Connect with us

Lajme

Lançohet ”DigjitalEra” slogani i ri i MSHIA-së/ Ministri Azir Aliu: Ivestojmë në digjitalizimin e vendit

Published

on

Sot përmes një Press Konference në qeverinë e RMV, ministri i Shoqerisë Informatike dhe Administratë, Azir Aliu së bashku me kryeministrin Kovaçevski prezantuan sloganin më të ri të  MSHIA ”DigjitalEra”.

DigjitalEra (https://digitalera.mioa.gov.mk/) është plafrorma më e re online e MSHIA se, kjo iniciativë sjell shtimin dhe promovimin e shërbimeve elektronike për qytetarët dhe administratën.

Gjatë fjalës së tij në press konferencë Ministri Aliu deklaroi se digjitalizimi I shërbimeve publike është prioritet i qeverisë:

“Sot në seancën e Qeverisë, sapo e kemi kaluar informacionin për proceset e

digjitalizimit dhe udhërrëfyesin për transformimin digjital të shtetit tonë.

MSHIA dhe Qeveria e RMV nëpërmjet strategjisë për TIK (Teknologjia e Informacionit dhe

Komunikimit), strategjisë për siguri kibernetike dhe udhërrëfyesit për transformim digjital përkufizon

saktë proceset dhe formën e digjitalizimit të shoqërisë duke mos injoruar qëndrueshmërinë dhe kohën e

zbatimit të proceseve digjitale.

Transformimi digjital i cili ndryshon rrënjësisht marrëdhëniet e shtetit me qytetarët, duke hedhur

bazat e një sistemi të sigurt antikorrupsion në shërbimet e ofruara është prioriteti ynë si qeveri ” u shpreh ministri Azir Aliu

Çfarë synon “DigjitalEra”

Ministri Aliu deklaroi se ”DigjitalEra”, përmes shërbimeve online , synon të lehtesojë shërbimet në kohë

reale për qytetarët, rritjen e transparencës si dhe llogaridhënien e administratës shtetërore:

“Me digjitalizimin e shërbimeve publike do të reduktojmë dukshëm kohën e shpenzuar

nga qytetarët për marrjen e një shërbimi në sportelet e administratës publike.

KËTO SHËRBIME do të mund të merren në kohë reale, të jenë transparente,

llogaridhënëse, dhe më pak të kushtueshme, me çka klientelizmi, favoret dhe

monopolizimi i proceseve do të jenë një e shkuar e hidhur.

Si rezultat, Transformimi digjital do të ndikojë pozitivisht në integritetin dhe dinjitetin si të

qytetarëve ashtu edhe të punonjësve në administratën shtetërore.

Sot MSHIA në 5 qytete posedon pika të integruara të shërbimeve që ofrojnë konceptin e

one-stop-shop, me strategjinë e re për transformim digjital qytetarët tanë do të kenë

mundësi që ti marrin këto shërbime në çdo cep të vendit.

Dua të theksoj se gjatë digjitalizimit të shërbimeve vëmëndje e veçantë do t’i jepet

përmirësimit të infrastrukturës digjitale edhe për personat me aftësi të kufizuara.

Duke qenë të vetëdijshem se Transformimi digjtal po ndryshon jetën dhe përditshmërinë

si të qytetarit ashtu edhe të bizneseve, për zbatim të suksesshëm gjatë përpilimit të

strategjive do të përfshihen të gjithë anëtarët e shoqërisë tonë në mënyrë të barabartë

si të rinjtë, shoqëria civile dhe komuniteti i biznesit për t’ju siguruar një ekosistem digjital

gjithpërfshirës.

Vemëndje të veçantë në transformimin digjital do të ketë siguria kibernetike ku do të jetë

një nga shtyllat e agjencisë për digjitalizim e cila do të krijohet gjatë këtij viti ” tha kreu i ministrisë.

Gjithashtu Përmes DigjidalEra deri në fund të vitit 2023 të gjithë sherbimet kyçe për qytetarët do të jenë online.

“Sa më shpejtë digjitalizojm shërbimet publike aq më lehtë është për qytetarët per t”i marrë të njejtat. Në këtë formë dhe korupsioni zvoglohet.

