Connect with us

Politika

Mucunski: BDI e ka vendin në opozitë, me VLEN jemi afër marrëveshjes përfundimtare

Published

10 months ago

on

“Vendi i BDI-së është në opozitë, po e realizojmë atë që kemi premtuar. Jemi afër marrëveshjes me VLEN, nuk mund të them detaje, por është e sigurt që jemi afër një marrëveshje përfundimtare”, tha Timço Mucunski, nënkryetar i VMRO-DPMNE në intervistë për TV Sitel.

Për numrin e deputetëve në Kuvend, Mucunski tha se “është e sigurt që do të kemi më shumë se 70 deputetë, ka mundësi që koalicioni qeveritar të ketë edhe 80, por në ditët në vijim do të shohim se si do të duket”.

Duke folur nëse ZNAM do të jetë pjesë e Qeverisë së re, Mucunski tha se komunikimi nuk duhet të bëhet përmes publikut.

Sipas tij, është e mundur të arrihet dhe po punohet që të kenë një shumicë prej dy të tretash për temat kyçe.

“Ka një shumicë prej dy të tretash me VLEN, ndoshta edhe me ZNAM. Qëllimi është ndryshimi i Ligjit për organizimin dhe punën e organeve të administratës shtetërore para formimit të Qeverisë së re. Ky ishte një nga premtimet tona, sepse me këtë do ta modernizojmë qeverinë, dhe kështu do të zhdukim një numër të madh të institucioneve të panevojshme që nuk kanë treguar efikasitet dhe prandaj mendoj se do të arrijmë një konsensus të madh”, tha Mucunski.

Ai përmendi se “VMRO-DPMNE duhet ta zbatojë atë që ka thënë deri më tani”.

“Ne jemi një parti që kemi ofruar zgjidhje që duhet ta bëjnë të parashikueshëm procesin e integrimit në BE, por duhet të kemi edhe njëfarë sigurie. Mbetemi në qëndrimin e aplikimit të shtyrë dhe se Bullgaria duhet të zbatojë vendimet e Gjykatës së Strasburgut. Ne mbetemi në pozicionet tona dhe me mbështetjen e partnerëve tanë strategjikë dhe fqinjit tonë Bullgarisë, mendoj se ideja jonë mund të realizohet”, thotë Mucunski.

Lidhur me Marrëveshjen e Prespës, Mucunski tha se secila palë duhet t’i respektojë obligimet e veta dhe se edhe Greqia ka obligime.

“Ajo që kemi thënë se VMRO-DPMNE-ja nuk e pëlqen Marrëveshjen e Prespës, se është e gabuar, poshtëruese, mbetet, por në të njëjtën kohë nuk mund t’i ikim realitetit kushtetues dhe ligjor që ka krijuar në vendin tonë”, tha Mucunski.

Related Topics:
Continue Reading

Lajme

Taravari: Të gjithë pacientët janë jashtë rrezikut për jetën

Published

2 days ago

on

March 20, 2025

By

 

Ministri i Shëndetësisë Arben Taravarit, ka deklaruar se të gjithë 173 pacientë që trajtohen brenda dhe jashtë vendit janë në gjendje stabile. 10 pacientë në Maqedoni janë në gjendje të rëndë, por jashtë rrezikut për jetën.

Ministri shtoi se shpreson që të mos shfaqen komplikime gjatë ditëve në vazhdim pasi çdo herë ekziston mundësia për shfaqjen e tyre.

“Shumica e tyre janë duke u përmirësuar. Nga gjithsej 20 pacientë që ishin në gjendje kritike, sot konstatojmë se 10 janë në gjendje më të rëndë, por prap jashtë rrezikut për jetën”, tha ministri i Shëndetësisë, Arben Taravari.

Continue Reading

Lajme

Taravari: Pacientët me gjendjen më të rëndë ishin ata që në orët e para i dërguam në vendet fqinje

Published

2 days ago

on

March 20, 2025

By

 

Arben Taravari në intervistën e sotme në TV21, ka deklaruar se pacientët me gjendjen më të rëndë ishin ata që u dërguan në orët e pad te vendet fqinje.

“Ofertat që bëheshin për kurim jashtë vendit ishin normalisht nga vendet fqinje. Çuam diçka në Greqi, diçka në Sofje dhe disa pacientë në Serbi. Dhe ato hapësira na u liruan, kështu që pacientët nga Koçani i morëm në Shtip dhe të nesërmen, të hënën, rreth 37 pacientë u dërguan jashtë vendit”, tha Taravari.

Continue Reading

Lajme

Arrestohet edhe Papazov – BDI-së i DËSHTOI skenari i “gjuetisë së shtrigave” për tragjedinë e Koçanit!

Published

2 days ago

on

March 20, 2025

By

Derisa BDI u mundua të shfrytëzojë tragjedinë e Koçanit me 59 viktima për të ndezur tensione ndëretnike dhe për të mbuluar gjurmët e përgjegjësisë, e vërteta po del në shesh.

Sipas shumë mediave duke iu referuar MPB-së në pranga kanë përfunduar kryetari në dorëheqje i Komunës së Koçanit, Ljupço Papazov, si dhe dy paraardhësit e tij, Nikolço Iliev dhe Ratko Dimitrovski.

Ndërkohë, në paraburgim 48-orësh është edhe ish-ministri i Ekonomisë, Kreshnik Bekteshi, pjesë e qeverisë së kaluar, partia e të cilit menaxhoi shtetin për dy dekada.

BDI nxitoi të dalë para kamerave me Arbër Ademin, duke u përpjekur të shpallë shqiptarët “viktima të një gjuetie shtrigash”. Pse? Sepse menduan se me një narrativë të tillë do ta shpëtonin veten nga përgjegjësia.

Tragjedia e Koçanit nuk ndodhi për shkak të ndonjë “gjuetie shtrigash”, por si pasojë e një sistemi të kalbur, që për dy dekada ka mbajtur qytetarët peng të papërgjegjësisë dhe korrupsionit. Përgjegjësit nuk janë “armiq të shpikur”, por ata që për vite me radhë kanë shpërfillur sigurinë publike dhe kanë lejuar që ligji të shkelet për interesa klanore.

Continue Reading

TOP Lajme