Lajme

Mickoski: Qeveria nuk do të përzihet në asnjë zgjedhje apo emërim në gjyqësor

Published

6 months ago

08.03.2025

admin

Qeveria nuk do të përzihet në asnjë zgjedhje apo emërim dhe kjo duhet të jetë porosi për të gjithë që ta bëjnë punën e tyre dhe të punojnë sipas ligjit, deklaroi sot kryeministri Hristijan Mickoski.

Duke u përgjigjur në pyetjen e gazetarëve lidhur me presionet e BDI-së ndaj gjykatësve kushtetues, para seancës për gjuhën shqipe dhe vizitës së djeshme të ambasadores amerikane Anxhela Ageler në Gjykatën Kushtetuese, Mickoski tha se është e palejueshme ndërhyrja në pushtetin gjyqësor.

“Do të pajtohesha se kjo është një porosi ndoshta nga ambasada amerikane se është e palejueshme ndërhyrje në pushtetin gjyqësor, diçka që mund të jetë e panjohur për BDI-në, sepse ata janë mësuar që prokurorët, gjyqtarët, së bashku me partnerët e tyre të mëparshëm të koalicionit në pushtet, pra LSDM-në brenda selive partiake të krijojnë politikat e individëve në prokurori dhe gjyqësor. Duhet të kemi kujdes, jo të gjithë gjyqtarët dhe prokurorët janë pjesë e asaj strukture. Saktë e dimë se kush janë ata individë që kanë marrë udhëzime nga selia në Reçicë apo Bihaqkë dhe pikërisht për këto arsye qytetarët kanë ndjenjën se drejtësia në parim nuk funksionon njësoj për të gjithë”, ka thënë Mickoski.

Të martën është caktuar seancë parlamentare për interpelancat e anëtarëve të Këshillit gjyqësor, njashtu edhe seanca e këshillit. Mickoski tha se këto janë dy gjëra që do t’i ndajë. Për prokurorin Lupço Kocevski thotë se nuk pajtohet se ka punuar pa shkelje.

“Anëtarët e Këshillit gjyqësor le ta bëjnë punën e tyre, Kuvendi ka punën e vet. Unë do t’i veçoja ato dy gjëra, dy aktivitete. Nuk do të doja të komentoja nëse kjo do të thotë respektim apo mosrespektim i Parlamentit. Të presim të prononcohen deputetët dhe pastaj do të komentojmë”, ka thënë Mickoski.

I pyetur për të komentuar deklaratat e prokurorit publik, Lupço Kocevski se nuk ka shkelur ligjet, kryeministri tha se prokurori publik “ka të drejtën e mendimit të tij”.

“Ky është vend demokratik dhe ai dha mendimin e tij. Për punën e tij të deritanishme, supozoj do të kenë diçka për të thënë ata që e kanë zgjedhur, ato janë deputetët, andaj të presim që çështja të dalë para deputetëve dhe vetëm atëherë mund të komentojmë se çfarë do të diskutohet dhe debatohet dhe cilat janë argumentet me të cilat do të kontestohet apo demantohet deklarata apo qëndrimi i Kocevskit”, ka thënë Mickoski.

Lajme

Kos për Maqedoninë dhe vendet kandidate: BE e shqetësuar për sundimin e ligjit

Published

1 hour ago

16.09.2025

Admin01

Komisionerja Evropiane për Zgjerimin, Marta Kos, tha sot se Bashkimi Evropian (BE) mbetet i shqetësuar për sundimin e ligjit në vendet kandidate, megjithëse ka pasur përparim të prekshëm në këtë fushë.

“Ndërhyrja në procedurat gjyqësore, presioni mbi zyrtarët që hetojnë korrupsionin dhe politizimi i rregullatorëve të medias vazhdojnë, gjë që është e papranueshme”, u tha Kos gazetarëve në një konferencë të Këshillit të Çështjeve të Përgjithshme të BE-së, pas një diskutimi nga ministrat nga disa shtete anëtare dhe vende kandidate mbi sundimin e ligjit në BE.

Danimarka mban aktualisht presidencën e Këshillit dhe Ministrja e saj për Çështjet Evropiane, Marie Bjer, deklaroi se sundimi i ligjit në BE është aktualisht vlera e saj më e rëndësishme.

Bjer deklaroi se gjatë diskutimit, ministrat diskutuan gjendjen e sundimit të ligjit në vendet e Ballkanit Perëndimor, duke iu referuar raportit të publikuar mbi këtë temë nga Komisioni Evropian (KE) në korrik të këtij viti.

Në diskutimin e Këshillit të BE-së morën pjesë edhe ministrat për integrimin evropian të Serbisë, Shqipërisë, Malit të Zi dhe Maqedonisë së Veriut, të cilët nuk komentuan mbi rezultatin e bisedimeve, raportoi agjencia e lajmeve “Beta”.(Telegrafi)

Lajme

Valbon Limani: Komuna në punë – Punime në tretoaret e dy rrugicave në Gostivar

Published

2 hours ago

16.09.2025

Admin01

Komuna e Gostivarit ka nisur punimet për rregullimin e tretoareve në dy rrugicat e lagjes “Mara Ugrinova”, si pjesë e projekteve infrastrukturore që po realizohen në qytet.

“Para se të fillojmë me asfaltimin e tërësishëm, vijojnë punimet në rregullimin e tretoareve në dy rrugicat në ‘Mara Ugrinova’”, deklaroi kryetari i Komunës së Gostivarit, Valbon Limani.

Ky projekt është pjesë e agjendës së punimeve që po realizohen aktualisht në komunë, në kuadër të përmirësimit të infrastrukturës rrugore dhe kushteve të jetesës për qytetarët.

Lajme

Halil Snopçe: Mickoski po fshihet pas fasadës, ndërsa “bota serbe” depërton në vend

Published

2 hours ago

16.09.2025

Admin01

Deputeti Halil Snopçe kritikoi kryeministrin Hristijan Mickoski për mosdhënien e përgjigjes konkrete lidhur me masat që qeveria duhet të ndërmarrë për të parandaluar ndikimet e “botës serbe” në Maqedoni.

“ I’u drejtova kryeministrit se ai flet sikurse gjithçka është e bardhë, gjithçka shkëlqen dhe se nuk ka asnjë problem. Thashë se kjo i ngjan një fasade që shkëlqen nga jashtë, por në fakt brenda shumë gjëra janë të kalbura. Edhe bora në mal është e bardhë, por kur e prek mërdhifën. Kam frikë mos mërdhifim të gjithë me këtë qasje që e ka kryeministri Mickoski”, deklaroi Snopçe.

Ai kujtoi se raporti i fundit i Parlamentit Europian për ndikimet e “botës serbe” përputhet plotësisht me konstatimet e ish-kryeministrave dhe ish-presidentit të shtetit, duke theksuar se “në raport thuhet qartë se suksesi më i madh i këtyre strukturave është instalimi i tyre brenda VMRO-së”.

Sipas Snopçes, ndër shqiptarë dhe maqedonas nuk ka pasur konflikt mes dy luftërave botërore, por “konfliktin e kanë krijuar shërbimet serbe, të cilat edhe sot vazhdojnë të kenë ndikim – një ndikim për të cilin nuk mund të amnestohet qeveria aktuale”.

Deputeti i kujtoi Mickoskit marrëveshjen e qeverisë me fondin pensional të Dodikut, si dhe provokimet e ministres së punës dhe politikës sociale të Serbisë. “Fatkeqësisht, edhe pas provokimeve të fundit në Manastir, qeveria vazhdon të heshtë”, tha Snopçe.