Connect with us

Lajme

Limani paralajmëron mbi 40 projekte të reja për Gostivarin nga thirrja e dytë qeveritare për investime kapitale

Published

on

Terrene sportive, rrugë, kanalizime, ujësjellës, revitalizim i një parku, si dhe një pishinë shkollore – Komuna e Gostivarit është gati për pjesën e dytë të projekteve nga fondi prej 250 milionë eurosh të planifikuara, të cilat Qeveria i ka siguruar me kushte të favorshme financiare për projekte kapitale, përmes kredisë nga Hungaria.

Thirrja e dytë publike për aplikimin e komunave pritet të shpallet këtë javë dhe deri në fund të muajit duhet të kalojë në seancë qeveritare. Kryetari i Komunës së Gostivarit, Valbon Limani, i pyetur nga gazetarët lokalë, tha se për këtë thirrje janë duke u përgatitur mbi 40 projekte dhe pret që ato të realizohen deri në fund të vitit.

Ai shtoi se investimet do të mbulojnë të gjitha fushat dhe do të adresojnë kërkesat e qytetarëve. “Komuna e Gostivarit është në fazën përfundimtare të përgatitjeve. Besoj se do të kemi mbi 40 projekte të ndryshme infrastrukturore, duke filluar nga asfaltimi i rrugëve, ndërtimi i kanalizimeve fekale, ujësjellësve, si dhe rinovimi i disa terreneve sportive. Gjithashtu, planifikojmë ndërtimin e një pishine shkollore pranë shkollës fillore ‘Goce Dellçev’ dhe revitalizimin e një parku të vogël, krahas projekteve të tjera që synojnë të mbulojnë nevojat e qytetarëve tanë,” deklaroi Limani.

Ndërkohe, ai bëri të ditur se me 13 projektet e fituara nga thirrja e parë, punimet në terren do të nisin më së voni brenda dy javësh. “Procedurat për shumicën e projekteve janë drejt përfundimit, disa tashmë kanë përfunduar. Po presim që operatorët të nisin punimet sapo kushtet atmosferike ta lejojnë. Nëse koha është e mirë, besoj se brenda dy-tre javësh do të fillojmë me projektet e para,” theksoi ai.

Limani shtoi se realizimi i këtyre projekteve do të përmirësojë ndjeshëm infrastrukturën e qytetit të Gostivarit. Ndryshe, ashtu si në thirrjen e parë publike, fondet do të shpërndahen përmes gjashtë ministrive, të cilat do të duhet të japin miratimin e tyre për realizimin e projekteve përmes komisioneve vlerësuese.

Continue Reading

Lajme

Limani: Fillojnë punimet për 6 terrene sportive në Gostivar – investim për rininë dhe komunitetin

Published

on

By

Komuna e Gostivarit ka filluar punimet për rekonstruksionin dhe ndërtimin e 6 terreneve sportive nga te cilët 4 janë terene sportive, nje park me teren sportiv dhe nje kend lojrash sportiv, në vendbanime të ndryshme të qytetit, duke e bërë sportin më afër të rinjve dhe komunitetit tonë.

Nga këto, 3 terrene ekzistuese do të rinovohen dhe do të pajisen me mjete moderne dhe shtresë tartani, ndërsa 3 terrene të reja do të ndërtohen nga e para, sipas standardeve më të larta bashkëkohore për siguri, cilësi dhe funksionalitet.

Ky investim është pjesë e vizionit të Komunës së Gostivarit për të ndërtuar një rrjet të plotë të infrastrukturës sportive, ku çdo lagje dhe çdo vendbanim të ketë terrenin e vet sportiv.
Punimet përfshijnë lokacione strategjike, duke përfshirë:

Shkollën e Mesme të Mjekësisë
Shkollën e Mesme Teknike
Zonën pranë Stacionit të Autobusëve
Lagjen Maleardi
Hapësirën te Amfiteatri
Shëtitoren përgjatë lumit Vardar
Këto projekte nuk janë vetëm ndërtim terrenesh, por janë ndërtim i mundësive: për të rinjtë që duan të garojnë dhe të zhvillohen, për familjet që duan më shumë hapësira rekreative dhe për një komunitet që rritet më i shëndetshëm dhe më i bashkuar.

“Qëllimi ynë është i qartë: të krijojmë hapësira ku të rinjtë tanë të kalojnë kohë cilësore, të merren me sport dhe të rriten të shëndetshëm. Këto investime janë investime për të ardhmen e gjeneratave tona,” – thekson Kryetari i Komunës së Gostivarit.

