Lajme

Ministri Durmishi takoi ambasadorin britanik në Shkup

Published

8 months ago

August 29, 2024

Admin01

Ministri i Ekonomisë dhe Punës, Besar Durmishi ka realizuar sot takim me ambasadorin e Mbretërisë së Bashkuar në vend, Metju Loson.

“Në takim u diskutua për aktivitetet e deritanishme dhe ato aktuale të ministrisë, si dhe bashkëpunimin dhe mbështetjen nga ana e Ambasadës Britanike në vendin tonë.

Theksova se Mbretëria e Bashkuar është një nga partnerët tanë më të rëndësishëm tregtarë dhe gjendet në vendin e 2 (e dytë) në mesin e vendeve me të cilat Maqedonia e Veriut realizon vëllimin më të madh të shkëmbimit tregtar. Shkëmbimi tregtar mes dy vendeve shënon rritje të vazhdueshme dhe kjo më së shumti për shkak të kompanive të rëndësishme britanike që punojnë si në zonat e lira ashtu edhe jashtë tyre.

Të dhënat tregojnë se për 10 vite, investimet e përgjithshme të huaja nga Mbretëria e Bashkuar në Republikën e Maqedonisë së Veriut arrijnë në 508,8 milionë euro, gjë që e bën Britaninë e Madhe një nga investitorët më të mëdhenj. Për ne si Ministri e Ekonomisë dhe Punës, nën përgjegjësinë e së cilës janë kushtet e punës së investitorëve të huaj, është e një rëndësie të madhe të punohet në përmirësimin e klimës së biznesit, e gjithë kjo me qëllim që të kemi më shumë investime që do të nënkuptojnë më shumë punësim dhe rritje më të madhe ekonomike.

☺Falënderova ambasadorin për mbështetjen e vazhdueshme që Maqedonia e Veriut po e merr nga Qeveria britanike, në radhë të parë përmes mbështetjes në reforma dhe në procesin e zhvillimit në rrugën drejt anëtarësimit të plotë në BE.

U dakorduam që bashkërisht të punojmë për vazhdimin dhe intensifikimin e trendit të bashkëpunimit mes dy vendeve në të gjitha fushat, me qëllimin final përshpejtimin e procesit të hyrjes së Maqedonisë së Veriut në BE.”, thuhet në njoftim.

Lajme

Vdiq Papa Françeksu

Published

14 hours ago

April 21, 2025

I N

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Lajme

MPB: Ndalohen gjashtë persona, kapen me marihuanë

Published

14 hours ago

April 21, 2025

I N

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

14 hours ago

April 21, 2025

I N

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.