Connect with us

Lajme

Maqedonia e Veriut në krizë të thellë institucionale – e fundit në Ballkan sa i përket besimit të qytetarëve në secilin institucion të shtetit

Published

2 years ago

on

Sipas të dhënave të Barometrit të Ballkanit (2023) nga Këshilli për Bashkëpunim Rajonal (Regional CooperationCouncil ), besimi i qytetarëve të Maqedonisë së Veriut në institucionet kryesore të shtetit është më i ulëti në rajon, edhe atë për secilin institucion veç e veç.

  • Vetëm 18% e qytetarëve të Maqedonisë së Veriut i besojnë parlamentit, krahasuar me 21% në Bosnje-Hercegovinë, 27% në Shqipëri, 32% në Mal të Zi, 41% në Serbi dhe 63% në Kosovë.
  • Vetëm 19% e qytetarëve të Maqedonisë së Veriut i besojnë qeverisë, krahasuar me 21% në Bosnje-Hercegovinë, 30% në Mal të Zi, 38% në Shqipëri, 45% në Kosovë dhe 54% në Serbi.
  • Vetëm 15% e qytetarëve të Maqedonisë së Veriut u besojnë institucioneve gjyqësore, krahasuar me 20% në Shqipëri, 33% në Bosnje-Hercegovinë, 38% në Mal të Zi, 46% në Serbi dhe 56% në Kosovë.
  • Vetëm 24% e qytetarëve të Maqedonisë së Veriut i besojnë avokatit të popullit, krahasuar me 37% në Shqipëri, 39% në Bosnje-Hercegovinë, 43% në Mal të Zi, 46% në Serbi dhe 52% në Kosovë.
  • Vetëm 45% e qytetarëve të Maqedonisë së Veriut i besojnë ushtrisë dhe forcave të sigurisë, krahasuar me 52% në Bosnje-Hercegovinë, 52% në Kosovë, 52% në Shqipëri, 53% në Mal të Zi dhe 72% në Serbi.
  • Vetëm 35% e qytetarëve të Maqedonisë së Veriut i besojnë policisë, krahasuar me 40% në Bosnje-Hercegovinë, 41% në Kosovë, 46% në Shqipëri, 47% në Mal të Zi dhe 62% në Serbi.

Duke komentuar rezultatet e Barometrit të Ballkanti 2023, Arben Fetai, drejtori i Instituti tpër Politika Publike Arbën Xhaferi tha “Këto të dhëna flasin për një krizë të thellë institucionale, pasi që asnjë institucion i Maqedonisë së Veriut nuk gëzon besimin e shumicës së qytatarëve.”

Sipas Fetait, “Kjo gjë do duhej të ishte një sinjal alarmi për institucionet dhe në veçanti për pushtetin ekzekutiv i cili është përgegjësi kryesor për hartimin dhe zbatimin e politikave shtetërore. Maqedonia e Veriut ka nevojë urgjente për një ndërrim paradigme të cilit duhet t’i prijë qeveria para se pasojat e kësaj thyerje të kontratës sociale midis qytetarit dhe shtetit të marrin përmasa më të mëdha dhe të pariparueshme, siç janë ekzodi masiv i rinisë dhe trazirat sociale.“

Barometri i Ballkanit është sondazh vjetor i opinionit publik dhe i ndjenjave të biznesit në gjashtë vendet e Ballkanit Perëndimor, i porositur nga Këshilli për Bashkëpunim Rajonal. Ai analizon aspiratat dhe pritshmëritë e qytetarëve për jetën dhe punën, tendencat mbizotëruese socio-ekonomike dhe politike, përfshirë integrimin rajonal dhe evropian, thuhet në komunikatën e Institutit Arbër Xhaferi.

Analizën e tërësishme mund ta shihni ne vegëzën e mëposhtme:

https://www.facebook.com/100054791815472/posts/pfbid0tdGsDAZ3QC2963sfQxsBRj4stKXCgrTctQrKyaoNL5Di4387SGvkWSqeqqRguzSl/?mibextid=5eVWNK

Related Topics:
Continue Reading

Lajme

Fetai zhvillon takim me përfaqësuesen e ambasadës amerikane: Lufta kundër korrupsionit, prioritet i përbashkët

Published

6 hours ago

on

April 18, 2025

By

 

Zëvendëskryeministri Arben Fetai ka zhvilluar sot një takim të rëndësishëm me Nicole Varnes, zëvendës shefe e Misionit në Ambasadën e Shteteve të Bashkuara në Shkup. Në fokus të bisedës ishte forcimi i koordinimit ndërinstitucional dhe mbështetja e vazhdueshme amerikane në luftën kundër korrupsionit në vend.

