Connect with us

Lajme

Lloga-Aggeler: SHBA janë mbështetës të fuqishëm të rrugës sonë evropiane dhe reformave në gjyqësor

Published

on

Ministri i Drejtësisë, Krenar Lloga, realizoi takim me Ambasadoren e SHBA-ve në vendin tonë, Shkëlqesinë e Saj, Angela P. Aggeler, në të cilin u bisedua për bashkëpunimin me SHBA si partner strategjik në fushat që lidhen me reformat në gjyqësor, agjendën legjislative dhe luftën kundër korrupsionit.

Ministri Lloga tha se digjitalizimi në gjyqësor është një proces kyç për fuqizimin e kapaciteteve, përgjegjësisë dhe profesionalizmin e gjykatësve dhe prokurorëve publikë.

Ministri Lloga e informoi Ambasadoren Aggeler për procesin e formimit të grupit punues për ndryshimet kushtetuese dhe pritshmëritë që opozita përmes përfaqësuesve të tyre të kontribuojë në procesin i cili është jashtëzakonisht i rëndësishëm për eurointegrimet.

Lidhur me vetingun, Ministri Lloga theksoi se ky mund të realizohet vetëm me mbështetjen e SHBA-ve dhe BE-së. Ambasadorja Aggeler ishte gjithashtu e njoftuar me gjendjen në burgjet dhe me rastet e montuara gjyqësore.

Në takim u theksua Strategjia e re për reforma në sektorin e gjyqësorit 2023-2027, e cila është e përqëndruar në përmirësimin e kushteve dhe fuqizimin e kapaciteteve me çka do të sigurohen kushte për zbatim të pandërprerë dhe në mënyrë stabile të reformave të planifikuara.

Ministri i Drejtësisë, Krenar Lloga dhe Ambasadorja Aggeler u pajtuan që të intensifikohet bashkëpunimi mes vendeve në drejtim të sigurimit të stabilitetit dhe kushteve për zbatimin e reformave.

Continue Reading

Lajme

Musa: Kur dallgët partiake trazojnë ujërat e skenës politike, ne duhet të jemi ura që lidhin, jo muret që ndajnë

Published

on

By

Deputetja e Aleancës për Shqiptarët, Mimoza Musa, ka reaguar me një mesazh reflektues në rrjetet sociale, duke theksuar rëndësinë e ruajtjes së marrëdhënieve njerëzore në skenën politike të trazuar.

“Kur dallgët partiake trazojnë ujërat e skenës politike, ne duhet të jemi ura që lidhin, jo muret që ndajnë”, shkruan Musa, duke ftuar për një klimë më të shëndetshme komunikimi dhe bashkëpunimi, pavarësisht bindjeve të ndryshme politike.

Ajo nënvizon se në një shoqëri me demokraci të brishtë si e jona, është përgjegjësi e secilit – së pari si njeri dhe pastaj si politikan – të ruajë respektin dhe raportet shoqërore.

“Mospajtimi është pjesë e demokracisë, por mungesa e respektit është plagë që e dëmton atë,” thekson Musa.

Sipas saj, brezi i ri i politikanëve ka detyrë të sjellë një qasje të re në jetën publike – duke qëndruar të palëkundur në parime, por të hapur për dialog e mirëkuptim.

Në përmbyllje të mesazhit të saj, Musa kujton se politika është kalimtare, por vlerat dhe mënyra se si sillemi me njëri-tjetrin janë ato që përcaktojnë të ardhmen e shoqërisë.

Continue Reading

Lajme

Snopçe: Pa ne s’mund të funksionojë Qeveria, duhet të ketë zgjedhje të parakohshme!

Published

on

By

Deputeti Halil Snopçe vlerëson se zgjedhjet e parakohshme do të bëhën të pashmangshme nëse Aleanca për Shqiptarët e Arben Taravarit del nga Qeveria.

Në emisionin “Dialog te Lajmi”, Snopçe tha se vetëm me nëntë deputetë shqiptarë nuk mund të funksionojë mazhoranca.

“Pa shqiptarët nuk ka qeveri. Nëse ne dalim në opozitë, si mendoni të të funksionojë qeveria, nëse nuk ka prurje të reja prej shqiptarëve. Me 9 deputetë nuk mund të funksionojë qeveria duhet të shkohet në zgjedhje të parakohshme, pavarësisht çfarë them unë apo dikush tjetër. Nëse Aleanca për Shqiptarët del nga Qeveria nuk ka mundesi pa shku në zgjedhje të parakohshme parlamentare”, tha Snopçe.

Continue Reading

Lajme

Sopçe: Gjate qeverisjes se deritanishme, duhet patjeter konstatuar fakti qe ende nuk kemi arit te avansojme ceshtjet qe kane te bejne me te drejtat e shqiptareve

Published

on

By

Deputeti i Aleancës për Shqiptarët, Halil Snopçe, në intervistën në “Dialog te Lajmi”, ka  numëruar të paarriturat e Qeverisë aktuale.

Disat nga jo të arrituarat e kësaj  Qeverie që i numëroi Snopçe janë  ndryshimet kushtetuese, ligjin për përfaqësim të drejtë, etj.

Deklarata e plotë :

Fakti i pa mohueshëm me 4 liderë ashtu siç ishim nuk shkon puna, fakt i pa mohueshëm duheshte të bëjmë një parti politike, nuk e bëmë, fakti i pa mohueshëm edhe në raportet në kuadër të VLEN-it dhe karshi me raportet me VMRO-DPMNE-në, edhe pse ka disa lëvizje pozitive ku për herë të parë komunat shqiptare moren ndima të konsiderueshme, 1800 specializantënqë u punësuan nuk mund ta marish si punsime politike sepse ato specializantë janë punsuar në kohën kur ka qenë BDI-ja në qeverisje, tash ato do marin paga si specializantë, pra nuk ishte vendime për politik nuk ishin vendime për të fituar pika politike për punësime që të marrin vota me punësime, por është një vendim për interesat e shëndetësisë.

Por, në fakt karshi për vendime të interesit kombëtarë, ne fatkeqësisht edhe për shkak të hutisë mbrenda VLEN-it nuk kemi arritur të bëjmë diçka.

Unë kur deklarova se do dalim nga Qeveria, unë mora sulme, nuk arritëm të vendojmë një kushtëzim përball VMRO-DPMNE-së se kjo është Stop.

Ne premtuam ndryshime kushtetuese për 6 muaj,  në kohën tonë u hoq Balansuesi dhe premtuam ligjin për përfaqësim të drejtë dhe ligjin e kishim të gatshëm që është projekt i yni, për dy a tre fjali ka 6 muaj që po zvaritet.

Përmendëm 20% që eshtë premtim i joni, por qytetarët nuk mendojnë se besojnë se ne do të arrimë në këtë kuadër të qeverisë sonë.

Pra, pikat për interes kombëtar shqiptarë që i kemi pasur në premtim ne nuk arritëm t’i bëjmë.

Continue Reading

TOP Lajme