Kandidati i Aleancës Kombëtare për Integrim, Nazim Taipi përmes një postimi ka reaguar ndaj sharjeve dhe kryetarit të Lëvizjes Besa Bilall Kasami, për të cilin shkruan se ofeandimet e Kasamit janë shenjë e frigës dhe pasigurisë. Taipi shton se unë nuk vij tek ju me sharje, por me punë, ide dhe projekte të qarta për të ardhmen e Tearcës, shkruan Top24

Nazim Taipi

Të dashur qytetarë të Tearcës,

Sot, disa mendojnë se me sharje e fyerje mund të fitojnë zemrat e njerëzve. Por banorët e Tearcës nuk mashtrohen nga zhurma dhe fjalët boshe.

Ofendimet e Bilall Kasamit janë shenjë e frikës dhe pasigurisë së tij. Unë nuk vij tek ju me sharje, por me punë, ide dhe projekte të qarta për të ardhmen e Tearcës.

Ne e dimë mirë se çfarë na duhet: rrugë më të mira, shkolla më cilësore, zhvillim ekonomik dhe mbështetje për çdo familje.

Unë besoj te fuqia e qytetarëve të Tearcës. Bashkë, do ta ndërtojmë një të nesërme ku krenaria jonë nuk matet me fyerje, por me punë dhe rezultate.

Bashkë për Tearcën tonë!

Publicisti Kim Mehmeti ka komentuar mbi përkrahjet politike që disa partitë shqiptare në Maqedoni marrin nga liderë të huaj

Mehmeti ka theksuar se e irriton mënyra se si përkrahjet politike trajtohen në bazë të interesave të udhëheqësve të jashtëm, pa marrë parasysh interesin e popullit shqiptar.

“Çfarë më irriton është se kur vjen kryeministri në detyrë dhe e përkrah VLEN-in, ajo është në rregull. Por kur vjen ndonjë emisar i kryeministrit të Shqipërisë që ta përkrah BDI-në, kjo qenka kundër interesit të popullit shqiptar në Maqedoni,” tha Mehmeti.

Ai shtoi se përkrahjet bëhen shpesh për arsyet politike të partive dhe jo për interesin e shqiptarëve.

“Kuri e përkrah VLEN-in vetëm për inat të Edi Ramës. Vetëm pse ai e përkrah BDI-në, nuk kanë ata interes për popullin shqiptar. Ata nuk e dinë çfarë ndodh me popullin shqiptar; ata duan që partia e tyre të jetë në qeveri,” theksoi Mehmeti.

Publicisti thekson se kjo qasje politike minon përfaqësimin real të shqiptarëve në Maqedoni dhe nxit përçarje midis partive shqiptare.

Aleanca për Shqiptarët rikujton se pika e tetë e Platformës Kombëtare e saj përqendrohet te Decentralizimi i Administratës Publike dhe Siguria Publike, si shtylla kryesore për zhvillimin e qëndrueshëm të vendit dhe fuqizimin e komunave shqiptare.

Ne besojmë se fuqizimi i komunave është parakusht për vendimmarrje autonome, zbatim efektiv të projekteve lokale dhe adresim të nevojave reale të qytetarëve. Në këtë drejtim, Aleanca për Shqiptarët angazhohet për:

Transferim të plotë të kompetencave dhe buxheteve te komunat shqiptare.

Forcim të institucioneve lokale përmes transparencës maksimale dhe qeverisjes së drejtë dhe të përgjegjshme.

Riorganizim të administratës komunale mbi bazën e meritokracisë, profesionalizmit dhe etikës, duke eliminuar klientelizmin dhe punësimet politike.

Digjitalizim të shërbimeve komunale, për t’i bërë ato më të shpejta, efikase dhe të qasshme për çdo qytetar.

Në fushën e sigurisë publike, Aleanca për Shqiptarët garanton:

Përfaqësim të barabartë të shqiptarëve në polici dhe zjarrfikës.

Investime të vazhdueshme në ndriçim publik, kamera sigurie dhe rrugë të sigurta.

Bashkëpunim aktiv me strukturat e lagjeve për parandalimin e kriminalitetit dhe përdorimit të substancave të dëmshme, nën konceptin “Lagje e Sigurt”, ku përgjegjësia për sigurinë është e drejtpërdrejtë në çdo njësi lokale.

Aleanca për Shqiptarët thekson se barazia reale dhe përfaqësimi i drejtë në të gjitha nivelet e shtetit janë shtylla mbi të cilat duhet të ndërtohet një pakt i ri politik mes shqiptarëve dhe maqedonasve. Një shtet demokratik nuk mund të funksionojë mbi bazën e margjinalizimit, prandaj një decentralizim i vërtetë në nivel lokal është i domosdoshëm.

Ne i bëjmë thirrje të gjitha partive shqiptare, sektorit civil, intelektualëve dhe të gjitha shtresave shoqërore të përkrahin këtë pakt politik të propozuar, si garanci për një shtet funksional, të barabartë dhe evropian.

Aleanca për Shqiptarët paralajmëron se qeveria aktuale po përgatit një ligj për vetëqeverisje lokale që është centralizim plus, një hap i papranueshëm që e mohon autonominë komunale dhe është një nga arsyet kryesore për të braktisur këtë qeveri antishqiptare dhe tashmë monoetnike.

Aleanca për Shqiptarët qëndron e vendosur për decentralizim të plotë, siguri publike dhe barazi reale për qytetarët shqiptarë në Maqedoninë e Veriut.

Aleancës për Shqiptarët