“Krimi i organizuar dhe korrupsioni nuk njohin kufij. Këto janë sfida transnacionale që kërkojnë përgjigje të përbashkët, angazhim të vazhdueshëm dhe bashkëpunim të thelluar ndërkombëtar”, u shpreh Fetai pas takimit.

Ai theksoi se mbështetja konsistente nga Shtetet e Bashkuara dhe partneriteti i ngushtë me Ambasadën amerikane janë thelbësore për zhvillimin demokratik dhe sundimin e ligjit në vend.

Continue Reading

Lajme

Nënkryetari i ASH-së, Kadriu: Kur të shpifin nga hija, ti vazhdo të qëndrosh me të vërtetën

Published

8 hours ago

on

April 18, 2025

By

Nënkryetari i Aleancës për Shqiptarët, Gëzim Kadriu përmes një postimi ka dëshmaur eehe një her mbështetjen e parezerve ndaj kryetarit të partisë, Arben Taravari duke i kërkuar që të vazhdoj përpara pasi ASH-ja është motori që solli ndryshimin dhe solli VLEN-in në qeveri, shkruan Top24

Kur të shpifin nga hija, ti vazhdo të qëndrosh me të vërtetën

Është zhgënjyese kur sulmet më të padrejta vijnë jo nga kundërshtarë ideologjikë, por nga ata që deri dje ishin bashkë në betejë për ndryshim. Kur bashkëpunëtorët e së djeshmes sot zgjedhin të fshihen pas profileve të rreme për të hedhur baltë, nuk kemi më të bëjmë me debate politike, por me mungesë karakteri dhe mosmirënjohje të thellë.

Aleanca për Shqiptarët ka qenë dhe mbetet themeli i rotacionit historik që solli VLEN-in në qeverisje. Me përballje të ndershme, me integritet dhe me sakrificë të vazhdueshme, ne hapëm rrugën për ndryshimin. Ky kontribut nuk kërkon mbrojtje, ai është fakt dhe histori. Ta injorosh këtë rol, është jo vetëm gabim politik, por edhe padrejtësi morale.

Kur shpifja zë vendin e debatit, dhe fyerja anonime zëvendëson dialogun, bëhet e qartë që nuk jemi më përballë kundërshtarëve të ideve, por të interesave personale. Dhe kur këto interesa shfaqen me agresivitet të tillë, bien maskat, dhe zbulohet e vërteta: jo të gjithë kanë qenë për bashkim, disa kanë qenë thjesht për veten.

Ne nuk do të ndalemi. Do të vazhdojmë të punojmë me ndershmëri, duke i shërbyer qytetarëve, me kokën lart dhe me besim të plotë në të vërtetën tonë.

Continue Reading

Lajme

Snopçe: S’ka vendim për grupin parlamentar të VLEN-it, ende veprojmë bashkë

Published

9 hours ago

on

April 18, 2025

By

Nuk ka ende një vendim zyrtar se si do të veprojnë deputetët e koalicionit VLEN në Kuvend, pas largimit të Aleancës për Shqiptarët nga Koalicioni VLEN. Shefi i grupit parlamentar, Halil Snopçe, i cili vjen nga radhët e ASH-së së Arben Taravarit thekson se tani për tani nuk ka ndonjë paralajmërim se koalicioni do të veprojë ndaras në Kuvend.

“Për momentin nuk ka paralajmërim as nga ana jonë e as nga ana e partnerëve tanë se do të veprohet me grupe të veçanta parlamentare. Kjo i bie se ende po veprojmë si grup i përbashkët parlamentar. Fundja, këto vendime qoftë të njërës, qoftë të palës tjetër kanë të bëjnë për zgjedhjet e ardhshme lokale”, deklaroi Halil Snopçe, deputet i ASH.

Kreu i Lëvizjes BESA, Bilall Kasami, sot theksoi se ende nuk është biseduar se si do të funksionojë grupi parlamentar, megjithatë tha se çdo deputet do të jetë i mirëseardhur në grupin parlamentar të VLEN-it, nëse është i gatshëm të jetë pjesë e transformimit të koalicionit në një parti politike.

Grupin parlamentar të koalicionit VLEN tani për tani e përbëjnë 14 deputetë. Pesë deputetë janë të Aleancës për Shqiptarët, nga 3 të Lëvizjes Demokratike dhe Alternativës, 2 të Lëvizjes BESA dhe 1 deputet i pavarur, respektivisht Bekim Qoku.

Sipas rregullores së Kuvendit për të formuar grup parlamentar, duhet pasur së paku pesë deputetë, që do të thotë se Taravari ka mundësi të formojë grupin e vet parlamentar nëse janë të pajtimit deputetët Halil Snopçe, Rijad Shaqiri, Mimoza Musa, Sadik Sulejmani dhe Salim Sulejmani./Alsat

Continue Reading

TOP Lajme