Connect with us

Lajme

Lloga: Të sanksionohet kryetarja e Gjykatës së Kumanovës, ose edhe mua si ministër të më drejtohen me ‘shiptar’

Published

on

Ministri i Drejtësisë, Krenar Lloga kërkon nga Këshilli Gjyqësor që të ndërmerr masa në përputhje me ligjin dhe të përcaktojë përgjegjësinë e ushtrueses së detyrës kryetare e Gjykatës Themelore në Kumanovë, Snezhana Manev. Kërkesa e Llogës bazohet në raportin nga vizita e punës që kanë kryer anëtarët e Këshillit Gjyqësor më 1 shkurt të këtij viti. Në raport mes shkeljeve të shumta, procedurave jo ligjore dhe sistemimit jo adekuat është konstatuar edhe qasja nacionaliste dhe nënçmuese e kryetares Manev e cila ndaj gjykatësve shqiptarë përdor terme si “shiptari, të paaftë” dhe “gjedhe”. Lloga ka potencuar shqetësimin e tij për mos veprimin e Këshillit Gjyqësor pavarësisht shqyrtimit të raportit dhe kalimit si pikë e rendit të ditës pikërisht një muaj më parë.

Kërkesa e ministrit të Drejtësisë drejtuar Këshillit Gjyqësor
“Theksoj domosdoshmërinë e ndërmarrjes së reagimit më të mprehtë dhe masave të duhura për të përcaktuar përgjegjësinë dhe për të sanksionuar këtë lloj sjellje dhe për të inkurajuar gjuhën e urrejtjes në bazë kombëtare”.
Në rast se nuk ndërmerren masa konkrete, Lloga i kërkon Këshillit Gjyqësor që në komunikimin e ardhshëm të përdorin qasjen e Manevës.

Kërkesa e ministrit të Drejtësisë drejtuar Këshillit Gjyqësor
“Nëse gjendja e cekur mbetet e pandryshuar, shprehimisht ju kërkoj që në korrespondencën dhe komunikimin e ardhshëm me mua si ministër i Drejtësisë, të më drejtoheni duke përdorur të njëjtin fjalor dhe terminologji që përmbahen në pretendimet nga raporti i vizitës së punës”.

Raporti si dokument publik ndodhet në faqen zyrtare të Këshillit Gjyqësor. Në faqen 9 dhe 10 qasja e Manevës konstatohet në raport zyrtar.

Raporti i Këshillit Gjyqësor për vizitën në Gjykatën e Kumanovës
“Veç tjerash në raste të caktuara përdorë nënçmime në baza kombëtare, konkretisht kualifikime se gjykatësit shqiptarë janë bërë “shiptari të paaftë”, ndërsa gjykatësit e tjerë etiketohen si “i çmendur” dhe “e çmendur”, ndërsa të punësuarve në gjykatë i referohet me “gjedhe”.

Veçmas fyerjeve, nënçmimeve dhe kualifikimeve në baza kombëtare raporti konstaton edhe shkelje ligjore për cilat gjykatës të tjerë kanë përfunduar në burg.

Konstatimet nga Raporti i Këshillit Gjyqësor për vizitën në Gjykatën e Kumanovës

  • Zvarritje dhe verifikim i lëndëve në mënyrë jo të rregullt dhe jo të përditësuar në AKMIS. 
  • Të respektohet shpërndarja në sistemin AKMIS, të ketë dëshmi për ndryshimin e gjykatësve, të sqarohen arsyet pse disa gjykatës nuk janë në sistemin AKMIS dhe pse janë anashkaluar nga shpërndarja e lëndëve në mënyrë automatike…”.

Ndaj qasjes së Manevës të punësuarit ishin ankuar edhe paraprakisht përmes një letre publike adresuar në Këshillin Gjyqësor. Në të ishin potencuar frika dhe pasiguria e të punësuarve dhe fati i tyre. Për qasjen e Manevës përveç Këshillit Gjyqësor, janë njoftuar edhe ambasadat e huaja në vend, ndërkohë gjendja e konstatuar në raport është adresuar edhe në Qeveri e cila mban llogari për zbatimin e reformave në gjyqësor. /Alsat.mk

Continue Reading

Lajme

Përçarje në radhët e Lëvizjes Demokratike në Saraj: Aktivistët ngrihen kundër Izet Mexhitit, rikthehen në BDI

Published

on

By

 

Në një reagim të fortë publik në rrjetet sociale, dega e Lëvizjes Demokratike në nëndegës Sfillare ne Saraj ka kritikuar ashpër drejtuesit e kësaj force politike, duke e akuzuar kryetarin Izet Mexhiti për mashtrim elektoral dhe tregti me interesat e shqiptarëve. Disa aktivistë kanë paralajmëruar largimin dhe rikthimin e tyre në BDI.