Prandaj me një qëllim të mirë, ju bëj thirrje të gjithë institucioneve shtetërore, dhe punonjësve në

institucionet publike për ta mbështetur iniciativën e transformimit digjital.

Të bëhemi aleatë për të sfiduar së bashku proceset korruptive, shkelësit e ligjit, të cilët

janë kundërshtarët më të mëdhenj të digjitalizimit të proceseve për shkak të zvogëlimit

të fuqisë së tyre për manipulim e abuzim.

Sot me “EraDigjitale” ne hapim një faqe të re.

Zotohemi që do të punojmë dhe do të japim maksimumin e kapaciteteve tona për të realizuar agjendën e transformimit digjital me mbështetjen e Qeverisë së RMV për të mirën e të gjithë qytetarëve, SEPSE ne të gjithë ndajmë të ardhmen e përbashkët dhe synimim tonë për anëtarësimin e vendit në BE.

Direktivat e BE janë udhërrëfyesi jonë për të bërë ndryshimet e nevojshme si në

aspektin e IT infrastrukturës, ashtu ede në aspektin e optimizimit të administratës

publike dhe përmirësimin e ambientit të punks për mediat në RMV” – perfundoi Aliu.

Continue Reading

Lajme

Hoxha lidh hallkat në zinxhirë: Ndikimi rus në RMV vjen përmes Serbisë, me Beogradin afërsi ka VMRO -ja e cila dëshiron izolimin e shtetit

Published

on

 

Me ndryshimet kushtetuese mirë do ishte të vinte edhe heqja e 20 përqindëshit nga Kushtetuta. Por, peshën pse nuk është kështu duhet ta mbajë propozuesi, Qeveria, gjegjësisht partitë që janë pjesë e kësaj qeveria. Kështu thotë Arjanit Hoxha, kryetari i subjektit të sapoformuar, Partia Demokratike Evropiane. Në emisionin “Politica” në televizionin Globi, ai tha se nuk kanë kushtëzime për mbështetje të ndryshimeve kushtetuese, aq më pak tani, pasi sipas tij, mosndryshimi i Kushtetutës do të lejonte ndikimin rus në Maqedoni.

“Unë them që është mirë të kalojnë ndryshimet kushtetuese sepse nuk është vetëm çështja e pozicionimit politik brenda në Maqedoninë e Veriut sa është edhe kjo që po ndodh në rajon. E shihni situatën në përgjithësi dhe mos flas për rajonin më të gjerë, pra në Evropë kemi luftë aktive me një agresion rusë në Ukrainë. Sado që të duken utopike këto çështje, janë të ndërlidhura dhe në vete ngërthejnë procese politike. Sa më gjatë zvarritet çështja e ndryshimeve kushtetuese dhe mos hapja e rrugëtimit të Maqedonisë së Veriut në strukturat evropiane, aq më shumë rriten gjasat për një ndikim anti-perendimor në RMV dhe prandaj flas që është shumë e rëndësishme të kalojnë”, deklaroi Arjanit Hoxha, kryetari i PDE.

Ai tha se do t’i bashkangjitej të a.q. “Fronti evropian” nëse i njejti formohet dhe garnton rrugëtimin evropian të vendit pavarësisht se kush i fiton zgjedhjet te blloku maqedonas.

“Ne duhet të jemi sy çelë dhe shqiptarët të jenë faktori determinues se ku do të shkojë shteti. VMRO-ja, hipotetikisht nëse i fiton zgjedhjet dhe nga ana tjetër ballafaqohet me një front shqiptarë që i ka 25-30 deputetë që e kanë përcaktuar rrugëtimin evropian të vendit, atëherë e ka patjetër nëse dëshironë qeverisje t’i respektojë këto parime. Prandaj flas se kjo është ajo që duhet të ndodh dhe çdo ndasi të formave të tjera, vetëm se do t’i ndihmonë edhe maqedonasit por edhe politikave indirekte ruse që mundohen të mos ketë qetësi në rajon, vetëm e vetëm për t’i arritur interesat e tyre, ashtu si ka qenë gjithmonë në historinë e tyre”, deklaroi Arjanit Hoxha, kryetari i PDE.