Continue Reading

Lajme

Policia nis aktivitetet për zbardhjen e autorëve të lajmit të rrejshëm për Jeton Xhemailin

Published

on

By

SPB-Tetovë njofton se më 17.09.2025, në orën 12:30, personi J.D. (43) nga Gostivari ka raportuar në polici se në një profil në rrjetin social janë publikuar fotografi me emrin dhe mbiemrin e tij, përcjell Flaka

“Në njërën prej tyre ishte shkruar tekst me përmbajtje të rreme, ku pretendohej se ai, si bashkëpunëtor i ngushtë i një politikani nga Gostivari, ishte kapur me drogë”, potencuan për Flaka nga SPB-Tetovë

“Ky publikim i pavërtetë ka dëmtuar rëndë reputacionin tim personal dhe të familjes sime”, ka deklaruar J.D. përmes denoncimit të bërë në polici.

Nga SPB-Tetovë njoftojnë se po merren masa për sqarimin dhe dokumentimin e plotë të rastit.

Continue Reading

Lajme

Bujar Osmani: Akuzat për koalicion me Levicën janë të dëshpëruara, VLEN tashmë po e përgatit arsyetimin për humbjen

Published

on

By

Bujar Osmani reagoi ashpër ndaj valës së re të akuzave të rreme se BDI gjoja ka ndonjë koalicion me Levicën, duke i vlerësuar këto konstrukte si përpjekje të dëshpëruara të VLEN-it për ta zbutur goditjen nga humbja zgjedhore që po afron.

“VLEN po fillojnë ta përgatisin mbrojtjen për një humbje të mundshme. Kjo është aftësia e tyre dhe ky është qëllimi i tyre,” deklaroi kandidati për kryetar të Çairit, Bujar Osmani. “Përkundër këtyre shpifjeve, ata duan të kenë kapacitet që pas nëntorit t’u shpjegojnë njerëzve të tyre, opinionit, pse rezultati është ashtu siç është. Nuk do të ketë tjetër,” tha Osmani.

BDI dhe partnerët e saj paraqiten të bashkuar përmes Aleancës Kombëtare për Integrim, bashkimi më i madh politik shqiptar në 20 vitet e fundit. Ky koalicion, sipas Osmanit, e përfaqëson vullnetin e shumicës dërrmuese të shqiptarëve në vend:

“Ne kemi një aleancë, Aleancën Kombëtare për Integrim, bashkimi më i madh në 20 vitet e fundit. Partitë më të mëdha politike, të cilat vetëm në zgjedhjet e fundit së bashku morën rreth 80-90% të trupit elektoral shqiptar. Dhe kjo nuk ndodhi rastësisht, kjo është bërë sepse njerëzit kuptuan se zgjedhjet e ardhshme të 19 tetorit janë referendum,” tha Osmani.

Në fokus të këtyre zgjedhjeve, sipas Osmanit, nuk është vetëm zgjedhja e individëve por përplasja mes dy koncepteve – dinjiteti i shqiptarëve kundrejt nënshtrimit të tyre.

“19 tetori është 13 gushti i dytë, ku njerëzit do të vendosin mes dy koncepteve, jo vetëm mes individëve: a do të vazhdojmë të jemi zotër në shtëpinë tonë apo do të jemi shërbëtorë, të cilëve u diktohen politikat nga të tjerët,” tha ai.

Ai tha se votuesit e VMRO-DPMNE-së nuk do të mbështesin kandidatët e VLEN-it, duke thënë se kjo e ofendon pjekurinë politike të qytetarëve, veçanërisht të votuesve maqedonas.

“Më vjen keq që flitet në çdo tryezë nga oponentët politikë: ‘mos u shqetësoni, ne nga VMRO do të jemi përkrahja’. Së pari, kjo nuk është politikë që i bën ata dinjitozë. Unë çdo ditë jam në komunikim me qytetarët maqedonas, sepse shkoj derë më derë. Dhe ata kërkojnë zgjidhje pikërisht për këto tema për të cilat fola sot – papastërtinë, ndërtimet pa leje dhe korrupsionin. Ata thonë se dora e tyre kurrë nuk do të votojë për njerëzit që e shkatërruan komunën,” tha Osmani.

Në fund, Osmani paralajmëroi se BDI do të mbetet në rrugën e një fushate pozitive dhe programore:

“Ne do të vazhdojmë sërish të ofrojmë zgjidhje, do të vazhdojmë fushatën ta udhëheqim si garë idesh, jo si akuza dhe shpifje të pavërteta. Qytetarët do të vendosin dhe do të vlerësojnë kush si ka punuar dhe kujt i besojnë më shumë.”

Continue Reading

TOP Lajme