Connect with us

Politika

Limani: Ne do ta mbrojmë votën e qytetarit, në raudin e parë u vërtetua “treni bullgar”, nuk lejojmë parregullësi

Published

on

Valbon Limani nga koalicioni VLEN u shpreh se si koalicion kanë deponuar ankesa në KSHZ për parregullsi pavarësisht partive të tjera politike si në rrethin e parë ashtu edhe në rrethin e dytë dhe zgjedhjet parlamentare.

“Kemi deponuar ankesën edhe në raudin e parë të zgjedhjeve presidenciale ku u vërtetua se në një vendvotim në Likovë kishte parregullsi, më saktësisht kishte “tren bullgar”, të cilën e e konfirmoi edhe Gjykata Administrative. Gjithashtu edhe në raundin e dytë të zgjedhjeve presidenciale, më saktësisht në zgjedhjet parlamentare, ka pasur parregullsi në shumë vendvotime dhe ne jemi të vetëdijshëm se pa marrë parasysh se ku dhe si ndodhin parregullsitë, ne do të jemi gjithmonë stoik në mbrojtjen e të drejtës së votës”, tha Limani.

Ai shtoi se procesi zgjedhor gjithmonë duhet të jetë në nivel të lartë demokratik, pa marrë parasysh rezultatit zgjedhor.

“Unë nuk mendoj se ka asnjë tendencë rreth humbjes apo fitimit të mandatave të deputetëve, mirëpo në atë moment kur rezultatet zgjedhore tregojnë se me parregullsitë që kanë ndodhur, ndikojnë edhe në rezultatet përfundimtare, atëherë normalisht që do të reagojmë”, tha Limani duke shtuar si koalicion do të jenë aty për ta mbrojtur votën e qytetarit.

Continue Reading

Lajme

Taravari: Analistët që sulmojnë Kurtin në Prishtinë, na sulmojnë edhe neve në Shkup

Published

on

By

Kryetari i Aleancës për Shqiptarët, Arben Taravari, gjatë një tubimi me të rinjtë e partisë në Kumanovë, ka deklaruar se analistët e njejtë që sulojmë Albin Kurtin në Kosovë, sulmojnë edhe VLEN-in në Maqedoni.

Sipas Taravarit, këta njerëz paguhen nga qendra të ndryshme për të shpifur kundër VV-së në Prishtinë dhe VLEN-it në Shkup.

“Nëse e keni përcjellur fushatën në Kosovë, njërëzit e njejtë prej Maqedonie dhe Kosove, propagandë të njejtë kundër Albinit dhe të krijohet përshtypja se Vetëvendosja nuk fiton 20%. Por, populli ndryshe mendon, nuk mendon si këta analistët që paguhen nga qendrat e caktuara. E njejta propagandë është edhe në Maqedoni. E mbajnë temë gjuhën shqipe dhe nëse shkoni në Shqipëri apo Prishtinë, krijohet përshtypja se këtu nuk përdoret gjuha shqipe. Jo bre, njësoj përdoret gjuha shqipe, asgjë s’ka ndryshuar, vetëm do të avancohet. Ne në këtë mandate e kemi për obligim që gjuhës shqipe t’ia heqim 20% nga Kushtetuta që Ali Ahmeti s’e bëri për 22 vite në Qeveri”, tha Taravari.

” target=”_blank”>VIDEO

Continue Reading

Lajme

Bexheti – Qyra: të identifikojmë ide dhe mundësi për zhvillimin e bujqësisë si dhe lehtësim në tregje!

Published

on

By

Zëvendësministri i Bujqësisë Flakron Bexheti, zhvilloi një takim me Kryetarin e Odës Ekonomike të Maqedonisë Veri-Perëndimore, Mendi Qyra, Drejtorin Ekzekutiv, Durim Zekiri, si dhe përfaqësues të tjerë të Odës Ekonomike.

Takimi kishte për qëllim shkëmbimin e ideve dhe identifikimin e mundësive për zhvillimin e sektorit të bujqësisë, me theks në mbështetjen e fermerëve dhe lehtësimin e qasjes në tregje. Zëvendësministri Bexheti theksoi rëndësinë e bashkëpunimit ndërmjet institucioneve shtetërore dhe sektorit privat për përmirësimin e politikave mbështetëse dhe krijimin e mundësive të reja për zhvillim ekonomik.

Po ashtu, u theksua rëndësia e përfshirjes së shoqatave bujqësore, që janë pjesë e Odës Ekonomike, në grupet nënsektoriale të ministrisë, me qëllim të rritjes së përfaqësimit dhe përshtatjes së politikave bujqësore me nevojat e sektorëve përkatës.

Ky takim vlerësohet si një hap i rëndësishëm drejt forcimit të bashkëpunimit dhe fuqizimit të sektorit të bujqësisë në vend.

Continue Reading

Lajme

Taravari: Takimet me Daniel Serwer janë gjithnjë një përvojë e çmuar

Published

on

By

Kryetari i Aleancës për Shqiptarët, Arben Taravari, ka vlerësuar diplomatin Daniel Serwer, duke theksuar njohuritë e tij të thella mbi vendin tonë dhe përkushtimin e tij me mençuri dhe dashuri. Ai ka theksuar se takimet me Serwerin janë gjithnjë një përvojë e çmuar. Aktualisht, Daniel Serwer është anëtar i lartë në Institutin e Politikës së Jashtme në SAIS, Universiteti Johns Hopkins.

“Biseda me Daniel Serwer është gjithnjë një përvojë e çmuar. Ai është një diplomat që di aq shumë për vendin tonë dhe mbi të gjitha mendon me shumë dashuri dhe mençuri për të. Aktualisht Daniel Serwer është anëtar i Lartë në Institutin e Politikës së Jashtme në Shkollën e Studimeve të Avancuara Ndërkombëtare (SAIS) të Universitetit Johns Hopkins”, ka shkruar Taravari.

Continue Reading

TOP Lajme