“Të dashur bashkëfshatar të f.Svillare, ju aktivistë e simpatizantë të LD-së, nuk mund të qëndrojmë të heshtur përpara një katrahure të madhe politike që po ndodh para nesh ku ne i votuam për #ndryshim,” thuhet në deklaratën e publikuar nga dega e LD-së në këtë fshat, duke shtuar se ndryshimi i premtuar “sidomos nga kryetari i LD-s Izet Mexhiti” nuk është mbajtur.

Ata akuzojnë lidershipin se ka dalë “në shesh pazare të ‘nëntokës’ duke tregtuar interesat e #shqiptarëve në emër të #sovranit”.

Në reagim për këtë situatë, përmendet edhe kreu i Aleancës për Shqiptarët, Arben Taravari, duke lënë të kuptohet se kjo degë pajtohet me statusin e ketij të fundit duke cituar statusin e Taravarit te dites së sotme që quajti Mexhitin një “pensionist politik i BDI-së”, dhe ka theksuar se ai e ka braktisur BDI-në jo për parime, por për “interesa personale dhe kalkulime momentale”.

Sipas Taravarit, “koalicioni nuk mund të funksionojë mbi baza hipokrizie” dhe ai nuk mund të jetë pjesë e një strukture që, siç thotë ai, “vazhdon të funksionojë me mentalitetin e vjetër të BDI-së”.

Përçarja vjen në një moment kritik për opozitën shqiptare në Maqedoninë e Veriut. “Kjo përçarje sjell një sfidë serioze për besueshmërinë dhe fuqinë e opozitës shqiptare në vend,” thuhet më tej në reagim.

Lëvizja Demokratike në Sfillare të Sarajit paralajmëron se kjo situatë do të ketë pasoja në të gjithë skenën politike shqiptare: “Rrjedhojat e kësaj ndarjeje pritet të ndihen jo vetëm në koalicionin VLEN, por në gjithë peizazhin politik shqiptar në Maqedoninë e Veriut.”
Ku për fund shkojnë se faturen do e paguaj vetëm populli.

Continue Reading

Lajme

Arlinda Imeri Shllaku emërohet ushtruese detyre e Kryetares së Forumit të Gruas në Çair

Published

on

By

 

Dega e Aleancës për Shqiptarët në Çair ka emëruar znj. Arlinda Imeri Shllaku si ushtruese detyre e Kryetares së Forumit të Gruas. Vendimi u mor në mënyrë unanime nga Kryesia e Forumit të Gruas, në funksion të fuqizimit të përfaqësimit të grave dhe strukturave lokale të partisë.

Lexoni më poshtë kumtesën e plotë:

KUMTESË PËR OPINION

Dega e Aleancës për Shqiptarët në Çair njofton opinionin se sot u mbajt mbledhja e Kryesisë së Degës së Forumit të Gruas, ku në mënyrë unanime u vendos që znj. Arlinda Imeri Shllaku të emërohet si ushtruese detyre e Kryetares së Forumit të Gruas të Aleancës për Shqiptarët – Dega Çair.

Ky vendim është marrë në frymën e bashkëpunimit, përfaqësimit të denjë të grave në politikë dhe fuqizimit të strukturave tona organizative në nivel lokal.

Njëkohësisht, kryesia e Forumit të Gruas së Degës Çair, me unanimitet të plotë, rithekson qëndrimin e saj të palëkundur në respektimin e vendimeve të Kryesisë Qendrore të partisë dhe liderit të Aleancës për Shqiptarët, z. Arben Taravari, duke kontribuar me përkushtim në realizimin e vizionit tonë të përbashkët për një të ardhme më të mirë.

Aleanca për Shqiptarët – Dega Çair
13 maj 2025

Continue Reading

Lajme

Deputeti Shaqiri takon zëvendësambasadorin e Francës

Published

on

By

Deputeti i ASH, Rijad Shaqiri, zhvilloi një takim me zëvendësambasadorin e Francës në vend, z. Philippe Marcheteau, i shoqëruar nga përkthyesi i ambasadës, z. Ardian Ramadani. Gjatë takimit u diskutua për zhvillimet politike në vend dhe rajon. Shaqiri e cilësoi si kënaqësi takimin me përfaqësuesin diplomatik të një vendi mik si Franca.

Continue Reading

TOP Lajme