I pyetur nëse Rusia ka ndonjë qendër në Maqedoni për ndikimin e saj, ai tha se ndikimi mund të vijë përmes Serbisë e me shtetin fqinjë, sipas Hoxhës, afërsi sot ka VMRO-DPMNE-ja.

“Nuk dua të hy në konsekuenca të cilat mund të kenë ndikim edhe në aspektin e sigurisë sepse nuk kam ashtu informacione dhe qasje, por mendësia e instaluar e tregon atë se Serbia e ka pasur hallkën në disa qarqe për t’u futur brenda për të ndikuar në një farë forme për prishjen e balanceve të orientimit të vendit. Për fat të keq sot ajo që shihet në opozitën maqedonase, ka një ndikim jashtëzakonisht të madh. Tash ndoshta flas hapur mbi atë që nuk e ka folur dikush edhe pse jam i ri në moshë, por i kam ndjekur proceset politike. Deri në vitin 2011-të betej në opinion ka qenë se si të hiqet LSDM-ja nga ndikimet serbe në Maqedoni, dhe sot e keni ju sesi të hiqet në VMRO e cila ka qenë pastër pro bullgare, sot nga ndikime serbe.

Gazetari: Pra, ju thoni se VMRO është qendra, apo?

Unë tregova sinjalet se si janë, për baza nuk mund të them, nuk mund të mbajë përgjegjësi për diçka të tillë, mirëpo për momentin, veprimtaria politike e izolimit të rrugëtimit të Maqedonisë së Veriut i ndikon vetëm Serbisë për pazare rajonale, asgjë më tepër”, deklaroi Arjanit Hoxha, kryetari i PDE.

Megjithatë, Hoxha nuk sheh ndonjë rrezik nëse tani nuk kalojnë ndryshimet kushtetuese nga ndikimet rajonale, pasi thotë, Maqedonia e Veriut sot është vend anëtarë i NATO-s.

Ndryshe, ditë më parë nga Maqedonia e Veriut u dëbuan tre diplomat rusë, të cilët, sipas Agjencisë për kundërzbulim, ata kanë punuar për të ndarë strukturën nacionale maqedonase. Së bashku me diplomatët rusë, u dëbua edhe një prift i Kishës Ortodokse Ruse, i cili ishte pjesë e dioqezës së Sofjes në Bullgarinë fqinje. Dihet se ai ka pasur kontakte dhe ka bashkëpunuar me peshkopë nga sinodi i KOM-it, por nuk ka detaje të tjera pse prift rusë ka ardhur shpesh në Maqedoni dhe çfarë aktivitetesh ka pasur.

Continue Reading

Lajme

“Dënimet për pedofilët u ulën kur Besa, Alternativa dhe Mexhiti ishin në Qeveri”, kështu Lloga i demanton akuzat e opozitës

Published

on

Ministri i Drejtësisë, Krenar Lloga në Facebook ka demantuar akuzat e opozitës, ku thuhet se Kodi i ri Penal do t’i dënojë më pak personat që abuzojnë seksualisht me fëmijët nën moshën 14 vjeçare. Sipas Llogës, ligji në fjalë është propozuar në 2021 kur në Qeveri ka qenë Lëvizja Besa me Izet Mexhitin dhe ka vazhduar përsëri me Izet Mexhitin dhe me Alternativën përsëri në Qeveri 2022/2023 dhe është votuar në Kuvend në kohën kur ai nuk ka udhëheqë me Ministrinë e Drejtësisë, përcjell Nistori.

“Ligji në fjalë është propozuar në 2021 kur në Qeveri ka qenë Levizja Besa me Izet Mexhitin dhe ka vazhduar përsëri me Izet Mexhitin dhe me Alternativën përsëri në Qeveri 2022/2023 dhe është votuar në Kuvend në kohën kur unë nuk kam udhëheq me Ministrinë e Drejtësisë. Në lexim të parë arritëm të gjejm materialet se kanë votuar PËR: Izet Mexhiti, Kastriot Rexhepi, Fadil Zendeli, Hysni Ismaili etj. Me përgjegjsin me të lartë morale, penale dhe materiale demantoj pretendimet e juaja dhe se gjysëm e verteta nuk i bën nder askujt, përkundrazi dëmton të vërtetën”, shkruan Lloga.

