Connect with us

Lajme

Lloga: Të sanksionohet kryetarja e Gjykatës së Kumanovës, ose edhe mua si ministër të më drejtohen me ‘shiptar’

Published

on

Ministri i Drejtësisë, Krenar Lloga kërkon nga Këshilli Gjyqësor që të ndërmerr masa në përputhje me ligjin dhe të përcaktojë përgjegjësinë e ushtrueses së detyrës kryetare e Gjykatës Themelore në Kumanovë, Snezhana Manev. Kërkesa e Llogës bazohet në raportin nga vizita e punës që kanë kryer anëtarët e Këshillit Gjyqësor më 1 shkurt të këtij viti. Në raport mes shkeljeve të shumta, procedurave jo ligjore dhe sistemimit jo adekuat është konstatuar edhe qasja nacionaliste dhe nënçmuese e kryetares Manev e cila ndaj gjykatësve shqiptarë përdor terme si “shiptari, të paaftë” dhe “gjedhe”. Lloga ka potencuar shqetësimin e tij për mos veprimin e Këshillit Gjyqësor pavarësisht shqyrtimit të raportit dhe kalimit si pikë e rendit të ditës pikërisht një muaj më parë.

Kërkesa e ministrit të Drejtësisë drejtuar Këshillit Gjyqësor
“Theksoj domosdoshmërinë e ndërmarrjes së reagimit më të mprehtë dhe masave të duhura për të përcaktuar përgjegjësinë dhe për të sanksionuar këtë lloj sjellje dhe për të inkurajuar gjuhën e urrejtjes në bazë kombëtare”.
Në rast se nuk ndërmerren masa konkrete, Lloga i kërkon Këshillit Gjyqësor që në komunikimin e ardhshëm të përdorin qasjen e Manevës.

Kërkesa e ministrit të Drejtësisë drejtuar Këshillit Gjyqësor
“Nëse gjendja e cekur mbetet e pandryshuar, shprehimisht ju kërkoj që në korrespondencën dhe komunikimin e ardhshëm me mua si ministër i Drejtësisë, të më drejtoheni duke përdorur të njëjtin fjalor dhe terminologji që përmbahen në pretendimet nga raporti i vizitës së punës”.

Raporti si dokument publik ndodhet në faqen zyrtare të Këshillit Gjyqësor. Në faqen 9 dhe 10 qasja e Manevës konstatohet në raport zyrtar.

Raporti i Këshillit Gjyqësor për vizitën në Gjykatën e Kumanovës
“Veç tjerash në raste të caktuara përdorë nënçmime në baza kombëtare, konkretisht kualifikime se gjykatësit shqiptarë janë bërë “shiptari të paaftë”, ndërsa gjykatësit e tjerë etiketohen si “i çmendur” dhe “e çmendur”, ndërsa të punësuarve në gjykatë i referohet me “gjedhe”.

Veçmas fyerjeve, nënçmimeve dhe kualifikimeve në baza kombëtare raporti konstaton edhe shkelje ligjore për cilat gjykatës të tjerë kanë përfunduar në burg.

Konstatimet nga Raporti i Këshillit Gjyqësor për vizitën në Gjykatën e Kumanovës

  • Zvarritje dhe verifikim i lëndëve në mënyrë jo të rregullt dhe jo të përditësuar në AKMIS. 
  • Të respektohet shpërndarja në sistemin AKMIS, të ketë dëshmi për ndryshimin e gjykatësve, të sqarohen arsyet pse disa gjykatës nuk janë në sistemin AKMIS dhe pse janë anashkaluar nga shpërndarja e lëndëve në mënyrë automatike…”.

Ndaj qasjes së Manevës të punësuarit ishin ankuar edhe paraprakisht përmes një letre publike adresuar në Këshillin Gjyqësor. Në të ishin potencuar frika dhe pasiguria e të punësuarve dhe fati i tyre. Për qasjen e Manevës përveç Këshillit Gjyqësor, janë njoftuar edhe ambasadat e huaja në vend, ndërkohë gjendja e konstatuar në raport është adresuar edhe në Qeveri e cila mban llogari për zbatimin e reformave në gjyqësor. /Alsat.mk

Continue Reading

Lajme

Patricia Nugee me ekspozitën e saj “Kujtesa për Skënderbeun” mysafire në Tetovë

Published

on

By

Në qytetin e Tetovës ishte një mbrëmje mbreslënëse. Koleksionistja e njohur e librave të rrallë mbi Gjergj Kastrioti – Skënderbeu – znj. Patricia Nugee hapi ekspozitën e saj” Kujtesa për Skënderbeun”.

Zonja Nugee për herë të parë erdhi në Tetovë dhe solli një frymë ndryshe. Nugee tha se është mirënjohëse dhe shumë e lumtur që iu dha rasti ta ekspozoj koleksionin e librave për Skënderbeun në Tetovë.

