Meidani: Takim mes Begajt, Ahmetit dhe Taravarit për forcimin e bashkëpunimit institucional

Ambasadori i Shqipërisë në Maqedoninë e Veriut, Denion Meidani, ka bërë të ditur se ka shoqëruar Presidentin e Republikës së Shqipërisë, Bajram Begaj, në një takim me kreun e BDI-së, Ali Ahmeti, dhe me Arben Taravari, si dhe me përfaqësues të tjerë, në kuadër të vizitës zyrtare në Maqedoninë e Veriut.

Sipas Meidanit, në takim është zhvilluar një bashkëbisedim mbi zhvillimet aktuale politike, integrimin evropian dhe çështjet që lidhen drejtpërdrejt me të drejtat, përfaqësimin dhe perspektivën e shqiptarëve në rajon.

Postimi i plotë i Meidanit:

“Shoqërova Presidentin e Republikës, Sh.T.Z. Bajram Begaj, në takimin me z. Ali Ahmeti, z. Arben Taravari e miq të tjerë, në kuadër të vizitës zyrtare në Maqedoninë e Veriut. 🇦🇱🇲🇰

Një bashkëbisedim mbi zhvillimet aktuale, integrimin evropian dhe çështjet që prekin drejtpërdrejt të drejtat, përfaqësimin dhe perspektivën e shqiptarëve në rajon.

Në një kohë kur kërkohet qartësi dhe qëndrueshmëri, dialogu i sinqertë, i drejtpërdrejtë dhe institucional mbetet rruga më serioze për të avancuar bashkëpunimin dhe interesat kombëtare.

Në këtë frymë, diskutuam për të forcuar lidhjet tona, krah për krah dhe me vizion përpara”, perfundon Meidani.