Ndër të tjera, ai shton se ngritja e këtyre temave nga amatorë partiakë në studio televizive pa marrë qëndrime të ekspertëve të fushës jo vetëm se e dëmton kauzën dhe luftën kundër pedofilisë, por i sjellë huti dhe pasiguri opinionit të gjërë.

Continue Reading

Lajme

Reagon sërish Taravari: Qeveria e Serbisë duhet të dënohet për sjelljet kriminale

Published

on

Kryetari i Aleancës për Shqiptarët (ASH), Arben Taravari, me një postim në rrjetin social Facebook ka reaguar për të dytën herë për ngjarjet e ndodhura ditën e djeshme në Veri të Kosovës, ku një grup i armatosur serb i mori jetën efektivit Afrim Bunjaku dhe la të plagosur një tjetër polic.

Taravari shprehet se Kosova nuk mund të jetë një Ukrainë e dytë, sepse një Ukrainë e dytë përkthehet në Luftën e Tretë Botërore. Ai kërkon të ndërrohen negociatorët mes Kosovës dhe Serbisë, të cilët, shton ai, do të mbanin një qëndrim të drejtë që nënkupton ndëshkim të qeverisë serbe për të gjitha sjelljet kriminale që ka bërë deri tani!

“Serbia vazhdon përpjekjet e saj për të ndezur luftën në Kosovë dhe më gjerë. Evropa diplomatike vazhdon dhe i zvogëlon këto sulme ushtarake në “banda” dhe raste të izoluara. Kosova nuk mund të jetë një Ukrainë e dytë, sepse një Ukrainë e dytë përkthehet në Luftën e Tretë Botërore. Që kjo mos të ndodhë duhet ndaluar urgjentisht Serbia në strategjinë e saj pushtuese dhe kriminale! Mjaft më me takime diplomatike që janë benzinë që po shton zjarrin. Ka ardhur koha të ndërrohen negociatorët dhe të mbahet qëndrim i drejtë ndaj të të dy palëve! Qëndrim i drejtë domethënë dënim, ndalim dhe ndëshkim i qeverisë serbe për të gjitha sjelljet kriminale që ka bërë deri tani! Është i domosdoshëm ndalimi i Serbisë në veprimet e saj. Çdo vonesë mund t’i kushtojë botës shumë më shumë”, shkruan i pari i ASH-së.

Ndërkohë ditën e djeshme, pak orë pas ngjarjes, Taravari dënoi me ashpërsi sulmin e kryer ndaj policisë së shtetit të Kosovës nga i cili mbeti i vrarë një efektiv policie dhe një tjetër mbet i plagosur.

“Tani që shkruaj këto rreshta aty ende vazhdojnë të shtënat nga persona të maskuar dhe gjuajtës profesionistë. Ky është një rast alarmant, dramatik dhe kërkoj reagim urgjent nga faktori ndërkombëtar! Duhet Vepruar Tani!”, shprehej Taravari.

Ngjarja e rëndë që riktheu ethet e luftës në Kosovë ndodhi rreth orës 3 të mëngjesit të së dielës në fshatin Banjska të Zveçanit, ku policia e Kosovës u sulmua nga një grup i armatosur prej 30 personash, të veshur me uniforma ushtarake dhe të armatosur me armë të rënda.

Një operacion i Forcave Speciale të Kosovës për kapjen e autorëve e pasoi ngjarjen e rëndë, nga ku në total 3 serbë mbetën të vrarë gjatë shkëmbimit të zjarrit dhe 6 janë arrestuar.
https://www.facebook.com/1265185232/posts/pfbid0QFkcAYwXDAUaSc8ZoxqXW16StAoUKpP1DMgtjmNRFje347Ue9PUHSoyFdutUFS2Wl/?mibextid=cr9u03

Continue Reading

TOP Lajme