Në këtë ekspozitë u ekspozuan 37 libra të botuar në mes të shekujve XVI dhe XVIII në Romë, Augsburg, Strasburg, Venedik, Frankfurt, Londër, Lisbonë dhe Madrid, Paris, Amsterdam, Brescia, Edinburg, Napoli, Stokholm dhe Danimarkë. Në fillim pati një video-mesazh nga Loris Castriota Skanderbegh (pasardhësi i Skënderbeut) ai shprehu mirënjohje për këtë punë të mrekullushme të Patricia Nugget.Fjalë rasti pati kryetari i Komunës së Tetovës z. Bilall Kasami poashtu edhe nikoqir i mbrëmjes ku tha:

”Ne do t’i kemi gjithnjë dyert e hapura dhe do të jemi në mbështetje të vazhdueshme të artit, kulturës dhe historisë kombëtare”. Zonja Belinda Dyrmishi- e ngarkuar me punë në Ambasadën e Shqipërisë në RMV tha se kjo është një punë e mrekullushme dhe fisnike. Neve si shqiptarë na bën krenarë.Profesor Arsim Sinani- ligjërues në Universitetin “Hasan Prishtina” është nga ata që sjell vetëm energji për qytetin, historinë.

Profesor Arsim Sinani pati një fjalim domethënës siç vetëm ai mund të shprehet e falënderoi zonjën Nugee për gjithë punën e saj poashtu kërkoi nga instuticionet qendrore më shumë mundësi për projektet e tilla sepse tani kanë mundësi ta bëjnë këtë.Elma Sherifi përgjegjëse e Njësisë së Kulturës në Komunën e Tetovës poashtu edhe kuratore e ekspozitës tha: “Ishte nder të jem kuratore e kësaj ekspozite dhe të shoh se si heroji i gjithë shqiptarëve njihet dhe vlerësohet nga popujt tjerë, por edhe më kënaqësi është që këtë ekspozitë ta sjellim para këtij publiku të mrekullushëm”.

Elma Sherifi ndau me publikun historinë e zonjës Nugee kur ajo për herë të parë kishte dëgjuar për Skënderbeun“Emrin e Skëndërbeut e gjeta derisa isha duke punuar në një librari antike në Londër kur një lexues kërkoi një libër për të. As që kisha dëgjuar për Skënderbeun. Kërkova ndihmën e shefit tim, Trifo Max, i cili u angazhua të më gjente librin e parë për Skënderbeun. Kështu filloi njohja ime me këtë figurë, për të cilën hulumtova në vazhdimësi të gjej libra që janë shkruar për jetën e tij. Në antikuariat nëpër botë, ka tridhjetë vjet që unë kam blerë libra të vjetër, të lirë, të shtrenjtë dhe shumë të shtrenjtë për Skënderbeun. Tash në koleksionin tim i kam 37 libra të vjetër për Skënderbeun.’’

Donika Bakiu kuratore e ekspozitës dhe moderatore e mbrëmjes tha:” Ekspozita me këtë koleksion të librave për Gjergjin tonë, heroin tonë,është një frymëzim i përhershëm për të gjithë ne për figurën e Skënderbeut dhe poashtu, një nderim që i bën qytetit të Tetovës zonja Patricia Nugee, ajo për herë të parë erdhi në Tetovë dhe solli energji pozitive.” Në këtë mbrëmje kishte shumë të pranishëm sepse ishte një natë e rrallë dhe e veçantë.

Continue Reading

Lajme

Diellza Uzeiri nga Tetova zë vendin e parë në garat ndërkombëtare të piajnistëve të rinj

Published

on

By

Në garat ndërkombëtare të pijanisteve të rinj që janë mbajtur në qytetin e Vranjes në Serbi, Deillza Uzeiri nga Tetova ka zënë vendin e parë.

Garat janë zhvilluar në një konkurrencë të fortë me shumë garues nga disa shtete në shkollën e muzikës “Stevan Mokranjac”, ku Uzeiri është vlerësuar me 98 pikë me çka edhe është renditur e para në këto gara.

Ndryshe, Deillza ndejk mësimiet për muzikë, gjegjësisht piano në shkollën e muzikës “Todor Skallovski” në qytetin e Tetovës në klasën e Anastasia Vollçevska Obadikj.

Continue Reading

Gosip

Xhulian Shabani me klipin e Luiz Ejllit fiton vendin e parë nga publiku!

Published

on

By

Në faqen zyrtare të “Netëve të klipit shqiptar” në edicionin e 21-t , vendi i parë çmimi i publikut i ka takuar videoklipit “Amanet” me protagonist Luiz Ejli.

Ndërkohë që klipi “Amanet “ishte klipi më i votuar online nga publiku , në skenë për të marrë çmimin u ngjit Xhulian Shabani, producent i këtij klipi.

Shabani me këtë rast falenderoi të gjithë ata që e kanë përkrahur me votat e tyre, në veçanti përshëndeti “Ejllat”, fansat e zjarrt të Luizit, si dhe vetë Luiz Ejllin artistin që i dha motiv të shpreh kreativitetin e tij në këtë videoklip.

Ishte punë e gjerë nga një ekip profesionist i Synopsis Ads, ku shfrytëzoi rastin t’i përshëndes të gjithë sepse besoni në atë temperatur të lartë që është prodhuar klipi ishte shumë i vështirë realizimi i klipit, u shpreh Xhuliani.

Më tej Shabani falenderoi edhe Elvis Pupën dhe Santiana Malokun që ishin aktorë, si dhe gjithë bashkëpuntorët e Synopsys ads që kontribuan të realizohet me sukses ky klip.

Në fund fare Xhulian Shabani tha se këtë klip dhe këtë sukses i’a përkushton babait të tij tashmë të ndjerë , që beson se e shikon prej lartë dhe krenohet me Xhuliani/ Fol.mk

Continue Reading

TOP Lajme