Kandidati i VLEN-it, Arben Taravari ka reaguar pas informacioneve se dhjetra autobusë me shqiptarë nga Kosova janë bllokuar në Serbi.

Taravari shkruan se kjo është një shkelje e të drejtave njerëzore si dhe një arsye shtesë për të dalë nga Ballkani i Hapur.

“Lajmet e sotme tregojnë se dhjetëra autobusë me shqiptarë nga Kosova, janë bllokuar në Serbi. Si hakmarrje ndaj avancimit të Kosovës në Këshill të Evropës.
Ky mentalitet është i papranueshëm, dhe ky bllokim është shkelje e të drejtave njerëzore. Kjo është një arsye më shumë për të dalë nga Ballkani i Hapur.
Maqedonia e Veriut, si shtet i NATO-s dhe si shtet me popullsi të madhe shqiptare, duhet të bëjë thirrje për lirimin e autobusëve me udhëtarë dhe për garantimin e të drejtave njerëzore. Por si duket, ministri i jashtëm e ka vështirë të flasë keq për Beogradin”, ka shkruar Arben Taravari.

Në kuadër të rritjes së transparencës para opinionit, koalicioni VLEN prej sot ka lëshuar në përdorim ueb faqen e saj evropiane www.vlen.eu.

Me një dizajn modern, ueb faqja është përgatitur sipas standardeve të ueb faqeve moderne të partive të njohura në vendet e Evropës Perëndimore. Viztorët e kësaj faqe në një vend do të kenë programin zgjedhor të koalicionit VLEN, si dhe fjalimet e aktivitetet e përditshme politike të liderëve të partive që përbëjnë këtë koalicion, por edhe të shtabeve zgjedhore gjithë andej ku janë prezentë.

Ueb faqja do të përmbajë informata të shumta edhe për aktivitetin e Forumi të Gruas, Forumit Rinor, organizimit partiak, por edhe për misionin e këtij koalicioni.

Me një fjalë koalicioni VLEN prej sot funksionon me një ueb faqe evropiane e cila ia vlen të vizitohet.

Se gjërat nuk janë duke shkuar ashtu siç duhet brenda Frontit Europian e konfirmon edhe vet Zijadin Sela. Në një status në rrjetin social Facebook ai bën thirrje deri tek aktivistët që të ruajnë qetësinë dhe të mos eskalojë situata.

“Të sillemi me përgjegjësi e të bëhemi bashkë në mënyrë që të jemi më të përgaditur, sepse nuk është kohë betejash politike për të treguar se kush na qenka më i zoti e kush mbledh më tepër vota, por është koha që t’i bashkojmë të gjitha votat bashkërisht, që të jemi të gatshëm t’u bëjmë ballë sfidave”, shkruan mes tjerash Sela.

Ndryshe dje disa media raportuan se ka patur zënkë në mes të aktivistëve të Zijadin Selës dhe BDI-së.