Connect with us

Lajme

Mexhiti për REL: Shëndetësisë i duhet riorganizim i plotë

Published

on

Ikja e mjekëve do të zgjidhet duke ofruar vende pune dhe paga më të larta. Riorganizimi i plotë i shëndetësisë do të ishte mënyra e vetme për të të dalur nga situata e keqe në të cilën ndodhet sistemi shëndetësor në vend, kjo është alternativë e vetme për Ministrin e Shëndetësisë Fatmir Mexhiti. Sipas tij, keqmenaxhimi i disa objekteve shëndetësore dhe jo mungesa e parave është shkaku i kushteve jo të mira në disa prej tyre.

“Konkretisht që nga dita e parë filluam punën në të gjitha drejtimet. I gjithë publiku dhe pacientët e dinë që shëndetësia është në gjendje të keqe dhe do të thosha se kjo nuk është nga mungesa e fondeve, por nga organizimi. Do të na duhet një riorganizim dhe sistemim i ri i të gjithë shëndetit publik në vendin tonë. Ambjentet janë të rrënuara, ne e shohim këtë. Gjëja e parë që njoftuam ishte përditësimi i listës pozitive të barnave, tashmë jemi në përfundim të komisionit dhe të gjitha përgatitjeve dhe pritet që kompanitë të fillojnë aplikimin”, tha ministri Fatmir Mexhiti në një intervistë për REL në gjuhën maqedonase.

Mexhiti paralajmëroi heqjen e drejtorëve ekonomikë nga 1 janari i vitit të ardhshëm, sipas tij, kjo nuk do të thotë që ato do të largohen nga puna por gjithçka do të organizohet.

“E saktë. Fatkeqësisht, drejtorë të tillë organizativë janë ende duke u emëruar, pse ligji është i tillë dhe unë kam filluar të merrem me atë problem dhe tashmë një muaj e kam informacionin në Qeveri. Thashë që në këtë hapësirë të vogël janë 66 drejtorë dhe 33 persona juridikë dhe borde drejtuese që nuk duhen fare sipas llogaritjeve tona dhe jemi dakord me Qeverinë dhe Fondin e Shëndetësisë që është mirë që ato pozita të hiqen nga 1 janari 2024”, theksoi Mexhiti.

Sipas Mexhitit ajo që nuk shkon në vend është sistemi drejtësisë, e kjo sipas tij, është arseja e ikjes së personelti mjeksor.

Continue Reading

Lajme

Taravari paralajmëron “boom” investimesh: asfaltim i pesë rrugëve dhe urë e re për personat me aftësi ndryshe

Published

on

Kryetari i Komunës së Gostivarit, Arben Taravari, në emisionin “Politica” në TV Globi, paralajmëroi se në komunën e Gostivarit në periudhën në vijim do të ketë një “boom” të vërtetë investimesh, ku do të asfaltohen të paktën 5 rrugë, si dhe do të vazhdojë puna për ndërtimin e kanalizimeve dhe investime tjera nën tokë.
“Për momentin punohet në tre rrugë që përgatiten për t’u asfaltuar: Banjicë e Poshtme – Banjicë e Epërme; rruga Zdunjë-Debresh, pastaj kemi kanalizimin Zdunjë-Debresh; së shpejti do të fillojë rikonstruktimi i plotë i rrugës nga pompa e beniznës Mak Petrol deri te restornati Ignatia. Do të bëhet riasfaltimi i rrugën Beliçicë për çka e kemi përgatitur dokumentacioni, pastaj edhe asfaltimin e rrugës për në fshatin Kunovë”, njoftoi Taravari duke nënvizuar se për këtë të fundit ka kritika nga një pjesë e qytetarëve se në atë fshat nuk jeton askush, por sqaroi se kjo rrugë ndërtohet me buxhet të siguruar nga Agjencia për zonat e pazhvilluara.
Po ashtu, siç njoftoi kryetar ii komunës së Gostivarit, në Turçan të Vogël punohet në dy rrugica që shtrohen me pllaka bekatoni, ndërsa një rrugë tjetër bëhet gati për asfaltim.
Taravari tha se njëri nga tre garazhet e planifikauar në kate, tanimë ka filluar të ndërtohet, si dhe paralajmëroi edhe fillim e ndërtimit të një terreni për tenis.
“Aktualisht kanë filluar punimet te garazhet në kate, njëra ka filluar të ndërtohet në afërsi të palestrës sportive “Rinia”, e dy të tjerat do të fillojnë të ndërtohen së shpejti. Do fillojmë edhe me terrenet për tenis te stadium, ku procedurat janë në vijim. Investimet kryesore janë këto dhe duhet të realizohen”, sqaroi Arben Taravari, kryetar i Komunës së Gostivarit.
Ai zbuloi se Komuna e Gostivarit ka fituar një grant prej 400 mijë euro, me të cilat para do të ndërtohet urë për personat me nevoja ndryshe. “E them sonte ekskuzivisht në këtë emision se me Komunën e Vitisë në Kosovë kemi fituar një grant, ku neve na takojnë 400 mijë euro. Me ato para do të ndërtojmë urë të re mbi lumin Vardar për personat me nevoja të veçanta. Ky projekt ka qenë një nga projektet e mia që kam dashur të realizohet”, theksoi Taravari.
Ai bëri të ditur se Komuna e Gostivarit, nga tetori do të blejë softuer të ri për regjistrim të pronave, me të cilin do të gjenerohen më shumë të ardhura nga pagesa e tatimit mbi pronën.

