“Sot në Kuvendin e Republikës së Maqedonisë së Veriut, tentativa për ndryshimin e Kodit Zgjedhor, e bërë pa konsultim me OSBE-ODIHR dhe pa përfshirjen e deputetëve të Aleancës Kombëtare për Integrim në një proces të hapur e gjithëpërfshirës, nuk kaloi falë shumicës së dyfishtë – Badenterit.

Ky rezultat është një fitore e parimeve demokratike dhe e respektimit të zërit të qytetarëve, sepse ligjet që prekin drejtpërdrejt të ardhmen e vendit dhe proceset zgjedhore duhet të hartohen me transparencë, konsensus dhe respekt për standardet ndërkombëtare. Përpjekjet e partive të VLEN, të cilat sot mbajnë pushtet pa legjitimitet etnik në një qeveri antishqiptare, nuk mund të cenojnë të drejtat dhe përfaqësimin e barabartë të shqiptarëve.
Ne do të mbetemi të vendosur që çdo ndryshim ligjor të jetë në funksion të demokracisë, barazisë dhe përfaqësimit të drejtë të të gjithë komuniteteve në vend” ka shkruar Blerim Bexheti.

Aktivisti i Aleancës për Shqiptarët, Liridon Ramadani, ka reaguar pas vizitës së koalicionit VLEN në komunën e Likovës, duke thënë se aktiviteti i tyre nuk është pritur nga qytetarët.

“Sot zbarkoi VLEN në Likovë, ama si paska prit askush, ndoshta sepse janë mësuar me sallat e mbushura nga Taravari,” ka shkruar Ramadani.

Ai është ndalur edhe te kandidati i VLEN-it për Likovë, të cilin e ka vlerësuar në aspektin profesional si profesor, por jo si menaxher dhe politikan.

“Nuk ka aftësi menaxheriale dhe nuk njeh as strukturën e as aktivistin. Aktivizohet vetëm kur ka përfitime personale, dhe në mbledhjen e fundit ishte nga të vetmit që duartrokisnin koalicionin me BDI, me ‘interes kombëtar’ si justifikim,” thekson Ramadani.

Sipas tij, kandidati në fjalë kishte kërkuar mbështetjen e BDI-së për të garuar për kryetar komune, por pasi i ishte refuzuar, vendosi të mbajë postin aktual dhe të luajë rolin e “anti-BDI”.

“Me sa e njoh unë, ai nuk po bën garë për kryetar komune, në fakt gara e tij është ta ruajë postin e drejtorit,” përfundon reagimi i Ramadanit.

Ramadani: VLEN në Likovë pa pritje, kandidati i tyre po garon për postin e drejtorit, jo për kryetar komune

Analisti dhe pronari i portalit Tetovasot, Rami Mislimi, ka reaguar ndaj veprimeve të një deputeteje të VLEN-it, Saranda Imeri , ish-këngëtare, e cila me një propozim ligjor të nënshkruar nga dora e saj, synonte të votonte kundër mediave shqiptare dhe për një ligj tjetër që mund të ndikonte në manipulimin zgjedhor.

Sipas Mislimit, deputetja nuk kishte njohuri të mjaftueshme për ligjin që po inicionte dhe nuk e kuptonte pasojën e votës së saj. Falë ndërhyrjes së deputetëve shqiptarë, veçanërisht të Aleancës Kombëtare dhe Ali Ahmetit, ligji për mediat nuk kaloi, duke e lënë deputeten në situatë të vështirë dhe “me gishtat në gojë”.

Mislimi e cilëson këtë si mungesë përgjegjësie dhe njohurie për legjislacionin që ajo vetë po propozonte.
Turp! Nuk di as vetë çfarë inicon, e lëre më të mbrojë shqiptarët shprehet Mislimi.

Ja postimi i plotë:

”Deputetja e VLEN-it ishte kundër mediave shqiptare, por mbeti me gishtat në gojē”

Kjo është deputetja e LD-së apo e VLEN, me emrin Saranda përdryshe ish këngëtare!

Me propozimin e një ligji të nënshkruar nga dora e saj, ajo sot dëshironte të votonte kundër mediave shqiptare, si dhe për një ligj tjetër që synonte manipulimin zgjedhor.

Vetë kjo deputete ka pranuar se nuk e ka ditur as se çfarë ligji ka inicuar për t’u votuar sot.

Falë deputetëve të tjerë shqiptarë, gjegjësisht të Aleancës Kombëtare që ishte edhe Ali Ahmeti ligji për mediat nuk kaloi, dhe Saranda mbeti me gisht në gojë.

Turp! Nuk di as vetë çfarë inicon, e lëre më të mbrojë shqiptarët”, ka përfunduar Mislimi