të jetë mbi interesin kolektiv të shqiptarëve. “Çfarëdo qoftë pushteti dhe çfarëdo qoftë interesi nuk është mbi interesin e luftës tonë dhe kauzën tonë për interes të shqiptarëve”, theksoi ai.

Lajme

Snopçe: E thyem mitin se BDI është e pamposhtur

Published

8 hours ago

April 29, 2025

M N

Deputeti i Aleancës për Shqiptarët, Halil Snopçe, në intervistën e fundit në “Dialog te Lajmi”, tha se vitin e kaluar për herë të parë pas 20 viteve BDI shkoi në opozitë.

“Ky ishte vendimi më i duhur dhe moment historik. BDI perceptohej si një mal i pa thyeshëm, por u bë pluhur. Ai pluhur asnjëherë nuk mudn të bëhet më mal. Edhe ata të BDI-së nëse vijnë në pushtet, ata janë vetëdijesuar dhe më BDI nuk është më mal i pathyeshëm dhe do të jenë më të përgjegjshëm në vendimet e marra”, tha Snopçe.

Ai si shembull të kësaj e mori edhe futjen e Artan Grubit në listën e zezë amerikane.

Lajme

Snopçe: Sulmet ndaj Taravarit filluan pas menaxhimit të suksesshëm të tragjedisë së Koçanit

Published

8 hours ago

April 29, 2025

M N

Deputeti i Aleancës për Shqiptarët, Halil Snopçe, në intervistën e fundit në “Dialog te Lajmi”, ka folur për sulmet e orkestruara që drejtohen nga kryetari i ASH-së, Arben Taravari. Snopçe tha se epiqendra e sulmeve është kryetari Taravari.

“Askush nuk e ka sulmuar Snopçen apo dikë tjetër nga Aleanca për Shqiptarët, por është sulmuar vetëm Taravari. Sulmet dhe e gjithë kjo altireri e fyerjeve dhe shprehjes së mllefit dhe urrejtjes ndaj Taravarit, u nis pikërisht në momentin që kishte një menaxhim fenomenal me tragjedinë e Koçanit”, nënvizoi Snopçe.

Ai shtoi gjithashtu se një ditë pas tragjedisë deputet maqedonas i kanë thënë se sigurisht që do të ketë edhe po aq të vdekur sa ishte numri zyrtar një ditë më pas.

“Ne tani pas disa javëve kemi vetëm dy të vdekur, për dallim nga Rumania që kishte një tragjedi të ngjashme, që tre herë më i madh ka qenë numri i të vdekurve pas tragjedisë në krahasim me ditën e tragjedisë”, shtoi Snopçe.