Continue Reading

Lajme

Taravari: Ligji për Amnisti kalon javën e ardhshme

Published

on

Propozim ligji për Amnisti ka shkaktuar debatë të ashpër në seancë Qeveritare. Megjithatë, porpozuesi i tij, ministri i Drejtësisë, Krenar Lloga nuk ka dhënë dorëheqje. Ky sqarim erdhi sonte nga kryetari i ASH-së, Arben Taravari në emisionin “Politica” në televizionin Globi.

“Nuk ka pasur dorëheqje, por ka pasur debat të ashpër në Qeveri me të cilin z. Lloga ka instituar që ky ligj të kalon. Nga partnerët e koalicionit është kërkuar të ryshqirtohet edhe për një javë”, deklaroi Arben Taravari, kryetar i ASH-së.

AAi tha e partnei i koalicioni që ka kërkuar kohë shtesë për propozim ligjin në fjalë, aka qenë LSDM. Është i bindur se dallimet do të tejkalohen dhe javën e ardhshme Ligji do të kalojë.

“LSDM-ja ka pasur diçka që ka dashur të konsultohet dhe ka mbetur për javën e ardhshme besoj të kalon Ligji për Amnisti”, deklaroi Arben Taravari, kryetar i ASH-së.

Ai tha se me këtë ligj ASH nuk tenton të shpëtoj askën nga burgu, por thjeshtë të amnistohet ato persona me vepra penale më të lehta që të lirohet mbipopullimi në burgje, ku tha Taravari, kushtet janë të mjerueshme.

Continue Reading

Lajme

Drejtori Gazmend Abdija në Republikën Çeke, promovohen eksportet e kompanive të RMV-së

Published

on

Agjencia për Investime të Huaja dhe Promovim të Eksportit të Republikës së Maqedonisë së Veriut në bashkëpunim me Shoqatën Tregtare të Maqedonisë në Republikën Çeke, dje, më 21 shtator 2023, në Pragë, Republika Çeke, filloi Konferenca dy-ditore e biznesit me temë: “Mundësitë për investime dhe procesi i granteve të WBIF, rrjetëzimi dhe takime B2B ndërmjet kompanive maqedonase dhe çeke nga sektorët e energjisë, industrisë automobilistike, agrobiznesit, industrisë së verës dhe ndërtimit”.

Qëllimi i kësaj konference dyditore është të inkurajojë bashkëpunimin ekonomik ndërmjet Republikës së Maqedonisë së Veriut dhe Republikës Çeke, të lehtësojë mundësinë e lidhjes së partneriteteve të reja ndërmjet kompanive maqedonase dhe çeke, si dhe të inkurajojë kompanitë nga Republika Çeke dhe rajon për të investuar në vendin tonë.

Konferenca është një platformë ideale për kompanitë aktuale vendase për të gjetur mënyra të reja për zhvillimin e biznesit dhe për të forcuar lidhjet me kompanitë nga Republika Çeke dhe rajoni.

Në këtë konferencë, fjalën e mbajti drejtori i InvestNorthMacedonia, Gazmend Abdija, i cili mbështeti kompanitë pjesëmarrëse në aktivitet. Pas përfundimit të pjesës zyrtare të konferencës, të pranishmit patën mundësinë të shijojnë verën dhe ushqimet maqedonase, si dhe të takohen me kompani nga të dyja vendet.

Gjatë ditës së sotme priten një numër i madh i takimeve B2B ndërmjet kompanive nga Maqedonia dhe Çekia, të cilat shpresojmë se do të rezultojnë në bashkëpunim të suksesshëm në të ardhmen.

Continue Reading

TOP Lajme